टोपलाल अर्याल
रेसुंगा, साउन ४ गते । शनिबार रातिदेखि परेको अविरल बर्षाको कारण रिडी रुद्रवेणी वामी सडक अवरुद्ध भएको छ । जिल्लाको चन्द्रकोट गाउँपालिका –८ आँपचौरको तल्लाफाँटको गेदीखोलामा पहिरो खसेपछि सडक पूर्ण रुपमा अवरुद्ध भएको जिल्ला प्रहरी कार्यालय गुल्मीका प्रवक्ता प्रहरी नायव उपरीक्षक गंगा बहादुर सारुले जानकारी दिनुभयो ।
पहिरो खसेलगत्तै मजुवा प्रहरीचौकीबाट प्रहरी हवलदार तिलकबहादुर हिस्की र सशस्त्र प्रहरीसहितको टोलीले पहिरो हटाउने काम गरिरहेको छ ।
