गोरखापत्र अनलाइन
एक लाख ८० हजार नगदसहित १३ जुवाडे पक्राउ
तनहुँ प्रहरीले एक लाख ८० हजार ४३० रुपियाँ नगद सहित १३ जुवाडे पक्राउ गरेको छ
कलाकार राष्ट्रको महत्वपूर्ण अङ्ग : प्रधानमन्त्री देउवा
प्रधानमन्त्री तथा नेपाल सङ्गीत तथा नाट्य प्रज्ञा प्रतिष्ठानका संरक्षक शेरबहादुर देउवाले देशमा लोकतन्त्रको स्थापनामा तथा संरक्षणमा कलाकारले निर्वाह गरेको भूमिकालाई हेर्दा कलाकार राष्ट्रको महत्वपूर्ण अङ्ग भएको बताउनु भएको छ।
कांग्रेस पदाधिकारी बैठक : निर्वाचन कानुन परिमार्जन सम्बन्धमा छलफल
सत्ता साझेदार दल नेपाली कांग्रेसको मंगलबारको पदाधिकारी बैठकमा निर्वाचनको कानुन परमार्जन एवम् परिस्कृत गर्ने सम्बन्धनमा छलफल भएको छ।
नक्कली नोटसहित दुई जना पक्राउ
काठमाडौं, असार २१ गते। नक्कली नोटसहित दुई जनालाई प्रहरीले पक्राउ गरेको छ। पक्राउ पर्नेमा सर्लाहीको बसबरीया गाउँपालिका-३ बंगलवाका २६ वर्षीय प्रमोद ठाकुर र त्यहीका २५ वर्षीय गंगा कुमार यादव रहेका छन्। गत शुक्रबार दुवै जनालाई काठमाडौंको दक्षिणकाली-५ फर्पिङ चेक पोइन्टबाट प्रहरीले पक्राउ गरेको हो। सर्लाहीबाट काठमाडौं आउँदै गरेको ना ३४ प ५५७० नम्बरको १५० सि.सि.पल्सर मोटरसाइकलमा सवार रहेका उहाँहरुको साथबाट सिरियल नम्बर झ ७३६३६७०३, झ १९७९१४४४ र झ ३७५३०६६९ को हजार दरको २७ थान नक्कली नेपाली रुपियाँ फेला पारी नियन्त्रणमा लिइएको थियो। उहाँहरुमाथि मुलुकी अपराधसहिंता २०७४ को परिच्छेद-२२ को मुद्रासम्बन्धी कसूरमा जिल्ला अदालत काठमाडौंबाट सात दिनको म्याद थप गरी प्रहरी वृत्त कीर्तिपुरले अनुसन्धान गरिरहेको छ।
मलेसियाले शून्य लागतमा नेपाली लैजाने, पहिलो चरणमा ४५० नेपाली जाँदै
मलेसियामा रहेको विश्वकै ठूलो आइटी कम्पनीले शून्य लागतमा नेपाली श्रमिक लैजाने भएको छ।
विश्व ब्याडमिन्टन दिवसमा राष्ट्रपति भण्डारीसँग साक्षात्कार
राष्ट्रपति विद्यादेवी भण्डारीले विश्व ब्याडमिन्टन दिवसको अवसरमा बधाई तथा शुभकामाना व्यक्त गर्नुभएको छ ।
मनोरञ्जन क्षेत्रका श्रमिकको अधिकार संरक्षण गर्न प्रधानमन्त्रीसँग आग्रह
प्रधानमन्त्री शेरबहादुर देउवालाई विश्वास नेपाल संस्थाले १४ बुँदे घोषणा पत्र हस्तान्तरण गरेको छ । मङ्गलबार मनोरञ्जन तथा सत्कार सेवा क्षेत्रका श्रमिकहरुको अधिकारको संरक्षणका लागि नीतिगत व्यवस्था गर्न माग गर्दै संस्थाले १४ बुँदे घोषणा पत्र हस्तान्तरण गरेको हो ।
रामेछापमा बस दुर्घटना : मृत्यु हुनेको संख्या १३ पुग्यो, १२ जनाको सनाखत
रामेछापको खाँडादेवी गाउँपालिका-१ लुभु घाटमा भएको बस दुर्घटनामा मृत्यु हुनेको संख्या १३ पुगेको छ।
तानसेनलाई १३औं राष्ट्रपति रनिङ शिल्ड उपाधि
१३औं जिल्ला स्तरीय राष्ट्रपति रनिङ शिल्ड प्रतियोगिताको उपाधि तानसेन नगरपालिकाल् जितेको छ । पाल्पाको दमकडामा भएको प्रतियोगितामा तानसेन १९ स्वर्ण पदकसहित पहिलो भएको हो । सात वटा स्वर्ण पदकसहित रम्भा गाउँपालिका दोस्रा र पाँच स्वर्ण पदकसहित तिनाउ गाउँपालिका तेस्रो भएको छ ।
-original-thumb.jpg)
पहिरोले सदरमुकामकै बस्ती जोखिममा
सोमबारदेखि परेको निरन्तरको वर्षाका कारण गएको पहिरोले रुकुम पश्चिमको जिल्ला सदरमुकामको एक बस्ती जोखिममा परेको छ ।
नेप्से कारोबार रकममा गिरावट
मंगलबार नेप्से परिसूचकसँग कारोबार रकममा गिरावट आएको छ । शेयर बजार मापक नेप्से परिसूचक आज ४६.०८ अङ्कले घटेर २०३०.५९ बिन्दुमा झरेको हो ।
बढ्दै सङ्क्रमित, थप ७३ जनामा सङ्क्रमण पुष्टि
स्वास्थ्य तथा जनसङ्ख्या मन्त्रालयका अनुसार एक हजार ९४४ आरटी पीसीआर परीक्षण गर्दा ७३ जनामा सङ्क्रमण पुष्टि भएको हो ।
मुगुको रारा तालमा पुग्यो बिजुली
कर्णाली प्रदेशकै प्रमुख पर्यटकीय गन्तव्य स्थल रारा तालमा बिजुली पुगेको छ । नेपाल विद्युत प्राधिकरणले कर्णाली प्रदेशको मुगु जिल्लामा २९९० मिटर उचाइमा अवस्थित रारा ताल क्षेत्रमा विद्युत् पुर्याएको हो ।
माओवादी केन्द्रीय कार्यालय बैठकः सांगठानिक प्रस्तावको जिम्मा अध्यक्षलाई
काठमाडौं, असार २१ गते। सत्ता साझेदार दल नेकपा (माओवादी केन्द्र) को सांगठानिक प्रस्तावको जिम्मा पार्टी अध्यक्ष पुष्पकमल दाहाललाई दिइएको छ। मंगलबार खुमलटारमा बसेको पार्टीको केन्द्रीय कार्यालय बैठकले सो निर्णय गरेको अध्यक्ष दाहालका प्रेस संयोजक सूर्यकिरण शर्माले जानकारी दिनुभयो। माओवादी केन्द्रको आज पनि बस्ने भनिएको केन्द्रीय समितिको बैठक स्थगितपछि नेताहरु केन्द्रीय कार्यालयको बैठकमा जुट्नुभएको थियो। “पार्टीको केन्द्रीय समितिको बैठक चलिरहेको छ, पोलिट्ब्यूरो, स्थायी समिति र पदाधिकारीको विषयमा सम्पूर्ण जिम्मा अध्यक्षलाई दिएर संगठनात्मक प्रस्ताव तयार गर्ने निर्णय भयो”, उहाँले भन्नुभयो। यहाँले केन्द्रीय कार्यालयका सबै सदस्यको सुझावका आधारमा अध्यक्ष दाहालले सो प्रस्ताव तयार गर्नुहुने बताउनुभयो। शर्माका अनुसार अर्थमन्त्री जनार्दन शर्माको विषयमा प्रतिनिधिसभा संसदमा प्रतिपक्षी दलले आवाज उठाए पनि त्यसतर्फ आजको बैठकमा कुनै ठोस छलफल भएन। उहाँले भन्नुभयो, “त्यो विषय प्रतिपक्षीले उठाएका हुन्, त्यसमा छलफल भएन, ठोस प्स्ताव तयार गर्ने जिम्मा अध्यक्ष प्रचण्डलाई दिइएको हो।”
पहिरोमा पुरिएर एकजनाको मृत्यु
अछामको तुर्माखाँद गाउँपालिका–६ रानीवनकी ७८ वर्षीया अमृता जैसीको पहिरोले पुरिएर मृत्यु भएको प्रमुख जिल्ला अधिकारी खगेन्द्र रिजालले जानकारी दिनुभयो ।
