बसन्त पराजुली
नारायणगढ, असार १५ गते । पूर्वी चितवनको पदमपुरमा गैँडाको आक्रमणबाट एक युवक घाइते भएका छन् । रत्ननगर नगर पालिका वडा नम्बर १ सगरमाथा टोल निवासी वर्ष २७ को रोहित श्रेष्ठ लाई गैँडाले आक्रमण गरी घाइते बनाएको हो ।
जिल्ला प्रहरी कार्यालय चितवनका प्रहरी नायव उपरीक्षक रवीन्द्र खनालका अनुसार श्रेष्ठ बाटोमा हिँडी रहेका बेला गैँडाको आक्रमणमा परेका हुन् । उहाँको पेट, ढाड र बायाँ खुट्टामा चोट लागेको छ । हाल घाइतेको भरतपुर अस्पतालमा उपचार भइरहेको छ । घाइतेको अवस्था गम्भीर रहेको बताइन्छ ।
