.jpg)
काठमाडौं, असार १९ गते । गायिका रचना रिमाल र गायक रञ्जन राईको सुमधुर स्वरमा सजिएको ‘नदेख्दा तिमीलाई’ बोलको म्युजिक भिडियो सार्वजनिक भएको छ ।
रोमाण्टिक भर्सनको यस गीतमा शब्द डिपी खनालको छ भने सङ्गीत नवीन कार्कीको छ। गीतलाई विशाल निरौलाले सङ्गीत संयोजन गर्नुभएको हो ।
म्युजिक भिडियोमा नायिका केकी अधिकारी र रञ्जन कोइरालाबीचको अन्स्क्रिन प्रेम र रोमान्स देख्न सकिन्छ । बुद्ध थापाले छायाङ्कन गरेको यस भिडियोलाई सुप्रिम पराजुलीले सम्पादन गर्नुभएको हो ।
रशिका कोइरालाको प्रस्तुति रहेको यस भिडियोलाई राजीव समरको निर्देशनमा तयार पारिएको हो । नरेश कोइराला निर्माता रहेको यस गीतको भिडियोलाई ओएसआर डिजिटल नामक युट्युब च्यानलमार्फत सार्वजनिक गरिएको हो ।
