शालिग्राम नेपाल
चितवन, भदौ १४ गते । चितवनको भरतपुरमा गएराति भएको सवारी दुर्घटनामा एक जना चिकित्सकको मृत्यु भएको छ ।
नारायणगढबाट वाइपास सडक भरतपुर तर्फ जादै गर्दा बा १५ च ४६९३ नम्बरको कार गएराति करिब १ः३० बजे अनियन्त्रित भई सडक किनारमा रहेको रुखमा ठोक्किँएको थियो । दुर्घटनामा परी कारमा सवार भरतपुर–२ आँपटारीका डा. बिप्लब भट्टको मृत्यु भएको हो ।
दुर्घटनामा परी गम्भीर घाइते भएका डा.भट्टको पुरानो मेडिकल कलेजमा उपचारको क्रममा रातिनै २ः०५ बजे मृत्यु भएको जिल्ला प्रहरी कार्यालय चितवनका प्रवक्ता रवीन्द्र खनालले जानकारी दिएको छ । घटनाको थप अनुसन्धान भइरहेको प्रहरीले जानकारी दिएको छ ।
