गोरखापत्र अनलाइन
धनगढी उपमहानगरपालिकाको बजेट एक अर्ब ८३ करोड
कैलालीको धनगढी उपमहानगरपालिकाले आगामी आर्थिक वर्ष २०७९–८० का लागि एक अर्ब ८३ करोड ८९ लाख रुपियाँ बजेट प्रस्तुत गरेको छ । शुक्रबार नगरसभाको आठौं अधिवेशनमा उपप्रमुख कन्दकला राना थारुले आगामी आर्थिक वर्षको बजेट प्रस्तुत गर्नुभएको हो ।
दमक नपाले अति विपन्नको ‘खाना, नाना र छाना’ को बन्दोबस्त गर्ने
झापाका स्थानीय तहहरुले नीति तथा कार्यक्रम र बजेटमा कतिपय लोकप्रिय कार्यक्रमहरु समावेश गरेको छ
सामुदायिक सर्पदंश उपचार केन्द्रलाई सहयोग
नेपाली कांग्रेसका नेता एवं नोवेल मेडिकल कलेजका सञ्चालक डाक्टर सुनील शर्माले सामुदायिक सर्पदंश उपचार केन्द्र बेलबारीलाई १२ लाख रुपियाँ मूल्य पर्ने इसिजी मनिटर प्रदान गर्नुभएको छ ।
सहकार्य गर्न सक्ने शक्तिलाई साथ लिन्छौं : अध्यक्ष ओली
नेकपा (एमाले) का अध्यक्ष केपी शर्मा ओलीले पार्टीको नीतिमा सहकार्य गर्न सक्ने शक्तिलाई साथ लिएर अघि बढ्ने बताउनुभएको छ । शुक्रबार राजधानीमा आयोजित पार्टी प्रवेश कार्यक्रममा बोल्नुहुदै उहाँले त्यस्तो बताउनुभयो ।
काठमाडौं महानगरको बजेट २५ अर्ब ४१ करोड ९६ लाख
शुक्रबार महानगरपालिले आर्थिक वर्ष २०७९/०८० को लागि कुल २५ अर्ब ४१ करोड ९६ लाख ९६ हजार अनुमानित बजेट तथा कार्यक्रम तयार पारेको हो ।
देशको लोकतान्त्रिक प्रक्रिया सुदृढ हुनुपर्छ : अध्यक्ष दाहाल
नेकपा (माओवादी केन्द्र) का अध्यक्ष पुष्पकमल दाहालले देशको लोकतान्त्रिक प्रक्रिया सुदृढीकरण हुनुपर्ने बताउनुभएको छ । शुक्रबार राजधानीमा आयोजित नेपाल पर्वतारोहण संघको नवनिर्वाचित केन्द्रीय समितिको पदभार तथा शपथ ग्रहण कार्यक्रममा उहाँले नेपाली जनताको एकता र भावनालाई सम्बोधन हुनुपर्ने भन्नुहुँदै त्यस्तो बताउनुभएको हो ।
सात स्थानीय तहले ल्याए नीति तथा कार्यक्रम र बजेट
सिन्धुलीको नौ वटा स्थानीय तहमध्ये सात वटाले शुक्रबारसम्म आगामी आर्थिक बर्ष २०७९–८० को नीति तथा कार्यक्रम र बजेट सार्बजनिक गरेका छन् ।
नौसय घरलाई जस्तापाता वितरण
रुकुम पश्चिमको आठबिसकोट नगरपालिकाले नगरपालिकालाई खरको छानामुक्त बनाउने कार्य अघि बढाएको छ । शुक्रबारबाट नगरपालिकाले पहिलो चरणमा नौसय घर परिवारलाई जस्तापाता वितरण गरेको छ ।
कुमारवर्ती बहुमुखी क्याम्पसलाई क्युएए प्राप्त
मीना कंडेलकावासोती, असार १० गते । पूर्वी नवलपरासीको कावासोतीमा रहेको कुमारवर्ती बहुमुखी क्याम्पसले गुणस्तर सुनिश्चितता तथा प्रत्यायन (क्युएए) प्राप्त गरेको छ । विश्वविद्यालय अनुदान आयोग गुणस्तर सुनिश्चितता तथा प्रत्यायन (क्युएए) प्रक्रियामा सहभागी भई सबै चरण पार गरी शैक्षिक गुणस्तर सुनिश्चितता तथा प्रत्यायन परिषद्को सिफारिसअनुसार क्याम्पसलाई क्युएए प्राप्त भएको क्याम्पस प्रमुख गुरुप्रसाद सुवेदीले बताउनुभयो ।सन् २०२० मा नै क्याम्पसले क्युएए प्राप्त गर्नुपर्नेमा कोभिड सङ्क्रमण तथा विभिन्न प्राविधिक कारणले डेढ वर्ष ढिला गरेर क्यूएए प्राप्त गरेको जानकारी गराउनुभयो । क्युएए प्राप्त गर्न नसक्दा धेरै जनाबाट अनुत्तरित बन्नुपर्दा दुःख लाग्नेगरेकोमा अब खुसी भएकोे बताउनुभयो । अब सरोकारवालाको छलफल समन्वयमा क्याम्पसले थप नयाँ विषयहरू अध्यापन गर्ने प्रक्रिया अघि बढाउने सोचमा रहेको उहाँले बताउनुभयो । क्याम्पस व्यवस्थापन समितिका अध्यक्ष महेन्द्र पोख्रेलले नेपालभरि क्याम्पसले क्युएए प्राप्त गरेपछि खुशी लागेको बताउनुभयो । प्राप्त उपलब्धी जोगाइराख्न अब क्याम्पस थप सशक्त ढङ्गबाट अघि बढ्न आवश्यक रहेको उहाँले बताउनुभयो । क्याम्पसमा नयाँ विषय शुरु गर्ने बाटो खुलेको अध्यक्ष पोख्रेलले बताउनुभयो । क्याम्पसले छिमेकी क्याम्पसहरूमा पढाइ हुने विषयभन्दा नयाँ खालका प्राविधिक विषय थप गर्ने योजना रहेको उहाँको भनाइ छ । सिभिल इन्जिनियर, बीएलबी लगायतका नयाँ विषय थप गर्ने सोच क्याम्पसले बनाएको उहाँले बताउनुभयो । क्युएए प्रमाणपत्र प्राप्त गर्ने क्याम्पसलाई विभिन्न सरकारी निकायबाट प्रत्येक वर्ष अनुदान लगायतका अन्य सुविधा प्राप्त हुनेगर्छ ।
प्रशासकीय अधिकृतविरुद्ध डेढ करोडको भ्रष्टाचार मुद्दा
अख्तियार दुरुपयोग अनुसन्धान आयोगले बाराको जितपुरसिमरा उपमहानगरपालिकाका तात्कालीन प्रशासकीय अधिकृत शिवराज सेढाईविरुद्ध एक करोड ६६ लाख ब रुपियाँको भ्रष्टाचार मुद्दा दायर गरेको छ।
नेप्से परिसूचक १३.७८ अङ्कले वृद्धि
तीन हप्तादेखि निरन्तर रुपमा गिरावट हुँदै आएको नेप्से परिसूचक शुक्रबार भने सामान्य अङ्कले वृद्धि भएको छ ।
''आमाको नाममा नागरिकता दिन कन्जुस्याइँ गर्नुहुँदैन''
नेकपा (माओवादी केन्द्र) का सांसद सुरेशकुमार आलेमगरले आमाको नाममा नागरिकता दिन कन्जुस्याँई गर्नु नहुने बताउनुभएको छ ।
ट्रक व्यवसायीको समस्या समाधान गर्ने प्रतिबद्धता
बागमती प्रदेश सरकारका श्रम, रोजगार तथा यातायातमन्त्री घनश्याम दाहालले ट्रक व्यवसायीका समस्या समाधान गर्न आफू प्रतिबद्ध रहेको बताउनुभएको छ । शुक्रबार आयोजित नेपाल ट्रक यातायात व्यवसायी महासंघको १५ औँ साधारणसभा तथा सातौँ महाधिवेशन उदघाटन गर्दै मन्त्री दाहालले सो कुरा बताउनुभयो ।
उच्च शिक्षामा लगानी बढाउन राज्यमन्त्री श्रेष्ठको आह्वान
काठमाडौं, असार १० गते। प्रधानमन्त्री तथा मन्त्रिपरिषद् कार्यालयका राज्यमन्त्री उमेश श्रेष्ठले उच्च शिक्षामा लगानी बढाउन निजी क्षेत्रलाई आह्वान गर्नुभएको छ। नेपाल उच्च शिक्षाको ठूलो हब हुनसक्ने उल्लेख गर्नुहुँदै राज्यमन्त्री श्रेष्ठले त्यसमा लगानी बढाउन निजी क्षेत्रलाई आग्रह गर्नुभएको हो। शुक्रबारबाट काठमाडौंमा सुरु भएको ‘कान्तिपुर हिसान एडुफेयर’को उद्घाटन गर्दै उहाँले शिक्षा र स्वास्थ्य क्षेत्रलाई सेवामूलक व्यवसाय ठानेर अघि बढ्न पनि निजी क्षेत्रलाई सचेत गराउनुभयो।नेपालमा थप २५ वटा विश्वविद्यालय आवश्यक रहेको भन्दै राज्यमन्त्री श्रेष्ठले त्यसमा निजी क्षेत्रले लगानी गर्दा राम्रो हुने बताउनुभयो। त्यसका लागि सरकारले पूर्वाधारलगायतका आवश्यक व्यवस्था मिलाउने र त्यसका लागि निजी क्षेत्रले गर्दा हुने उहाँले बताउनुभयो। राज्यमन्त्री श्रेष्ठले शिक्षा क्षेत्रबाट नेपालमा ठूलो आर्थिक गतिविधि हुने भएकाले यसमा लगानी गर्नेको भविष्य राम्रो रहेको दोहोर्याउनुभयो। उहाँले भन्नुभयो, ‘नेपाल उच्च शिक्षाको एउटा हब हुनसक्छ। उच्च शिक्षामा लगानी गरेर एउटा ठूलो आर्थिक गतिविधि गर्न सकिन्छ भन्ने त्यो चीजमा सबै लागौं।’’नेपाललाई ११ वटा विश्वविद्यालयले नपुग्ने उहाँको भनाइ छ। ‘‘हाम्रो मुलुकलाई ११ वटा विश्वविद्यालयले पुग्नेवाला छैन। अर्को २५ वटा विश्वविद्यालय चाहिन्छ भने बरु सरकारले एउटा आधारमा कस्तो विश्वविद्यालय हुने, त्यसका पूर्वाधार के चाहिन्छ ? कस्तो किसिमका संस्थालाई हामीले विश्वविद्यालय दिने हो ? यी सबै कुरा भए शिक्षाको भविष्य छ। शिक्षा र स्वास्थ्यलाई पूरा व्यापार मात्रै नठानेर सेवामूलक व्यवसाय गर्छ भनेर लाग्नुस्’’, उहाँले भन्नुभयो। राज्यमन्त्री श्रेष्ठले ठूलो लगानी शिक्षा आर्जनका लागि विदेशिन नदिन सरकारले नेपाललाई शिक्षाको हब बनाउने नीतिगत, कानुनी र संरचनागत व्यवस्था गर्न लागेको पनि बताउनुभयो। चार दिनसम्म चल्ने सो फेयरमा उच्च शिक्षा हासिल गर्नका लागि आवश्यक सन्दर्भ सामग्रीबारे एकै थलोमा बसेर जानकारी पाउने व्यवस्था मिलाइएको बताउनुभएको छ।
डिजिटल कारोबारको अध्ययन लेखापरीक्षकबाट हुनुपर्छः अर्थमन्त्री शर्मा
अर्थमन्त्री जनार्दन शर्माले पछिल्लो समय नयाँ–नयाँ प्रविधिबाट भइरहने डिजिटल कारोबारको अध्ययन लेखापरीक्षकहरुबाट हुनुपर्ने बताउनुभएको छ । शुक्रवार नेपाल चार्टड एकाउण्टेन्ट्स संघ (एक्यान) को ३७ औं वार्षिक साधारण सभालाई सम्बोधन गर्दै अर्थमन्त्री शर्माले डिजिटल कारोबार बढ्दै जाँदा अर्थतन्त्रमा समस्या देखिएकाले डिजिटल कारोबारको अध्ययन लेखा परीक्षकहरुले गर्नुपर्ने बताउनुभएको हो ।
