जानु पाण्डे
कपिलवस्तु, चैत २० गते । नेपाल आर्मीलाई टाइब्रेकरमा ४–३ गोलले हराउँदै सुदूरपश्चिम–११ तिलौराकोट गोल्डकपको सेमिफाइनलमा प्रवेश गरेको छ ।
मङ्गलबार सम्पन्न खेलको निर्धारित समयमा दुवै तर्फबाट गोल नभएपछि खेल टाइब्रेकरमा पुगेको थियो । टाइब्रेकरमा सुदूरका अविनाश थापा, धिरेन्द्र शाह, विष्णु चौधरी, बुद्धदेव शाहीले गोल गर्नुभयो । आर्मीका वसन्त तामाङ, मानबहादुर आलेमगर, सरोज श्रेष्ठले मात्र गोल गर्नुभएको थियो । आर्मीको तर्फबाट अन्तिममा पेनाल्टी प्रहार गर्न आउनु भएका जीवन कुमारको प्रहार असफल भएपछि आर्मी पराजित भयो ।
सुदूरपश्चिमका गोलकिपर दीपक बोहरा म्यान अफ दि म्याच चुनिनुभयो । सुदूरपश्चिमले सेमिफाइनलमा हनामी विएफसीसँग बिहीबार खेल्नेछ । बुधवार थ्रिस्टार र नेपाल पुलिस क्लब बिच पहिलो सेमिफाइनल खेल हुनेछ ।
