गोरखापत्र अनलाइन
काठमाडौं, कात्तिक १५ गते । गोरखापत्र संस्थानमा विधिपूर्वक लक्ष्मीपूजा आयोजना गरिएको छ ।
संस्थानको सङ्घीय कार्यालय धर्मपथ काठमाडौँमा बिहीबार बिहान पण्डित पुष्करराज आचार्यले पूजा सम्पन्न गर्नुभएको हो ।
पूजामा संस्थानका कार्यकारी अध्यक्ष विष्णुप्रसाद सुवेदी, महाप्रबन्धक लालबहादुर ऐरी, निमित्त नायब महाप्रबन्धक यमप्रसाद कँडेल, गोरखापत्र दैनिकका प्रधान सम्पादक शिवकुमार भट्टराई, राइजिङ नेपाल दैनिकका प्रधान सम्पादक भीमसेन थपलियाको सहभागिता थियो ।
त्यसैगरी सञ्चालक समिति सदस्य तथा अर्थ विभाग प्रमुख राजु महत, प्रशासन विभाग प्रमुख रेखादेवी श्रेष्ठ, गोरखापत्र अनलाइनका निमित्त सम्पादक लोकबहादुर चौधरी (लक्की चौधरी) सहित अन्य कर्मचारीहरूको उपस्थिति थियो ।
तस्बिर : केशब गुरुङ
