काठमाडौं, साउन २६ गते । लोकतान्त्रिक समाजवादी पार्टी (लोसपा) नेपालले निर्वाचन आयोगमा दल दर्ता गरेको छ ।
मङ्सिर ४ गते हुने प्रतिनिधिसभा सदस्य र प्रदेशसभा सदस्यको निर्वाचन प्रयोजनका लागि लोसपाले बिहीबार निर्वाचन आयोगमा पुगेर दल दर्ता गराएको हो । लोसपाको मूल दर्ता नम्बर ४९५–५०२ हाे ।
दल दर्ताका लागि लोसपाका नेताहरु केशव झा र मनीष मिश्रलगायतका नेता आयोगमा पुग्नुभएको थियो ।
निर्वाचन आयोगले निर्वाचनका लागि साउन २२ गते आइतबारदेखि ३१ गते मङ्गलबारसम्म दल दर्ताको समय तोकेको छ ।
