काठमाडौँ, असार ३१ गते । चलचित्र बगान प्रदर्शन भएसँगै कलाकारहरू काठमाडौँ उपत्यकाका विभिन्न हलमा दर्शक प्रतिक्रिया बुझ्न पुगेका छन् । अभिनेता तथा निर्देशक सरोज खनाल, अभिनेतृ करिश्मा मानन्धर र प्रमिला कार्कीले दर्शकसँग साक्षात्कर गर्नुभएको हो ।
चलचित्र हेरर फर्किएका दर्शक कोही अभिनेतृ मानन्धरको अँगालोमा परेर आँसु झार्दै थिए भने अभिनेता तथा निर्देशक खनालसँग पुरुष भनेको तपाईं जस्तै हुनुपर्छ भन्दै भक्कानिएका थिए । चलचित्र हेर्न आउने एकल आमाहरूले आफ्नै कथामा चलचित्र बनाएको भन्दै धन्यवाद व्यक्त गरे भने एकल आमाले हुर्काएका सन्तानले आफ्नो जिम्मेवारी बोध गराइदिएको बताए ।
भक्तपुरको भाटभटेनीमा रहेको क्युएफएक्स सिनेमा, दरबारमार्गको राइजिङ मलमा रहेको क्युज सिनेमा र पुल्चोकको लबिम मलमा रहेको क्युएफएक्स सिनेमामा कलाकारहरू पुग्नुभएको थियो । अभिनेता सरोज खनालले डेब्यु निर्देशन रहेको चलचित्रमा अभिनेतृ मानन्धर, आकाश श्रेष्ठ, प्रमिला कार्कीलगायतको अभिनय रहेको छ ।
