ठाकुरप्रसाद आचार्य
म्याग्दी, असोज ३० गते । म्याग्दीको अन्नपूर्ण गाउँपालिका, ४ नारच्याङस्थित आठ हजार ९१ मिटर अग्लो अन्नपूर्ण प्रथम हिमालको आधार शिविर जाने मौरिस हर्जोग पदमार्गमा पर्ने सुन्दर फुतफुते झरना ।
करिब तीनहजार मिटरको उचाईमा रहेको यो झरना पर्यटकको आकर्षणको केन्द्र बनेको छ । आधार शिविरमा रहेको पञ्चकुण्ड तालबाट बगेर आएको मिस्त्री खोलाको पानीबाट फुतफुते झरना बनेको हो ।
मौरिस हर्जोग पदमार्गका पदयात्रीहरु झरनामा पुगेर फोटो, भिडियो बनाउँदै रमाइलो गर्दछन् । झरना नजिक पर्यटकको सुविधाका लागि चिया तथा कफी पसलहरु सञ्चालन गरिएको छ ।
