चन्द्र पन्दाक
ताप्लेजुङ, फागुन १८ गते । नेकपा (एमाले) निकट नेपाल बुद्धिजीवी परिषद् ताप्लेजुङको अध्यक्षमा दिवस भण्डारी चयन हुनुभएको छ । सदरमुकाम फुङ्लिङमा शनिबार सम्पन्न परिषदको सातौं जिल्ला अधिवेशनले भण्डारी अध्यक्ष रहेको १४ सदस्यीय कार्यसमिति सर्वसम्मत चयन गरेको हो ।
कार्यसमिति उपाध्यक्ष सन्त विश्वकर्मा, सचिव माया तामाङ, उपसचिवमा भीष्म बराल र हरि कडरिया, कोषाध्यक्षमा रामबहादुर गुरुङ चयन हुनुभएको छ ।
सदस्यहरुमा सरिता लिङ्देन, सञ्जिव मादेन, भीमकुमारी लिङ्देन, बलबहादुर राई, कुशलता सेन्दाङ, नरेन्द्रकुमार गौतम, अञ्जना लिम्बू र रामचन्द्र नेपाल चयन हुनुभएको छ ।
जिल्ला अधिवेशन परिषद्का केन्द्रीय महासचिव गजेन्द्रप्रसाद थपलियाको उपस्थितिमा सम्पन्न भएको बताइएको छ । कार्यक्रममा एमाले जिल्ला कमिटीका उपसचिव गोपाल न्यौपाने लगायतका नेतृत्वको उपस्थिति रहेको थियो ।
