काठमाडौँ, साउन ३ गते। त्रियोग हाई स्कुलको आयोजनामा पाँचौँ त्रियोग अन्तर स्कुल चेस प्रतियोगिता आइतबार सुरु हुँदै छ। स्विस लिग प्रणालीमा सञ्चालित हुने सो प्रतियोगितामा ६० विद्यालयका करिब चार सय विद्यार्थीको सहभागिता रहने विद्यालयले जानकारी दिएको छ।
दुई दिने कार्यक्रम अन्तरगत पहिलो दिन छनोट खेल हुने छन्।हरेक स्पर्धामा शीर्ष २० स्थान पाउनेको बिचमा दोस्रो दिन खेल हुने छ।प्रतियोगिता कुल आठ स्पर्धा समावेश गरिएका छन्।
कक्षा ३ सम्म, कक्षा ४ र ५, कक्षा ६ र ७ तथा कक्षा ८ देखि १० सम्मका छात्र तथा छात्राको स्पर्धा समावेश गरिएका छन्।आयोजक विद्यालयले पहिलो दिनको बिहान नौ बजे सम्पूर्ण सहभागी विद्यालयलाई सम्पर्कमा आइसक्न अनुरोध गरेको छ।
