हरिप्रसाद कोइराला
उर्लाबारी, चैत ३० गते । घरबाट पछाडि सारेर सडकमा निकाल्दै गरेको ट्याक्टरले सडकमा गुडिरहेको मोटरसाइकललाई ठक्कर दिँदा मोरङको कानेपोखरी –५ जहदाका २४ वर्षीय मनोज कार्कीको मृत्यु भएको छ ।
अस्थायी प्रहरी चौकी कानेपोखरीका अनुसार कानेपोखरी ५ को भित्री सडकमा गुडिरहेको बा.३९ प ४३३३ नम्वरको मोटरसाइकललाई मे १ त ६७८७ नम्बरको ट्याक्टरले ठक्कर दिँदा कार्की गम्भीर घाइते हुनुभएको थियो ।
मोटरसाइकलमा कार्की र उहाँका दाजु दिलबहादुर कार्की सवार हुनुहुन्थ्यो । दुबै जनालाई तत्काल उपचारका लागि विराटनगरको नोवेल अस्पताल पठाइएकोमा मनोजलाई अस्पताल पु¥याउनासाथ चिकित्सकले मृत घोषणा गरेका थिए ।
घाइते दिलबहादुरको नोवेल अस्पतालमा उपचार भइरहेको छ । ट्याक्टर र चालकलाई प्रहरीले नियन्त्रणमा लिएको छ । सोलुखुम्वुको थुलुङदूधकोशी गाउँपालिका वडा नंं.२ काङ्गेल स्थायी घर भएका कार्की आफन्तको घरमा बसेर रमाइलो बहुमुखी क्याम्पसमा स्नातक चौथो वर्षमा अध्ययनरत हुनुहुन्थ्यो ।
-square-thumb.jpg)
-original-thumb.jpg)
