.jpg)
केशवराज भट्ट
वासुलिङ्ग बैतडी, पुस १४ गते । नेपाली कांग्रेस बैतडीले पार्टी सङ्गठन निर्माणमा योगदान पुर्याएका ज्येष्ठ क्रियाशील सदस्यलाई सम्मान गर्ने अभियानलाई निरन्तरता दिएको छ । अभियानअन्तर्गत हालसम्म जिल्लाका ७१ वडामा रहेका ज्येष्ठ क्रियाशील सदस्यलाई सम्मान गरिसकिएको कांग्रेसले जनाएको छ ।
शनिबार दोगडाकेदार गाउँपालिका–२, ३ र ७ का सदस्यलाई खिरेगाउँस्थित पार्टी कार्यालयमा तथा वडा ४ र ५ का सदस्यलाई सिल्लेकमा सम्मान गरिएको हो । कार्यक्रममा सम्मानपत्र प्रदान गर्दै खादा ओढाइएको थियो ।
कांग्रेस बैतडीका सभापति चतुरबहादुर चन्दले ज्येष्ठ क्रियाशील सदस्यको योगदानको कदर गर्दै सङ्गठनलाई थप मजबुत बनाउने उद्देश्यले सम्मान कार्यक्रम सञ्चालन गरिएको बताउनुभयो । जिल्लाका कुल ८४ वडामध्ये दोगडाकेदारका केही वडा र पुर्चाैंडी नगरपालिकाका १० वडामा सम्मान कार्यक्रम बाँकी रहेको जनाइएको छ ।
यसैबिच आगामी निर्वाचनलाई लक्षित गर्दै जिल्लाका गाउँ–घरमा राजनीतिक गतिविधि तीव्र बन्दै गएका छन । कांग्रेसले सङ्गठन सशक्त बनाइरहेका बेला रास्वपा र राप्रपाले पनि स्थानीय तहमा सङ्गठन विस्तार र संरचना मजबुतीकरणमा जोड दिएका छन् । यससँगै बैतडीका ग्रामीण क्षेत्रमा निर्वाचनको माहोल क्रमशः तात्दै गएको देखिएको छ ।
-original-thumb.jpg)
