काठमाडौँ, पुस १६ गते । राष्ट्रपति रामचन्द्र पौडेलले संघीय संसद्को प्रतिनिधि सभाको सचिव पदमा हर्कराज राईलाई नियुक्त गर्नुभएको छ ।
प्रतिनिधि सभाका सभामुख देवराज घिमिरेको सिफारिसमा राष्ट्रपति पौडेलले मङ्गलबार राईलाई सचिव पदमा नियुक्त गर्नुभएको हो ।
राष्ट्रपति कार्यालयका प्रवक्ता शैलजा रेग्मी भट्टराईका अनुसार सभामुखको सिफारिसमा नेपालको संविधानको धारा १०६ को उपधारा (१) बमोजिम कोशी प्रदेश झापा जिल्लाको शिवसत्ताक्षी नगरपालिका वडा नम्बर २ निवासी राईलाई सचिव पदमा नियुक्त गर्नुभएको हो।
