• १४ भदौ २०८२, शनिबार

अन्तरकलेज बास्केटबलमा ११ टोली

blog

काठमाडौँ, साउन २९ गते । अबाइड ग्लोबल एजुकेसन कन्सल्टेन्सी प्रालिको आयोजनामा ग्लोबल हुप फेस्टअन्तर्गत अन्तरकलेज प्लस–२ छात्र बास्केटबल प्रतियोगिता शुक्रबारदेखि हुने भएको छ ।

प्रतियोगितामा ११ टोलीको सहभागिता रहने आयोजक अबाइडका प्रबन्ध निर्देशक मनीषमान श्रेष्ठले जानकारी दिनुभयो । सहभागी टोलीलाई दुई  समूहमा विभाजन गरी लिग कम नकआउट आधारमा खेलाइने छ ।

समूह ‘ए’ मा ग्रिनफिल्ड नेसनल कलेज, जेभियर इन्टरनेसनल, मल्पी इन्स्टिच्युट, गोल्डेनगेट इन्टरनेसनल कलेज ‘ए’ र कान्जिरोवा छन् । टाइम्स इन्टरनेसनल कलेज, प्रिमियर कलेज, बर्नहार्ट, पुष्पसदन, क्यापिटल कलेज एन्ड रिसर्च सेन्टर (सीसीआरसी) र गोल्डेनगेट ‘बी’ मसूह ‘बी’ मा छन् ।

विजेताले २५ हजार र उपविजेता टोलीले १० हजार रुपियाँ पुरस्कार पाउनेछ । प्रतियोगिताका ‘मोस्ट भेलुएबल प्लेयर’ लाई पाँच हजार रुपियाँबाट पुरस्कृत गरिनेछ ।