गुणबहादुर रोका
सुलीकोट, पुस २१ गते । गोरखामा ३ घर जलेर नष्ट भएको छ । जिल्लाको आरुघाट गाउँपालिका – १ मान्बुको श्यामचेतमा स्थानीय पूर्ण बहादुर लामा, र उनका दुई छोरा बुद्धिमान लामा र आईतेसिङ लामाको घर पुर्ण रुपमा जलेर नष्ट भएको जिल्ला प्रहरी कार्यालय गोरखाका प्रहरी नायब उपरीक्षक इन्द्रप्रसाद सुबेदीले जानकारी दिनुभयो
उहाँका अनुसार शनिवार साँझ करिब ८ बजेको समयमा खाना बनाउन लाग्दा ग्याँस बाल्ने क्रममा चुलो नजिकै रहेको मकैको खोस्टामा सल्किएर पूर्ण बहादुरको घरमा आगलागी हुन पुगेको उहाँले बताउनुभयो ।
त्यही घरमा लागेको आगो फैलिएर नजिकै रहेको दुई छोराहरूको घरमा समेत जलेर नष्ट भएको जिल्ला प्रहरी कार्यालय गोरखाले जनाएको छ । आगलागी भएपछि स्थानीय र आरुघाट प्रहरीको सहयोगमा दुई घण्टा पछि आगो नियन्त्रणमा आएको बताइएको छ ।
आगोलागिबाट मानबिय क्षति भने नभएको प्रहरीको भनाई छ । क्षतिको यकिन विवरण आउन बाँकी छ ।
