एनपीएल : पोखरा टस जितेर पहिले बलिङ गर्दै

काठमाडौँ, मङ्सिर १८ गते । नेपाल प्रिमियर लिग (एनपीएल) अन्तर्गत मङ्गलबार (आज) दोस्रो खेलमा पोखरा एभेन्जर्स र चितवन राइनोजबिच प्रतिस्पर्धा हुँदैछ ।

त्रिवि मैदान कीर्तिपुरमा अहिले पोखराले टस जितेर पहिला बलिङ गर्ने निर्णय गरेको छ । पोखराका कप्तान कुशल भुर्तेलले टस जितेर चितवनलाई पहिले ब्याटिङको निम्तो दिनुभएको हो ।

पहिलो खेल खेल्न लागेको पोखरा सुखद सुरुवात गर्ने लक्ष्यमा छ । यस्तै कुशल मल्लको कप्तानीमा रहेको चितवन लगातार दोस्रो जितको खोजीमा छ ।

चितवनले आफ्नो पहिलो खेलमा काठमाडौँ गुर्खाजलाई पाँच विकेटले हराएको थियो । आजै भएको पहिलो खेलमा सुदूरपश्चिम रोयल्सले विराटनगर किंग्सलाई ९० रनले हराएको थियो ।