उर्मिलालाई एसियाली शारीरिक सुगठनमा काँस्य

काठमाडौँँ, भदौ ८ गते । नेपालकी उर्मिला श्रेष्ठले थाइल्यान्डको बैंककमा जारी ५७औँ एसियाली शारीरिक सुगठन च्याम्पियनसिपअन्तर्गत एथलेटिक्स फिजिक्समा काँस्य पदक जित्नुभएको छ ।

उहाँले ३५ वर्षमाथि उमेरसमूहमा काँस्य पदक जित्नुभएको हो । आठ खेलाडी सहभागी उक्त स्पर्धामा थाइल्यान्डकी सिरिन्थिप इन्सीले स्वर्ण तथा लाओसकी सोमानिन फानोसिथले रजत जित्नुभयो । 

उर्मिला एथलेटिक्स फिजिक्सकै ओपन क्याटेगोरीमा भने चौथो भएको नेपाली टोलीका अफिसियल दिनेश राजभण्डारीले जानकारी दिनुभयो ।