काठमाडौं, कात्तिक १६ गते । नेपाली कांग्रेस केन्द्रीय सदस्य तथा विघटित प्रतिनिधि सभाका सदस्य रामहरि खतिवडालाई पितृशोक परेको छ।
उहाँका पिता जीवनाथ खतिवडाको आइतबार साँझ ७७ वर्षको उमेरमा निधन भएको छ ।
अस्पतालमा उपचारपछि उहाँ आफ्नै भाडाको कोठामा फर्कनु भएको थियो, हिँड्दै गर्दा उहाँको निधन भएको जानकारी पारिवारिक स्रोतले दिएको छ । उहाँ लामो समयदेखि अर्बुद (क्यान्सर) रोगबाट पीडित हुनुहुन्थ्यो ।
स्वर्गीय जीवनाथ खतिवडाको पार्थिव शरीरलाई सोमबार बिहान ९ बजे पशुपतिस्थित आर्यघाटमा अन्त्येष्टि गरिने भएको छ । ओखलढुंगा जिल्लाको मानेभन्ज्याङ्ग गाउँपालिका थाक्ले स्थायी बसोबास गर्दै आउनु भएका खतिवडा विरामी भएपछि केही वर्षयता काठमाडौंमा बस्दै आउनु भएको थियो ।
उहाँका श्रीमती, एक छोरी र पाँच छोरा हुनुहुन्छ ।
