काठमाडौँ, फागुन ११ गते । लेनबनानले ‘फोर नेसन्स कप’ अन्तर्राष्ट्रिय महिला फुटबल प्रतियोगितामा सान्त्वना जित निकालेको छ ।
दशरथ रङ्गशालामा आइतबार भएको लिग चरणको अन्तिम खेलमा लेबनानले कीर्गिस्तानलाई २–० गोलले हरायो । चार टोली सम्मिलित प्रतियोगितामा कीर्गिस्तान जितविहीन रह्यो ।
यसअघि दुवै टोलीले म्यानमार र नेपालसँग हार खेपेका थिए । लेबनानले दुवै गोल पहिलो हाफमा गरेको हो । लेबनानको जितमा क्रिस्टी मालोफले १३औँ र मिया रोज कलिलले २२औँ मिनेटमा गोल गर्नुभयो ।
यसअघि नै लगातार दुई जित निकाल्दै फाइनलमा स्थान बनाएको आयोजक नेपाल र म्यानमारबिच आजै साँझ लिग चरणको अन्तिम खेलमा प्रतिस्पर्धा हुँदैछ । यी दुवै टोलीबिच बुधबार उपाधिका लागि पुन: प्रतिस्पर्धा हुनेछ ।
