महिला फुटबल टोली सम्मानित

काठमाडौँ, मङ्सिर ९ गते । जिनियस आईबी वर्ल्ड स्कुल, ललितपुरले नेपाली राष्ट्रिय महिला फुटबल टोलीलाई नगदसहित सम्मान गरेको छ ।

स्कुलले आफ्नो वार्षिक खेलकुद दिवसको अवसरमा महिला फुटबल टोलीलाई एक लाख ३० हजार रुपियाँ पुरस्कारसहित सम्मान गरेको हो । जिनियसका संस्थापक अध्यक्ष नवीनकुमार जोशीले फुटबल टोलीलाई पुरस्कार प्रदान गर्नुभयो ।

सम्मानपछि महिला टोलीकी कप्तान अञ्जिला तुम्बापो सुब्बाले यस प्रकारको सम्मानले खेलाडीको मनोबल उच्च बनाउने बताउँदै विद्यालय परिवारप्रति आभार व्यक्त गर्नुभयो ।

कात्तिक १४ गते भएको महिला साफको फाइनलमा नेपाल बङ्गलादेशसँग २–१ गोलले पराजित भएको थियो ।