ढोरपाटनमा आजदेखि दादुराविरुद्धको खोप अभियान सञ्चालन गरिने
ढोरपाटन नगरपालिकामा दादुराको सङ्क्रमण देखिएपछि उक्त रोगविरूद्धको खोप अभियान सञ्चालन गरिने भएको छ । नगरपालिका भित्रका १० देखि १९ वर्ष उमेर समूहका करिब सात हजार बालबालिकालाई यही फागुन २९ देखि चैत १ गतेसम्म खोप लगाइने प्रदेश जनस्वास्थ्य कार्यालय, बागलुङका खोप सुपरभाइजर राजु खत्रीले जानकारी दिनुभयो ।
उपचार महँगो हुँदा नागरिक गरिबीको रेखामुनि
नेपालमा स्वास्थ्य उपचार महँगो हुने भएकाले बर्सेनि पाँच लाख मानिस गरिबीको रेखामुनि पुग्ने गरेको बताइएको छ । स्वास्थ्य पत्रकार मञ्च नेपालले आयोजना गरेको कार्यक्रममा नवनिर्वाचित प्रतिनिधि सभा सदस्य डा. तोसिमा कार्कीले नेपालमा स्वास्थ्य सेवा महँगो हुँदा वार्षिक पाँच लाख नेपाली गरिबीको रेखामुनि पुग्ने गरेको बताउनुभयो । नेपालमा अन्य देशमा भन्दा उपचार सस्तो भए पनि नेपालीको आयस्रोतभन्दा महँगो उपचार र औषधीमा उच्च लागतका कारण नागरिक गरिबीको रेखामुनि गएको बताउनुभयो ।
