काठमाडौँ, मङ्सिर २३ गते । न्युरोड टिम (एनआरटी) ले ललित स्मृति यु–१८ युथ लिगमा संकटा क्लबमाथि कठिन जित निकालेको छ ।
एन्फा मैदानमा आइतबार भएको खेलमा एनआरटीले संकटालाई २–१ गोलले हरायो । एनआरटीको जितमा विनायक थारुले गोल गर्नुभयो । संकटाका लागि मिलन गरुङले सान्त्वना गोल फर्काउनुभयो ।
जितसँगै १५ खेलबाट ३१ अङ्क बनाएको एनआरटी दोस्रो स्थानमा उक्लिएको छ । पराजित संकटा ३० अङ्कसहित तेस्रो स्थानमा छ । आइतबार भएको अर्को खेलमा एपिएफ र मच्छिन्द्र फुटबल क्लब १–१ गोलको बराबरीमा रोकिएको छ ।
