गाजा, साउन २९ गते । गाजा सहरको जेइत्नस्थित एक घरमा आक्रमण गर्दा कम्तीमा आठ जनाको मृत्यु हुनुका साथै अन्य घाइते भएको इजरायली अकुपेसन फोर्स (आइओएफ) ले बिहीबार जनाएको छ ।
प्यालेस्टिनी समाचार एजेन्सी (वफा) ले स्थानीय स्रोतलाई उद्धृत गर्दै इजरायली ड्रोनले प्रहार गरेपछि उद्धार र नागरिक सुरक्षा टोलीले आठ मृत शरीर घटनास्थलबाट लगेको बताएको छ ।
गाजाको दक्षिणमा र मध्य गाजा पट्टीमा सहायता वितरण स्थलमा भेला भएका मानिसहरूलाई लक्षित गरी बम प्रहार गरेको कारण विगत २४ घण्टामा सात जनाको मृत्यु हुनुका साथै २६ जना घाइते भएको नुसिरातको अल-अवदा अस्पतालमा रिपोर्ट गरिएको छ । स्रोतका अनुसार छ जना घाइतेहरूलाई थप उपचारका लागि अल–अक्सा शहीद अस्पतालमा सारिएको छ । रासस/क्यूएनए
