विष्णुप्रसाद पोखरेल
दमक, मङ्सिर २ गते । झापामा केही दिनअघिदेखि बेपत्ता रहनुभएका एक वृद्ध खोलामा डुबेको अवस्थामा मृत भेटिनुभएको छ ।
गत बुधवार दिउँसोदेखि झापा गाउँपालिका वडा नं.४ खयरबारी बस्ने ६५ वर्षीय वृद्ध गणेशबहादुर खत्री बेपत्ता रहेको आफन्तले प्रहरीलाई जानकारी गराएपछि खोजी गर्ने क्रममा शनिवार माईखोलामा पानीमा डुबेको अवस्थामा शव फेला परेको जिल्ला प्रहरी कार्यालय झापाले जनाएको छ ।
जिल्ला प्रहरी कार्यालय झापाका प्रवक्ता कृष्ण चन्दका अनुसार सोही गाउँपालिकाको वडा नं. १ माई खोलामा शव फेला परेको हो । घटनाको विषयमा अनुसन्धान भइरहेको उहाँले जानकारी दिनुभएको छ ।
