विन्ध्यवासिनी लाइफटाइम अचिभमेन्ट अवार्ड गुरुङलाई

काठमाडौँ (गोरखापत्र), वैशाख २८ गते । विन्ध्यवासिनी म्युजिक अवार्ड–२०७९ सङ्गीतकार तथा सङ्गीत प्रशिक्षक प्रकाश गुरुङलाई प्रदान गरिएको छ । राजधानीमा आयोजित समारोहमा गुरुङलाई नगद एक लाख रुपियाँसहित  विन्ध्यवासिनी लाइफटाइम अचिभमेन्ट अवार्ड–२०७९ बाट सम्मानित गरिएको हो ।  त्यस्तै गायिका  सुकमित गुरुङलाई ५० हजार नगदसहित विन्ध्यवासिनी सङ्गीत साधना सम्मान प्रदान गरिएको छ । 

लोकगायक झलकमान गन्धर्वको नाममा यसै वर्ष स्थापित झलकमान लोकसङ्गीत सम्मान–२०७९ बाट बद्री पङ्गेनीलाई सम्मान गरिएको छ । उक्त पुरस्कारको राशि नगद २५ हजार रुपियाँ रहेको छ । त्यस्तै यस वर्षको विन्ध्यवासिनी कला पत्रकारिता सम्मान नरेश भट्टराईलाई प्रदान गरिएको छ । उक्त पुरस्कारको राशि २५ हजार रुपियाँ रहेको छ ।