काठमाडौं, चैत ३० गते । ‘खाद्य स्वच्छता तथा गुणस्तर विधेयक, २०७७ का सम्बन्धका प्रतिनिधि सभाबाट भएको संशोधन’ लाई राष्ट्रिय सभाले पनि सहमति जनाएको छ ।
शुक्रबार बसेको राष्ट्रिय सभा बैठकमा कृषि तथा पशुपंक्षी विकासमन्त्री ज्वालाकुमारी साहले राष्ट्रिय सभामा सहमतिका लागि प्रस्तुत गर्नुभएको प्रस्ताव सर्वसम्मतीले पारित भएको हो । बैठकमा सांसदहरुले खाद्य स्वच्छता र गुणस्तरको विषयमा गम्भीर भएर काम गर्न सरकारलाई सचेत गराएका थिए ।
राष्ट्रिय सभाको अर्को बैठक २०८१ साल वैशाख ४ गते मङ्गलबार दिउँसो १ बजेर १५ मिनेटमा बस्नेगरी स्थगित गरिएको छ ।
