काठमाडौं, वैशाख ९ गते । संस्कृति, पर्यटन तथा नागरिक उड्डयनमन्त्री हितबहादुर तामाङले नेपाल वायुसेवा निगमको न्यारोबडी मर्मत गरेर सोमबार काठमाडौं विमानस्थलमा आउने बताउनुभएको छ । आइतबार मन्त्री तामाङले पर्यटन विषयमा लेख्ने पत्रकारसँगको छलफल कार्यक्रममा बोल्नुहुँदै यस्तो बताउनुभएको हो ।
उहाँले लोमा समयदेखि इन्जिन मर्मतका लागि इजरायलमा रहेको नेपाल वायुसेवा निगमको न्यारोबडी जहाज सोमबार काठमाडौैं विमानस्थल आउने बताउनुभयो । उहाँले इन्जिन मर्मतपछि जहाज नेपाल ल्याउन लागिएको जानकारी दिनुभयो । उहाँले जहाजको इन्जिनमा समस्या आएर लामो समय ग्राउण्डेड हुँदा निगमलाई धेरै घाटा भएको स्वीकार गर्नुभयो ।
मन्त्री तामाङले जहाज नहुँदा भएका समस्या जहाज मर्मत भएर आएसँगै समाधान हुने विश्वास लिएको बताउनुभयो । मन्त्री तामाङले आफू मन्त्री भएर आएदेखि जहाज तत्काल बनाएर ल्याउन ताकेता गरेकाले विभिन्न प्राविधिक समस्याका कारण चाँडै आउन नसकेको बताउनुभयो ।
उहाँले ढिलै भए पनि सोमबार जहाज मर्मतपछि नेपाल ल्याउन लागिएको बताउनुभयो । उहाँले युरोपेली युनियन (इयु) हवाई सुरक्षामा नेपाली वायुसेवालाई त्यहाँको आकासमा सिधा उडान गर्ने कार्ययोजना बनाउने विषयमा अडिग रहेको जानकारी दिनुभयो । उहाँले आकाशमा जुनसुकै देशको जहाज पनि उडान गर्न पाउनुपर्ने बताउनुभयो । उहाँले कार्ययोजना बनाउनका लागि सम्बन्धित निकाय, विज्ञहरुसँग छलफल गरी रहेको बताउनुभयो ।
मन्त्री तामाङले उहाँले सरकारले मे २९ तारिखका दिन १७ औँ अन्तर्राष्ट्रिय सगरमाथा दिवस प्रधानमन्त्री पुष्पकमल दाहाल ‘प्रचण्ड’को उपस्थितिमा सगरमाथाको फेदमा मनाउने योजना बनाएको बताउनुभयो । उहाँले विगतमा प्रधानमन्त्रीको उपस्थितिमा मनाउने तयारी भए पनि बजेट लगाएको कारण जान नपाएको भन्दै यो वर्ष जेठ १६ गते परेकाले प्रधानमन्त्रीको सहभागिता रहने जानकारी दिनुभयो ।
