नेपाल चलचित्र कलाकार सङ्घको नेतृत्वका लागि मतदान
नेपाल चलचित्र कलाकार संघको नेतृत्वका लागि निर्वाचन सुरु भएको छ। शनिबार संघको नेतृत्वका लागि मतदान सुरु भएको हो।
ईश्वर मगियाको ‘मन भित्र’ बजारमा
गायक ईश्वर मगियाको आधुनिक गीत ‘मन भित्र’ बजारमा आएको छ । गीतको म्युजिक भिडियो समेत सार्वजनिक गरिएको छ ।
दीपक शर्माको ‘डाँडै पिपल’मा सुधीर र आरुषीको अभिनय
सङ्गीतकार दीपक शर्माको शब्द र सङ्गीतमा तयार भएको गीत ‘डाँडै पिपल’को म्युजिक भिडियो सार्वजनिक भएको छ।
साङ्गीतिक महोत्सव ‘इकोज इन द भ्याली’ सुरु
साङ्गीतिक महोत्सव ‘इकोज इन द भ्याली’ को सातौँ संस्करण सुरु भएको छ। टेकुस्थित पचली भैरव मन्दिरबाट शुक्रबार सुरु भएको यस दुईदिने महोत्सव शनिबार असन क्षेत्रमा विशेष साङ्गीतिक कार्यक्रम, विविध स्टलसहित हुनेछ। महोत्सवमा सङ्गीत कार्यशाला, सङ्गीत सम्मेलन, हेरिटेज वाक्, साङ्गीतिक चलचित्र प्रदर्शनी र नेवाः शैलीका भजन स्टल राखिने छ। साथै बालबालिकाका कथा वाचन, पुस्तक बस, रञ्जना लिपि लेखन, सङ्ग्रहालय भ्रमण गराइनेछ।
चलचित्र ‘भष्मे डन’को मुहूर्त
चलचित्र ‘पशुपति प्रसाद २ : भष्मे डन’ को शुक्रबार पशुपतिनाथ मन्दिरमा मुहूर्त गरिएको छ। चलचित्रको छायाङ्कन चैत १० देखि सुरु हुने निर्देशक दीपेन्द्र के खनालले बताउनुभयो। उहाँले भन्नुभयो ४० दिनको तालिकासहित चलचित्रको छायाङ्कन सुरु गरिएको हो।
चलचित्र ‘जय हो’को निर्माण घोषणा
शोभित बस्नेत प्रस्तुतकर्ता रहनुभएको चलचित्र ‘जय हो’ को बिहीबार राजधानीमा आयोजित एक कार्यक्रमका बीच औपचारिक रूपमा निर्माण घोषणा गरिएको छ। टेक पौरखी राईको निर्देशनमा निर्माण हुने चलचित्रमा अर्पण थापा, सलोन बस्नेत, केकी अधिकारी, निशा अधिकारी, माओत्से गुरुङ, गणेश बुढाथोकी, दीपा शाक्य श्रेष्ठ, सुबि मगर, सुमिन गुरुङ र अथिति कलाकारमा रोहित रुम्बालगायतको अभिनय रहनेछ।
चलचित्र ज्याकी आइएम २१ को गीत 'कथा'
नेपाली चलचित्र ज्याकी आइएम २१ को गीत कथा सार्वजनिक भएको छ । शुक्रवार काठमाडौंमा एक कार्यक्रमबीच गीत सार्वजनिक गरिएको हो।
फिल्म हुक्का 'एन एब्सर्ड ड्रिम' जेठमा
फिल्म हुक्का ‘एन एब्सर्ड ड्रिम’ जेठ १२ गते रिलिज हुने भएको छ ।
९५ प्रतियोगी चलचित्र प्रदर्शन हुँदै
नेपाल अन्तर्राष्ट्रिय चलचित्र महोत्सव निफको छैटौँ संस्करण बिहीबारबाट काठमाडौँमा सुरु भएको छ । नेपाल फिल्म एन्ड कल्चर एकेडेमीले आयोजना गरेको महोत्सवमा ३५ देशका चलचित्रकर्मीको प्रतिनिधित्व हुँदै छ भने ९५ प्रतियोगी चलचित्र प्रदर्शन गरिनेछ । महोत्सवको उद्घाटनमा कोरिन शर्मा निर्देशित चलचित्र ‘चरी’ प्रिमियर गरिएको थियो । ‘विश्वभरका कथाहरूको उत्सव’ नारासहित सुरु भएको महोत्सव ६ गतेसम्म क्यूएफएक्स चेनअन्तर्गतका चार हल र पर्यटन बोर्डको प्रेक्षालयमा सञ्चालन हुनेछ ।
‘मुन्द्रेको कमेडी क्लब’ प्रसारणमा
हास्य कलाकार जितु नेपालको कमेडी सो ‘मुन्द्रेको कमेडी क्लब’को तेस्रो सिजन बिहीबारदेखि प्रसारणमा आउने भएको छ । कान्तिपुर टेलिभिजनबाट प्रसारण हुन लागेको सोमा पहिलो अतिथि अभिनेता प्रदीप खड्का रहनुहुनेछ । सामाजिक सञ्जालमार्फत कलाकार नेपालले सो छायाङ्कनको एक तस्बिर सार्वजनिक गर्नुभएको छ । केही दिनअघि बिहीबार प्रसारण हुने एपिसोडको ट्रेलर सार्वजनिक गरिएको थियो ।
चलचित्र निर्देशक सुब्बाको निधन
निर्देशक प्रताप सुब्बाको बिहीबार ७८ वर्षको उमेरमा निधन भएको छ । भारतको पश्चिम बङ्गालका स्थानीय सञ्चारमाध्यमका अनुसार सिलिगुडीस्थित एक अस्पतालमा उहाँको निधन भएको जनाइएको छ । २०३५ सालमा प्रदर्शन भएको ‘परालको आगो’ निर्देशन गर्दै चलचित्र क्षेत्रमा आउनुभएका सुब्बाले ‘बाँच्न चाहनेहरू’, ‘मसाल’, ‘कहीँ अँध्यारो कहीँ उज्यालो’, ‘दिदी’, ‘चट्याङ’ र
'प्रेमको झिरैमा' सार्वजनिक
के पी दंगाल 'गोकुल'को दोस्रो साङ्गीतिक प्रस्तुति ‘प्रेमको झिरैमा’ बोलको गीत बजारमा आएको छ । उक्त गीतको म्युजिक भिडियो पारिजात नेपालको अफिसियल युट्युब च्यानलमार्फत बजारमा सार्वजनिक गरिएको हो ।
'कला क्षेत्रलाई समृद्ध बनाउन कलाकार सङ्घमा मेरो उम्मेदवारी'
चलचित्र कलाकार सङ्घको कार्यसमिति चुनावमा अध्यक्ष पदमा उम्मेदवारी दिनुभएका कलाकार मोहन निरौलाले प्यानल घोषणा गर्नुभएको छ ।
पटकथा लेखन तथा निर्देशन कार्यशाला हुने
चलचित्र विकास बोर्डको आयोजनामा चलचित्रको पटकथा लेखन तथा निर्देशन विषयमा केन्द्रित तीनदिने कार्यशाला हुने भएको छ । चैत ३ देखि ५ गतेसम्म हुने सो कार्यशालामा भारतीय फिल्ममेकर तथा पूर्वएफटीआईआई (फिल्म एन्ड टेलिभिजन इन्स्टिच्युट अफ इन्डिया, पुणे)का एसोसिएट प्रोफेसर अनुपम बर्वेको सहभागिता रहने बोर्डद्वारा जारी विज्ञप्तिमा उल्लेख छ । कार्यशालामा सहभागिता जनाउन बोर्डको वेबसाइट तथा सोसल प्रोफाइलमा रहेको फाराम भर्नुपर्ने हुन्छ भने यो कार्यशालामा सहभागी हुन शुल्क भने नलाग्ने जनाइएको छ ।
‘जाने भए जाऊ’ गीत सार्वजनिक
गायक रूपक डोटेलको नयाँ गीत सार्वजनिक भएको छ । सरिता सापकोटाको शब्दमा रहेको ‘जाने भए जाऊ’ बोलको गीतको भिडियोसहित सार्वजनिक भएको हो । ‘फाइभ स्टार्स’ नामक युट्युब च्यानलबाट उक्त गीतको म्युजिक भिडियो सार्वजनिक गरियोे । मनोज चौलागाईंको सङ्गीत तथा संयोजन रहेको सो गीतलाई प्रकाश मिश्रले मिक्सिङ गर्नुभएको छ । टेकेन्द्र शाहले भिडियो निर्देशन गर्नुभएको छ भने म्युजिक भिडियोमा विकास लामिछाने, ऋचा थापा र अशोक घिमिरेको अभिनय रहेको छ ।
फिल्म 'प्रेमा'को गीत 'फूल यो चुँडेर' सार्वजनिक
चैत १७ गतेबाट रिलिज हुने तयारीमा रहेको फिल्म ‘प्रेमा’को गीत ‘फूल यो चुँडेर’ सार्वजनिक भएको छ ।
नेपाल अन्तर्राष्ट्रिय चलचित्र महोत्सवको छैटौँ संस्करण हुँदै
नेपाल अन्तर्राष्ट्रिय चलचित्र महोत्सव (निफ) को छैटौँ संस्करण बिहीबारदेखि काठमाडौंमा सुरु हुने भएको छ ।
चलचित्र समीक्षा– ‘छक्का पञ्जा ४’
सिनेमा हलमा फागुन १९ गतेदेखि ‘छक्का पञ्जा’को चौथो शृङ्खला प्रदर्शनरत छ । बक्सअफिसलाई नियाल्ने हो भने चलचित्र ‘छक्का पञ्जा ४’ ले घरेलु बक्सअफिसमै रु १२ करोडभन्दा बढीको ग्रस व्यापार गरेको निर्माण पक्षको दाबी छ ।
चलचित्र ‘ए साथी सुन’को टिजर सार्वजनिक
अभिनेत्री वर्षा सिवाकोटी र डेब्यु अभिनेता रमेश बानियाँ अभिनीत चलचित्र ‘ए साथी सुन’को टिजर सार्वजनिक गरिएको छ । लभस्टोरी, थ्रिलर र कमेडी जनराको चलचित्रमा आयन खड्का, सुशील पोखरेल, जयनन्द लामा, रमेश अधिकारी, विमला गिरीलगायतको अभिनय छ । कृष्मा खड्का र इभान सन्जेल पनि चलचित्रमा बालकलाकारको भूमिकामा देखिनुभएको छ ।
जेठमा चलचित्र नीरफूल
चलचित्र ‘नीरफूल’ले आउँदो जेठ १९ गते आफ्नो प्रदर्शन मिति तय गरेको छ । २०७६ चैत ७ गते प्रदर्शन हुनै लाग्दा सरकारले त्यसको दुई दिनअघि मात्रै कोरोना महामारीका कारण सम्पूर्ण चलचित्र हल बन्द गरेपछि ‘नीरफूल’को प्रदर्शन मिति रोकिएको थियो । भूकम्पका कारण बिछोडिएका एक परिवारका सदस्यहरूले पुनर्मिलनका लागि गरेका प्रयत्नमा आधारित चलचित्र फूलमान बलले निर्देशन गर्नुभएको हो । रुवी भ्याली र काठमाडौँमा छायाङ्कन गरिएको चलचित्रमा दयाहाङ राई, शान्ति वाइबा, बुद्धि तामाङ, पुष्कर गुरुङ, जिम्मे छ्योइकी घिसिङ,
स्लिम देखिन पहिरनमा ध्यान !
स्लिम र आकर्षक देखिन कसलाई मन हुँदैन र । तौल घटाएर आकर्षक देखिन महिलाले खाना नखाने, कम खाने, विभिन्न औषधि प्रयोग गर्नेजस्ता विविध उपाय अपाउने गरेका पाइन्छ । अधिकांश महिला स्वस्थ र जवान देखिन आफ्नातर्फबाट पूर्ण रूपमा प्रयास पनि गर्छन् तर व्यस्त जीवनशैलीका कारण धेरैलाई फिटनेसमा ध्यान दिने फुर्सद नै हुँदैन । यस्तोमा पहिरनको सही छनोटले छरितो (स्लिम लुक) हुन सकिने भएकाले यससम्बन्धी ज्ञान लिने प्रचलन बढ्दो छ ।
आमाको सङ्घर्षको कथा ‘मिसेस चटर्जी भर्सेस नर्वे’
चलचित्र ‘मिसेस चटर्जी भर्सेस नर्वे’ले एउटी महिला विवाहपछि श्रीमान्सँग विदेशी भूमि गएपछि उनीमाथि आएको आपत्विपत् उनी एक्लैले कसरी सामना गर्छिन् भन्ने प्रस्ट्याउन खोजिएको छ । विदेशी भूमिलाई स्वर्ग देखाएर मोहित बनाउने यस चलचित्रले पहिलो पटक राम्रो पैसा कमाउने र विदेशी नागरिकताको लोभमा देशबाट शिक्षित मानिस पलायन भएको यथार्थ र दर्दनाक चित्र प्रस्तुत गरेको छ । चलचित्रमा दुई सन्तानकी आमा यस्तै यथार्थबाट गुज्रिएकी देखाइएको छ ।
'सकारात्मक परिवर्तनका लागि कलाकार सङ्घमा मेरो उम्मेदवारी'
यसबाहेक, सचिवमा रामेश्वर बुर्लाकोटी र जीवन थापा गरी दुई जना, कोषाध्यक्षमा सुनिल कटुवाल, विनोदकुमार भट्टराई रसहकोषध्यक्षमा रोहित रुम्बा र पवित्रा आर्चायले उम्मेदवारी दर्ता गराउनुभएको छ ।
'नाइँ नभन्नु ल ६' को गीत 'दिउँला माया' सार्वजनिक
आगामी वैशाख १ गते प्रदर्शनको तयारीमा रहेको फिल्म 'नाइँ नभन्नु ल ६' को गीत 'दिउँला माया' सार्वजनिक गरिएको छ ।
पाकापुस्ताकै भरमा ‘मारुनी नाच’
मारुनी नाचका अगुवा सुवेदार सुर्जबहादुर थापा उमेरले ७८ वर्षमा टेक्नुभयो । उहाँको मारुनी नाच्ने र गाउने मोह भने जवानी अवस्थाकै जस्तै छ । युवापुस्तालाई साथमा लिएर विभिन्न स्थानमा मारुनी नाच देखाउन थापा पुग्नुहुन्छ ।
