होमराज रानाभाट
कावासोती, भदौ १३ गते । पूर्वी नवलपरासीको पहाडी दुुई गाउँपालिकालाई समेटेर सरकारी सेवा दिने गरी ईलाका प्रशासन कार्यालय स्थापना गर्न पुनः माग गरिएको छ ।
यसअघि सहमति भए पनि सो कार्यालय स्थापना नभएपछि राजनीतिक दलका प्रतिनिधिहरुले गृहमन्त्री रमेश लेखकलाई ज्ञापनपत्र बुुझाउँदै कार्यालय स्थापनाका लागि माग गरेका हुन् ।
शुक्रबार गृहमन्त्री लेखकलाई गृह मन्त्रालयमा संघीय सांसद डा. शशांक कोइरालाको नेतृत्वमा गएको प्रतिनिधिमण्डलले भेटेर ज्ञापन पत्र बुुझाउँदै तत्काल ईलाका प्रशासन कार्यालय स्थापनाका लागि निर्णय लिन आग्रह गरिएको प्रदेश सांसद महेन्द्रध्वज जिसीले बताउनुुभयो ।
सो अवसरमा गृहमन्त्री लेखकले चाँडोभन्दा चाँडो ईलाका प्रशासन कार्यालय स्थापनाका लागि आफूले पूरा सहयोग गर्ने प्रतिबद्धता जनाउनुुभएको जानकारी पनि सांसद जिसीले दिनुभयो ।
बुुलिङटार र बौदीकाली गाउँपालिकाका स्थानीयहरू नागरिकता तथा अन्य प्रशासनिक कामका लागि ५० किमी भन्दा बढी दूरीमा जोखिमपूर्ण यात्रा गरेर कावासोती आउनुपर्ने बाध्यतामा छन् । बुलिङटार र बौदीकाली क्षेत्रमा बसोबास गर्ने झण्डै ३५ हजार व्यक्तिको सहजताका लागि इलाका प्रशासन कार्यालय स्थापना गर्न अपरिहार्य छ बुुलिगँटार गाउँपालिकाका हिरण्डयलाल काफलेले भन्नुुभयो ।
२०७८ साल फागुन १५ गते राष्ट्रिय मान्यता प्राप्त दलहरूको जिल्ला प्रशासन कार्यालयमा भएको बैठकले बुलिङटार र बौदीकाली गाउँपालिकाका बासिन्दालाई प्रशासनिक सेवा प्रवाहका लागि बुलिङटार–६ अत्रौलीमा इलाका प्रशासन कार्यालय स्थापना गर्नका लागि गृह मन्त्रालय सिफारिस गरेको थियो ।
‘‘सबै राजनीतिक दल तयार हुँदा पनि यो काम गर्न एमाले काङ्ग्रेसको बलियो र स्थिर सरकारले रोक्यो । अब यिनकै नेता कार्यकर्ता कुन मुखले भोट माग्न आउँछन् लाज पचाएर पहल त गरियो तर सकिएन भन्न आउने त होलान अब कि चोक चौरामा मात्र हो हामिले पार्टिको चर्को वकालत गर्ने भन्न आउछौँ ।’’ बौँदीकाली गाउँपालिकाका पूर्व अध्यक्ष दुुर्गाबहादुुर रानामगरले दुुखेसो पोख्नुुभयो ।
बुुलिगटार गाउँपालिकाका पूर्व अध्यक्ष शशीकिरण बस्ताकोटीले दुई गाउँपालिकालाई सेवा दिने गरी इलाका प्रशासन कार्यालय स्थापना गर्न जोड दिनुभयो ।
