नारद कोहार
तौलिहवा(कपिलवस्तु), मङ्सिर १७ गते । कपिलवस्तुको शुद्धोधन गाउँपालिका वडा नं. १ को वडाध्यक्षमा नेकपा एमाले निर्वाचित भएको छ । मुख्य निर्वाचन अधिकृतको कार्यालय अनुसार नेकपा एमालेका मोहम्मद ताहिर मुसलमानले १ हजार १ सय ५० मत ल्याएर निर्वाचित हुनु भएको छ ।
उहाँका निकटतम प्रतिस्पर्धी नेपाली काँग्रेसका दिनेश कुमार यादवले १ हजार ७६ मत प्राप्त गर्नु भएको छ । त्यस्तै जनमत पार्टीका सिताराम पटेल कुर्मीले ४ सय २३, जनता समाजवादी पार्टी, नेपालका राम बहादुर कुर्मी चौधरीले ३ सय ४१ मत प्राप्त गर्नु भएको हो ।
यस अघि नेपाली काँग्रेसका तिलकराम यादव निर्वाचित भएका थिए ।
