दोस्रो पटक मात्र जनताले पत्याए तर चुनौति थपियो : प्रमुख राई
धरान उपमहानगरपालिका प्रमुखको मृत्यु पछि २०७६ मा भएको उपनिर्वाचनमा स्वतन्त्र उम्मेद्वार बन्नुभएका हर्क राज राई (हर्क साम्पाङ) ४२२ मत प्राप्त गर्नुभई पराजित हुनुभएको थियो । तर बैशाख ३० गते सम्पन्न स्थानीय तहको निर्वाचनमा उहाँलाई धरानका जनताले पत्याए, अनी भारी मतान्तरले धरानको प्रमुखमा विजयी हुनु भयो ।
‘विकास आयोजनाका काम अपेक्षाकृत भएन’ : मन्त्री झाँक्री
सहरी विकासमन्त्री रामकुमारी झाँक्रीले आवश्यक अध्ययन अनुसन्धान तथा बजेटको सुनिश्चितताको अभावमा विकास आयोजनाका काम अपेक्षा गरिए अनुरुप अगाडि बढ्न नसकेको बताउनुभएको छ । उहाँले सहरबासीको स्वस्थ्य र सुन्दर जीवनका लागि सफा र सुन्दर सहर अपरिहार्य रहेको स्पष्ट पार्नुभयो ।
गेटा मेडिकल कलेजको नाममा अनावश्यक भ्रमः डा. राणा
नेपाली काँग्रेसकी केन्द्रीय सदस्य डा. आरजु राणा देउवाले गेटा मेडिकल कलेजका बिषयमा अनावश्यक भ्रम फैलाइएको बताउनु भएको छ ।
निजगढ विमानस्थलबारे सर्वोच्च अदालतको निर्णय पुनःविचार गर्न आग्रह
सर्वोच्च अदालतले बाराको निजगढ विमानस्थलको निर्माण प्रक्रिया रोक्ने निर्णय गरेसँगै राजनीतिक वृत्तमा यसबारे चर्चा सुरु भएको छ । राजनीतिक दलका नेता, सरकारका मन्त्रीलगायतले सर्वोच्चको यस निर्णयप्रति असन्तुष्टि व्यक्त गर्नुभएका छन् ।
कानून संशोधन गर्न प्रधानमन्त्री कार्यालयलाई पत्रचार
राष्ट्रिय मानव अधिकार आयोगले जबर्जस्ती करणीसम्बन्धी व्यवस्थालाई पीडितमैत्री हुने गरी संशोधन गर्न प्रधानमन्त्री तथा मन्त्रिपरिषद्को कार्यालयलाई पत्राचार गरेको छ।
नीति तथा कार्यक्रममाथि छलफल जारी : प्रतिनिधिसभाको अर्को बैठक शनिबार
काठमाडौं, जेठ १३ गते। प्रतिनिधिसभा बैठकमा सरकारको नीति तथा कार्यक्रममाथि छलफल जारी छ। संघीय संसद सचिवालयका महासचिव डा. भरतराज गौतमका अनुसार नीति तथा कार्यक्रम माथिको छलफल शनिबारसमेत जारी रहनेछ। प्रतिनिधि सभाको अर्को बैठक जेठ १४ गते शनिबार बिहान ११ बजे बस्नेछ। राष्ट्रपति विद्यादेवी भण्डारीले संघीय संसद्को दुवै सदको संयुक्त बैठकमा जेठ १० गते सरकारको नीति तथा कार्यक्रम प्रस्तुत गर्नुभएको थियो।
महिला हिंसा र विभेदमा कमी आएन : डा. बिन्दा पाण्डे
प्रतिनिधिसभा सदस्य डा. बिन्दा पाण्डेले देशमा राजनीतिक परिवर्तन र विभिन्न व्यवस्थामा परिवर्तन भए पनि महिला हिंसा र विभेदमा कमी आउन नसकेको बताउनुभएको छ ।
अन्तरर्राष्ट्रिय शान्ति सेना दिवस मनाइयो
नेपाली सेनाले विश्व शान्ति स्थापनार्थ खटिने शान्ति सैनिकले पुर्याएको योगदानको स्मरण गर्दै शुक्रबार ‘अन्तरर्राष्ट्रिय शान्ति सेना दिवस–२०२२’ विशेष कार्यक्रमका साथ मनाएको छ।
राष्ट्रिय एकताका लागि खेल क्षेत्रको भूमिका महत्वपूर्ण छः प्रचण्ड
पूर्वप्रधानमन्त्री एवम् नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’ले राष्ट्रिय एकता कायम गर्न खेल क्षेत्रको महत्वपूर्ण भूमिका रहेको बताउनुभएको छ।
किसान सशक्त नभएसम्म परिवर्तन सम्भव छैन : सुरेन्द्र कार्की
प्रतिनिधिसभा सदस्य सुरेन्द्र कार्कीले देशका किसान आर्थिक रुपमा सशक्त नभए आमूल परिवर्तन हुन नसक्ने बताउनुभएको छ।
विद्यार्थीलाई पाठ्यपुस्तक उपलब्ध गराउन अनेरास्ववियुको माग
नेकपा (एमाले) निकट विद्यार्थी संगठन अनेरास्ववियुले समयमै पाठ्यपुस्तक विद्यार्थीको हातहातमा पुर्याउन माग गरेको छ।
नीति तथा कार्यक्रममा स्वास्थ्यको सवाल नसमेटिएको प्रति लिङ्देनको आपत्ति
राष्ट्रिय प्रजातन्त्र पार्टीका अध्यक्ष तथा प्रतिनिधिसभा सदस्य राजेन्द्र लिङ्देनले नीति तथा कार्यक्रममा जनस्वास्थ्यका विषयलाई समावेश गर्न नसकिएको बताउनुभएको छ।
प्रतिनिधिसभा बैठकमा राजेन्द्र महतोको प्रश्न- नेपालको विकास सधैं कछुवा गतिमा किन ?
काठमाडौं, जेठ १३ गते। प्रतिनिधिसभा बैठकमा सरकारको नीति तथा कार्यक्रममाथि सांसदले धारणा राख्नेक्रम जारी छ। सांसद राजेन्द्र महतोले सरकारले हरेक वर्ष ल्याउने र छलफल गर्ने नीति तथा कार्यक्रममाथि असन्तुष्टि व्यक्त गर्नुभएको छ। उहाँले २०१३ सालदेखि पञ्च वर्षीय कार्यक्रम, २००७ सालदेखि वार्षिक बजेटेको अभ्यास देशमा भए पनि देशले विकासमा छलाङ मार्न नसकेको बताउनुभयो। “यो ७० वर्षको अभ्यास के छ ? ७० वर्ष पहिले र आजको अवस्थामा देशमा के परिवर्तन आयो ? त्यसमा पो समीक्षा गर्नुपर्छ”, उहाँले भन्नुभयो, “आज हामीसँगै हिँडेको दुनियाँ कहाँ छ ? नेपाल कहाँ पुग्यो ? यसको माध्यमबाट नेपालले के फड्को मार्यो।”सधैं कर्मकाण्डी नीति, कार्यक्रम आउने, घण्टौं छलफल गर्ने तर यसको प्रतिफल कहिल्यै प्राप्त हुन नसकेको उहाँले बताउनुभएको छ। पञ्चायतकालपछि बहुदलीय र गणतन्त्रको व्यवस्थासम्म विभिन्न सरकारले नेतृत्व गरेको तर, एउटा नेपालले अझै पनि एउटा सियोसमेत उत्पादन गर्न नसकेको उहाँले बताउनुभयो। यसले समग्रमा, राजनीतिक दल र लोकतन्त्रलाई नै कमजोर पारेको उहाँको भनाइ छ।
निजगढमा विमानस्थल बनाउनु उपयुक्त छ : पूर्वप्रधानमन्त्री नेपाल
काठमाडौं, जेठ १३ गते। पूर्वप्रधानमन्त्री एवम् नेकपा (एकीकृत समाजवादी)का अध्यक्ष माधवकुमार नेपालले निजगढमा विमानस्थल बनाउनु सबै हिसाबले उपयुक्त रहेको बताउनुभएको छ। शुक्रबार प्रतिनिधिसभा बैठकमा नीति तथा कार्यक्रममाथिको छलफल सहभागी हुँदै उहाँले यस्तो बताउनुभएको हो। उहाँले गहिरो र व्यापक अध्ययनपछि निजगढमा विमानस्थल निर्माणको कार्य बल्ल-बल्ल अघि बढेको उल्लेख गर्नुभयो। “झण्डै दुई अर्ब रुपियाँको फास्ट ट्रयाक्को काम भइसकेको छ, देश सबैको साझा हो। विकासको कामलाई अघि बढाउनुपर्छ। तर, त्यस्तो नगरेर रोक्न खोजिएको कुरा बढो दुखको कुरा हो”, नेपालले बताउनुभयो।पटक–पटक आफूले विमानस्थलको भ्रमण एवम् अवलोकन गर्ने मौका पाएको बताउनु हुँदै उहाँले जंगल नै नभएको ठाउँमा विमानस्थल कार्य रोक्ने कारण के हो भनेर प्रश्न गर्नुभयो। यसबारे राजनीतिक दल र सबैले गम्भीरताका साथ लिनुपर्ने भनाइ उहाँको छ। देशमा व्यापार घाटा बढेको भन्नुहुदै उहाँले उत्पादनमाा वृद्धि गर्दै निर्यातलाई बढाउनुपर्नेमा जोड दिनुभएको छ। नेपालीको कमाएको पैसा अत्यन्त छिट्टै खर्च गर्ने बानी लागिरहेको उहाँले बताउनुभयो। बिहीबार सर्वोच्च अदालतले उत्प्रेषणको आदेश दिँदै निजगढ अन्तर्राष्ट्रिय विमानस्थल निर्माण नगर्न आदेश दिएको थियो।
द्वन्द्वकालीन घटनाका पीडितको न्यायका लागि सरकार प्रतिवद्ध छ : गृहमन्त्री खाण
काठमाडौं, जेठ १३ गते। गृहमन्त्री बालकृष्ण खाणले द्वन्द्वकालीन घटनाका पीडितको न्यायका लागि सरकार प्रतिवद्ध रहेको बताउनुभएको छ। शुक्रबार राष्ट्रिय मानव अधिकार आयोगको २२ औं वार्षिक दिवसको अवसरमा आयोजित कार्यक्रमलाई सम्बोधन गर्नुहुँदै यस्तो बताउनुभएको हो। ‘‘द्वन्द्वकालीन घटनाका पीडितको न्याय प्राप्तिमा नेपाल सरकार प्रतिवद्ध रहेकोले संक्रमणकालीन संयन्त्रमार्फत छिट्टै पीडित र परिवारमा समेत न्यायको अनुभूति हुने गरी सो कार्यलाई निष्कर्षमा पुर्याइनेछ’’, गृहमन्त्री खाणले भन्नुभयो। आयोगले मानव बेचबिखनको सम्बोधन गर्न गरेको कामको उहाँले खुलेर प्रशंसा गर्नुभयो। दिगो विकास लक्ष्य, २०३० हासिल गर्न नेपाल सरकार कटिबद्ध रहेको उहाँको भनाइ छ। दिगो विकास लक्ष्यको कार्यान्वयन सरकारको प्राथमिकतामा रहेको उहाँले उल्लेख गर्नुभयो। सम्बोधनको पूर्णपाठ
प्रतिनिधिसभा बैठक (लाइभ)
शुक्रबारका लागि बोलाइएको प्रतिनिधिसभाको दोस्रो बैठक जारी छ ।
प्रतिनिधि सभाको बैठक स्थगित
प्रतिनिधि सभाको बैठक स्थगित भएको छ ।सभामुख अग्निप्रसाद सापकोटाले १५ मिनेटको लागि बैठक स्थगित भएको जानकारी दिनुभएको हो ।
काठमाडौंलाई विश्वकै उत्कृष्ट शहर बनाउछौं : नवनिर्वाचित प्रमुख साह
काठमाडौं महानगरपालिका प्रमुखमा नवनिर्वाचित स्वतन्त्र उम्मेदवार वालेन्द्र साहले महानगरलाई आगामी पाँच वर्षमा विश्वकै उत्कृष्ट शहर बनाउने प्रतिबद्धता व्यक्त गर्नुभएको हो ।
महानगरवासीको शिर झुक्ने काम गर्दिनँ
प्रथमतः नेपाली कांग्रेसका सभापति शेरबहादुर देउवा, केन्द्रीय कार्यसमितिदेखि जिल्ला कार्यसमितिसम्मका साथीहरूले मलाई विश्वास गर्नुभयो र उम्मेदवार बनाउनुभयो । दोस्रोमा म विजयी हुने कारण प्रस्ट छ । पाँच वर्ष ललितपुर महानगर प्रमुख र त्यसअघि तीन पटक वडाध्यक्ष भएर काम गरेको छु । ज्यापू समाजको अध्यक्ष भएर काम गरेँ । जिम्मेवारीमा रहे पनि, नरहे पनि सामाजिक काममा दत्तचित्त भएर लागिरहेको छु ।
काठमाडौं प्रमुखमा वालेन्द्र र उपप्रमुखमा सुनिता विजयी
काठमाडौं महानगर प्रमुखमा वालेन्द्र साह ६१ हजार ७६७ मत र उपप्रमुखमा सुनिता डंगोल ६८ हजार ६१२ मतसहित विजयी हुनुभएको छ।
काठमाडौं महानगर- १४ मा कांग्रेस विजयी
काठमाडौं, जेठ १२ गते । काठमाडौं महानगरपालिका ( १४ को वडाअध्यक्षमा नेपाली कांग्रेसका सुमन श्रेष्ठ विजयी हुनुभएको छ । निर्वाचन अधिकृतको कार्यालय अनुसार उहाँले तीन हजार ४४२ मत ल्याउनुभयो । उहाँको निकटतम प्रतिद्वन्द्वी नेकपा (एमाले)का रश्मि खड्काले तीन हजार ३४६ मत प्राप्त गर्नुभयो ।सो वडाको महिला सदस्यमा एमालेकी शोभा कार्की तीन हजार १९७ र दलित महिलामा अनिता नेपाली तीन हजार १६२ मतसहित विजयी हुनुभएको छ ।सदस्यद्वयमा कांग्रेसका अच्यूत सापकोटा र एमालेका नवीन नकर्मी निर्वाचित हुनुभएको छ । काठमाडौं महानगरपालिकाको प्रमुख र उपप्रमुखको नतिजा भने शुक्रबार मात्र सार्वजनिक हुने भएको छ । प्रमुख पदमा स्वतन्त्र उम्मेदवार वालेन्द्र साह र उपप्रमुखमा एमालेका सुनिता डंगोलको जित सुनिश्चित भइसकेको छ । महानगरको १९ वटा वडामा कांग्रेस र १२ वटा वडामा एमाले उम्मेदवार विजयी हुनुभएको छ । एउटा वडामा एकीकृत समाजवादीका उम्मेदवार विजयी हुनुभएको छ ।
बाजुराको बुढीगंगा नगरपालिकाको मतदान रद्द, पुनः मतदान हुने
गोरखापत्र अनलाइनकाठमाडौं, जेठ १२ गते । बाजुराको बुढीगंगा नगरपालिकामा पुनः मतदान हुने भएको छ । निर्वाचन आयोगको आजको निर्णयअनुसार सो नगरपालिकाको निर्वाचन केन्द्रमा पुनः मतदान गर्ने निर्णय गरेको हो । आयोगका प्रवक्ता तथा सहसचिव शालिग्राम शर्मा पौडेलकाअनुसार सो नगरपालिकामा यसअघि वैशाख ३० गते भएको निर्वाचन निष्पक्ष हुन नसकेकाले मतदान रद्द गरी पुनः मतदान गर्ने निर्णय गरेको छ । सो नगरपालिकाभित्र यथाशीघ्र मतदान गर्ने मिति र समय तोकी मतदान गराउन सम्बन्धित निर्वाचन अधिकृतलाई आयोगले निर्देशन गरेको छ । यसैगरी बाजुराका प्रमुख जिल्ला अधिकारी उपेन्द्रराज पौड्याल, त्यहाँका प्रहरी नायव उपरीक्षक चतुर्भुज ओझा र सशस्त्र प्रहरी बल नेपालका सशस्त्र प्रहरी उपरीक्षक दीपक विष्टलाई तीन दिन भित्र हटाई सो ठाउँमा जिम्मेवार कर्मचारीलाई खटाउन आयोगले सरकारलाई भनेको छ । उहाँहरुले निर्वाचनमा गम्भीर लापरवाही गरी निर्वाचनको स्वच्छता, स्वतन्त्रता तथा निष्पक्षतामा आँच आउने काम गरेको आयोगको ठहर छ । ती पदाधिकारीहरुलाई तीन महिनाभित्र विभागीय कारवाही गरी आयोगलाई जानकारी गराउन पनि आयोगले सरकारलाई भनेको छ ।
‘विकास निमार्णको सवालमा राजनीति भन्दामाथि उठेर काम गर्नुहोस्’
नेपाली कांग्रेसका केन्द्रीय सदस्य एवम् पूर्वउपप्रधानमन्त्री बिमलेन्द्र निधिले जनप्रतिनिधिलाई विकास निमार्णको सवालमा राजनीति भन्दामाथि उठेर कामकाज गर्न आग्रह गर्नु भएको छ।
प्रतिनिधिसभा बैठक : सांसदको सहभागिता न्यून
काठमाडौं, जेठ १२ गते। प्रतिनिधिसभा बैठकमा सरकारको नीति तथा कार्यक्रममाथिको छलफल जारी छ। सरकारले बजेट अघि सार्वजनिक गरेको नीति तथा कार्यक्रममाथिको छलफलमा प्रतिनिधिसभा सदस्यको सहभागिता उत्साहजनक हुनुपर्ने हो। तर, अन्य समयमा जस्तै नीति तथा कार्यक्रममाथिको छलफल सम्बन्धी कार्यसूची रहेको बैठकमासमेत प्रतिनिधिसभा सदस्यको संख्या कमै देखियो। बिहीबारको बैठकमा नीति तथा कार्यक्रमको संशोधनका लागि सूचना पेश गर्नुभएका विभिन्न दलका छ सांसदसहित प्रतिपक्षी दल नेकपा (एमाले) का अध्यक्ष केपी ओली, नेकपा (एकीकृत समाजवादी) पार्टीका वरिष्ठ नेता झलनाथ खनाललगायत विभिन्न दलका सांसदले नीति तथा कार्यक्रममाथिको छलफलमा भाग लिनुभएको छ। छलफल शुक्रबार पनि जारी रहनेछ। बिहीबारको बैठकमा देखिएका खाली कुर्सी । तस्बिरः केशब गुरुङ
देशभर १४ हजार ४०२ महिला जनप्रतिनिधि निर्वाचित
काठमाडौं, जेठ १२ गते । स्थानीय तह सदस्य निर्वाचन २०७९ मा ५५ हजार ६९९ महिला उम्मेदवार रहेकोमा १४ हजार ४०२ महिला निर्वाचित हुनुभएको छ । निर्वाचन आयोगको पछिल्लो तथ्याङ्कअनुसार सो संख्यामा महिला निर्वाचित भएको देखिएको हो । प्रमुख र उपप्रमुख महिलातीन वटा पालिकामा प्रमुख र उपप्रमुख दुवैजना महिला निर्वाचित हुनुभएको छ । सोमध्ये झापाको गौरीगञ्ज गाउँपालिका प्रमुखमा फूलवति राजवंशी र उपप्रमुखमा पूजन न्यौपाने कुँवर निर्वाचित हुनुभएको छ । राजवंशी नेपाली काँग्रेस र न्यौपाने नेकपा (एमाले) बाट उम्मेदवार बन्नुभएको थियो ।सोहीअनुसार दैलेखको भैरवी गाउँपालिकाको प्रमुख र उपप्रमुख दुवै पदमा महिला निर्वाचित हुनुभएको छ । सो पालिकाको प्रमुखमा रीता शाही र उपप्रमुखमा देवी भण्डारी निर्वाचित हुनुभएको छ । दुवैजना काँग्रेसबाट उम्मेदवारी दिनुभएको थियो ।त्यस्तै, कैलालीको लम्की–चुहा नगरपालिका प्रमुख र उपप्रमुख दुवै पदमा महिला निर्वाचित हुनुभएको छ । सो नगरपालिका प्रमुखमा सुशीला शाही र उपप्रमुख पदमा जुना चौधरी निर्वाचित हुनुभएको छ । प्रमुख काँग्रेसबाट र उपप्रमुख एमालेबाट उम्मेदवारी दिनुभएको थियो ।कुन प्रदेशमा कति महिलाप्रदेश १ मा ८ हजार १९६ उम्मेदवार भएकोमा २ हजार ४५५ जना महिला निर्वाचित हुनुभएको छ । त्यस्तै, मधेस प्रदेशमा १५ हजार ७८० उम्मेदवार रहेकोमा २ हजार ७७० जना निर्वाचित हुनुभयो । सोहीअनुसार बागमति प्रदेशमा ८ हजार ३४४ महिला उम्मेदवार रहेकोमा २ हजार ३४७ जना निर्वाचित हुनुभयो । यसैबीच गण्डकी प्रदेशमा ४ हजार ६४९ महिला उम्मेदवार रहेकोमा १ हजार ६२२ जना निर्वाचित हुन सफल हुनुभयो । सोहीअनुसार लुम्बिनी प्रदेशमा ८ हजार ७६७ महिला उम्मेदवार रहेकोमा २ हजार १२४ जना निर्वाचित हुन सफल हुनुभयो । आयोगको तथ्याङ्कअनुसार कर्णाली प्रदेशमा ४ हजार ८७८ महिला उम्मेदवार रहेकोमा १ हजार ५२४ जना निर्वाचित हुनुभयो । त्यस्तै, सुदूरपश्चिम प्रदेशमा ५ हजार ८५ उम्मेदवार रहेकोमा १ हजार ५६० जना निर्वाचित हुनुभयो । प्रमुख पदमा महिलादेशभरबाट २५ वटा पालिका प्रमुखमा महिला निर्वाचित हुनुभएको छ । आयोगको तथ्याङ्कअनुसार झापाको विर्तामोड नगरपालिका प्रमुखमा पवित्रा महतारा निर्वाचित हुनुभएको छ । त्यस्तै, झापाकै गौरीगञ्ज गाउँपालिका प्रमुखमा फूलवति राजवंशी निर्वाचित हुनुभयो ।त्यस्तै, मोरङको कानेपोखरी गाउँपालिका प्रमुखमा राजमति इङनाम निर्वाचित हुनुभएको छ । सोलुखुम्बुको लिखु पिके गाउँपालिका प्रमुखमा मिनादेवी कार्की निर्वाचित हुनुभएको छ । खोटाङको जन्तेढुंगा गाउँपालिका प्रमुखमा अरुणादेवी राई विजयी हुनुभएको छ । सोही जिल्लाको हलेसी तुवाचुङ नगरपालिका प्रमुखमा विमला राई निर्वाचित हुनुभयो । सोहीअनुसार सप्तरीको सुरुङ्गा नगरपालिका प्रमुखमा गीता चौधरी निर्वाचित हुनुभएको छ । सर्लाहीको बरहथवा नगरपालिका प्रमुखमा कल्पनाकुमारी कटुवाल निर्वाचित हुनुभयो । त्यस्तै, रौतहटको ईशनाथ नगरपालिका प्रमुखमा कौशल्या देवी र सोही जिल्लाको मौलापुर नगरपालिका प्रमुखमा रिनाकुमारी साह निर्वाचित हुनुभयो । त्यस्तै, सिन्धुलीको फिक्कल गाउँपालिका प्रमुखमा पार्वती सुनुवार निर्वाचित हुनुभएको छ । सोही जिल्लाको सुनकोसी गाउँपालिका प्रमुखमा दीपा बोहरा दाहाल निर्वाचित हुनुभयो । काभ्रेपलान्चोकको चौरीदेउराली गाउँपालिका प्रमुखमा रेणुका चौलागाई, मकवानपुरको हेटौडा उपमहानगरपालिका प्रमुखमा मीना लामा, चितवनको भरतपुर महानगरपालिका प्रमुखमा रेणु दाहाल, सोही जिल्लाको माडी नगरपालिका प्रमुखमा ताराकुमारी काजी महतो (थारु), निर्वाचित हुनुभएको छ ।यसैबीच नवलपरासी (बर्दघाट सुस्ता पूर्व) को हुप्सेकोट गाउँपालिका प्रमुखमा लक्ष्मी पाण्डे, सोही जिल्लाको सुनवल नगरपालिका प्रमुखमा विमला अर्याल, बागलुङको बडिगाड गाउँपालिका प्रमुखमा गण्डकी थापा अधिकारी निर्वाचित हुनुभएको छ । त्यस्तै, पर्वतको मोदी गाउँपालिकामा हीरादेवी शर्मा निर्वाचित हुनुभएको छ । त्यस्तै, पाल्पाको बगनासकाली गाउँपालिका प्रमुखमा सरस्वती दर्लामी, सुर्खेतको बीरेन्द्रनगर नगरपालिका प्रमुखमा मोहनमाया ढकाल र अछामको पञ्चदेवल विनायक नगरपालिका प्रमुखमा अम्बिका चलाउने निर्वाचित हुनुभयो । त्यस्तै, दैलेखको भैरवी गाउँपालिका प्रमुखमा रीताकुमारी शाही निर्वाचित हुनुभएको छ । सोहीअनुसार कैलालीको लम्की–चुहा नगरपालिका प्रमुखमा सुशीला शाही निर्वाचित हुनुभएको छ ।सोहीअनुसार आयोगको हालसम्मको तथ्याङ्कअनुसार दलित महिला सदस्यमा १२३ स्थानीय तह खाली रहेको छ । त्यस्तै १ जना महिला सदस्य स्थानीय तहमा खाली रहेको छ । त्यस्तै, ४ वटा पालिकाको परिणाम आउन बाँकी छ ।
