र्‍यापर साकारले नौ सहरमा कन्सर्ट गर्ने

काठमाडौं, वैशाख २६ गते । ‘लिल बुद्ध’बाट परिचित र्‍यापर साकार अधिकारीको आगामी एल्बम जुनमा रिलिज हुने भएको छ । जुन महिनाको पहिलो साता सार्वजनिक हुने एल्बम रिलिजसँगै साकारले मुलुकका नौ सहरमा कन्सर्ट गर्ने बताइएको छ ।

यस्तै, पाँच वर्षदेखि साकारको टुरको व्यवस्थापन गर्दै आएको पीभीई नेटवर्कले यसपटक पनि उहाँको नेपाल टुरको व्यवस्थापन गर्ने भएको छ । साकारले यस वर्ष अष्ट्रेलिया, भारत, युरोप र मध्यपूर्वी देशमा साङ्गीतिक भ्रमण गर्ने बताइएको छ । 

साकारको पछिल्लो म्युजिक भिडियो ‘नो पिस इन लभ’ नेपालसहित अष्ट्रेलिया र युएईमा ट्रेन्डिङमा परेको थियो ।