काठमाडौँ, कात्तिक ४ गते । स्पेनिस ला लिगामा रियल म्याड्रिडले शीर्ष टोली बार्सिलोनासँगको अङ्क दुरी घटाउँदै लगेको छ ।
लिगअन्तर्गत शनिबार राति भएको खेलमा रियलले सेल्टा भिगोलाई २–१ गोलले हरायो । प्रतिस्पर्धात्मक खेलमा रियललाई जिताउन केलियन एम्बाप्पे र भिनिसियस जुनियरले गोल गर्नुभयो ।
सेल्टाका लागि विलिओट स्वेडबर्गले सान्त्वना गोल गर्नुभयो । एम्बाप्पेले २०औँ मिनेटमा गोलको खातचा खोल्नुभएको थियो । ५१औँ मिनेटमा विलिओटले गोल गर्दै घरेलु टोलीलाई खेलमा फर्काउनुभयो ।
त्यसपछि ६६औँ मिनेटमा भिनिसियसले गोल गर्दै रियललाई महत्त्वपूर्ण जित दिलाउनुभयो । जितसँगै लिगमा १० खेल सकेको रियलले २४ अङ्क बनाएको छ ।
एक खेल कम खेलेको बार्सिलोनाको पनि समान २४ अङ्क छ । पराजित सेल्टा १३ अङ्कसहित १०औँ स्थानमा छ । बार्सिलोनाले आइतबार राति नै सेभियासँग प्रतिस्पर्धा गर्नेछ । एजेन्सी
