सञ्जय कुमार मिश्र
गौर, असार १८ गते । भारतबाट अवैध रूपले नेपाल भित्राइरहेको अवस्थामा अटो चालक सहित एक जनालाई प्रहरीले पक्राउ गरेको छ । गौर नपा १ बाट प्रहरीले एक किलो ४ सय ग्राम चाँदी रौतहटको माधवनारायण नपा १ दिपही बस्ने ४२ वर्षीय दिनेश प्रसाद साहलाई पक्राउ गरेको हो ।
साहले सेतो कपडाको बेल्ट बनाई कमरमा बाँधी सो भित्र लुकाइ छिपाई राखेको अवस्थामा चाँदीको सिक्री ९ थान ,पेच रिङ २थान र पाइजु ७ जोडा गरी एक किलो ४सय ग्राम चाँदी सहित नियन्त्रणमा लिइएको जिल्ला प्रहरी कार्यालय रौतहटका प्रहरी नायब उपरीक्षक एलिजा गिरीले बताउनुभयो ।
