काठमाडौँ, चैत २ गते । नेपाली बजारमा आज सुन र चाँदी दुवैको मूल्यमा कमी आएको छ ।
नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला रु. चार सयले घटेर प्रतितोला रु. एक लाख २५ हजार चार सय कायम भएको छ । बिहीबार छापावाल सुनको मूल्य प्रतितोला रु. एक लाख २५ हजार आठ सय थियो ।
यसैगरी, तेजाबी सुनको मूल्यमा पनि प्रतितोला रु. चार सयले घटेर प्रतितोला रु एक लाख २४ हजार आठ सयमा कारोबार भइरहेको छ । बिहीबार तेजाबी सुनको मूल्य प्रतितोला रु. एक लाख २५ हजार दुई सय थियो । चाँदीको मूल्य भने स्थिर छ । शुक्रबार पनि बिहीबारको झैँ चाँदी प्रतितोला रु. एक हजार पाँच सय १५ मा कारोबार भइरहेको महासङ्घले जनाएको छ । रासस
