नेपालको यात्रा सेमिफाइनलमै रोकियो

काठमाडौँ, मङ्सिर १६ गते । दृष्टिविहीन पुरुष टी–२० विश्वकपमा नेपालको यात्रा सेमिफाइनलमै रोकिएको छ । आइतबार भएको सेमिफाइनल खेलमा नेपाल पाकिस्तानसँग १० विकेटले पराजित भयो । 

जितका लागि नेपालले दिएको ९५ रनको लक्ष्य पाकिस्तानले ५.३ ओभरमा बिनाविकेटको क्षति पूरा गरेको हो । पाकिस्तानको जितमा कम्रानले अविजित ६३ र बाबरले अविजित ३२ रन बनाउनुभयो । 

यसअघि पहिले ब्याटिङ गरेको नेपालले निर्धारित २० ओभरमा सात विकेटको क्षतिमा ९४ रन बनाएको थियो । नेपालका लागि दुर्गा दत्तले ४० र रमेशले १७ रन बनाउनुभयो ।

बलिङमा पाकिस्तानका मति उल्लाहले तीन र वादरले एक विकेट लिनुभयो । नेपालले यसअघि पाकिस्तानसँग लिग चरणमा पनि १० विकेटको हार खेपेको थियो ।