डुवानाको राष्ट्रिय कीर्तिमान

काठमाडौँ, मङ्सिर २६ गते । नेपाली पौडीबाज डुवाना लामाले विश्व एक्वेटिक्स पौडी च्याम्पियनसिप (सर्ट कोर्स) मा नयाँ राष्ट्रिय कीर्तिमान बनाउनुभएको छ । 

हंगेरीको बुढापेस्टमा जारी प्रतियोगितामा डुवानाले महिला एक सय मिटर ब्रेस्टस्ट्रोक एक मिनेट १३.५० सेकेन्डमा पूरा गर्दै आफ्नै नाममा रहेका राष्ट्रिय कीर्तिमानमा सुधार गर्नुभएको नेपाल पौडी सङ्घका अध्यक्ष जगतमान श्रेष्ठले जानकारी दिनुभयो । 

डुवानाको नाममा एक मिनेट १६.४५ सेकेन्डको राष्ट्रिय कीर्तिमान थियो । उक्त कीर्तिमान डुवानाले थाइल्यान्डमा भएको उमेर समूहको प्रतियोगितामा बनाउनुभएको थियो ।