सलीम मियाँ
बिजुवार, माघ ३ गते । प्युठानको सरुमारानी गाउँपालिका वडा २ दर्भानमा आज बिहान नवजात शिशु मृत अवस्थामा भेटिएको छ । सालनालसमेत नकाटिएको अवस्थामा शिशु फेला परेको स्थानीयले जनाएका छन् ।
स्थानीय बासिन्दाले फोहोर सङ्कलन गर्न राखिएको डस्टबिनमा घोप्टो पारेर फालेको देखेपछि प्रहरीलाई खबर गरेका थिए । जिल्ला प्रहरी कार्यालय प्युठानका प्रवक्ता प्रहरी निरीक्षक केशव केसीले शिशु बेवारिसे अवस्थामा भेटिएको छ ।
स्थानीय दर्भान प्रहरी चौकीबाट घटनास्थलमा प्रहरी टोली पुगेको जानकारी दिनुभयो । शिशु कसले छाडेको भन्ने विषयमा अनुसन्धान र खोजी भइरहेको प्रहरीले जनाएको छ ।
