गोरखापत्र समाचारदाता
काठमाडौँ, पुस १२ गते । गीतकार तथा मोडल भुवन लोहनीले आफ्नो नयाँ गीत ‘कुन देवको सृष्टि हौ’ को भिडियो सार्वजनिक गर्नुभएको छ । भिडियोलाई कृपा फाउन्डेसनको अफिसियल च्यानलबाट बुधबार सार्वजनिक गरिएको हो । गीतमा गायक सविन सुवेदी र गायिका समीक्षा अधिकारीको स्वर रहेको छ । वसन्त सापकोटाको सङ्गीत रहेको गीतलाई डोरेमी स्टुडियोमा भानुभक्त ढकालले रेकर्डिङ गर्नुभएको छ । प्रेम भावमा आधारित गीतमा मोडल लोहनी र उषा उप्रेतीको अभिनय रहेको छ । मौसम हिमालीको निर्देशनमा बनेको गीतको नृत्य निर्देशन पनि मौसमकै रहेको छ । नवराज उप्रेतीले खिच्नुभएको गीतको सम्पादन तथा रङ्ग संयोजन मनोज कार्कीले गर्नुभएको छ ।
