देख्दै छु मन्द हाँसो सुन्दर अधर छ तिम्रो
साँच्चै हो लोभ लाग्ने कर्के नजर छ तिम्रो
तिम्रो कला असाध्यै सुन्दर रहेछ प्यारी
हेला गरेछ उसले केमा अभर छ तिम्रो ?
पैसा निकै कमाएँ भन्थे सबै जनाले
आफन्त नै नचिन्ने अन्धो सहर छ तिम्रो
मान्छे असल छ भन्दै दिलमा सजाए सबले
सेवा गरेर होला साह्रै कदर छ तिम्रो
ढाँट्यौ हिजो मलाई उस्तै छ हाल भन्दै
सुन्दै छु आज मैले नौलो खबर छ तिम्रो
-square-thumb.jpg)
-original-thumb.jpg)
