काठमाडौँ, पुस २७ गते । ई–प्लानेट नेसनल हाइस्कुल टी–१० क्रिकेट च्याम्पियनसिपका लागि लुम्बिनी प्रदेशबाट प्यारामाउन्ट बोर्डिङ हाइस्कुल छनोट भएको छ ।
बुटवलमा भएको फाइनल खेलमा प्यारामाउन्टले एभरेस्ट इङ्लिस बोर्डिङ स्कुललाई खाठ विकेटले हरायो । जितका लागि पाएको ६३ रनको लक्ष्य प्यारामाउन्टले ७.१ ओभरमा पूरा गरेको थियो । यसअघि टस हारेर ब्याटिङ गरेको एभरेस्टले निर्धारित १० ओभरमा नौ विकेटको क्षतिमा ६२ रन बनाएको थियो ।
आगामी माघ २३ गते देखि काठमाडौँको मुलपानी क्रिकेट मैदानमा आयोजना हुने च्याम्पियनसिपका लागि सातवटै प्रदेशमा छनोट प्रतियोगिता आयोजना भइरहेको छ ।
यसअघि चितवनमा सम्पन्न बागमती प्रदेशको पहिलो छनोटबाट अर्किड कलेज तथा इटहरीमा सम्पन्न कोशी प्रदेशबाट आस्था कलेज छनोट भएको छ । आगामी छनोट प्रतियोगिता मधेश प्रदेशमा हुनेछ।
