गोरखापत्र अनलाइन
पार्टीबाटै बालेनहरूको खोजी
स्थानीय तह निर्वाचनमा काठमाडौँका नागरिकले राजनीतिक पार्टीका क्रियाकलापप्रति सन्तुष्ट नभएको सन्देश मतमार्फत व्यक्त गरेका छन् । नागरिकबाट फरक खालको नतिजा अपेक्षित हुनु र परिणाम तदनुकूलको आउनु परिवर्तनप्रतिको सङ्केत हो । यो परिणामले व्यवस्था र व्यवस्थापनप्रतिको असन्तुष्टि मात्र नभई राजनीतिक संस्कार र चरित्रलाई पनि चुनौती दिएको छ । नेतृत्वले आश्वासनअनुसार ‘पर्फर्मेन्स’ देखाउन नसक्दा निर्वाचन परिणाम स्वतन्त्र उम्मेदवारको पक्षमा गयो । देशको अन्य कतिपय पालिकामा पनि स्वतन्त्र उम्मेदवार विजयी भएका छन् तर काठमाडौँ विजयले महŒवपूर्ण र साङ्केतिक अर्थ बोकेको छ । कतिपय ठाउँमा पार्टीले आफ्नो सही मूल्याङ्कन नगरेको भन्दै स्वतन्त्र उम्मेदवारी दिएर आक्रोश पोख्ने काम भएको छ । त्यही आक्रोशमै विजयी भएकाहरू भोलि फेरि तत्तत् पार्टीमा फर्कनेछन् ।काठमाडौँ महानगर प्रमुखमा विजयी बालेन साहको अवस्था अलि फरक छ । उहाँ आजसम्म दलीय राजनीतिमा आबद्ध भएको जानकारी छैन । दलीय राजनीतिले शासन गरिरहेका बेला एउटा स्वतन्त्र व्यक्तिले जितेर के गर्न सक्ला भन्ने प्रश्न उठ्नु स्वाभाविक हो । उपप्रमुखसहित ३२ वडाका अध्यक्ष दलबाट विजयी भएकाहरू छन् । प्रमुखलाई तिनीहरूबाट सहयोग नहुने टिप्पणी हुन थालेका छन् । दलको नाममा विजयी बने पनि वडाध्यक्षहरू आम नागरिकका प्रतिनिधि हुन् । महानगरमा प्रवेश गरेपछि स्वतन्त्रको हैसियत हुन्छ, हुनुपर्छ । दलीय टोपी र चस्मा फुकाल्नैपर्छ, नगरवासीको हितका लागि । एकथरीलाई लागेको छ, बालेनले जितेपछि महानगरको कायापलट हुन्छ । यो पनि भ्रम हो, एउटा व्यक्तिले मात्र केही गर्न सक्दैन । ठूला दलको सहयोग लिनैपर्छ । अहिले हामीले चाहेजस्तो सामाजिक र राजनीतिक परिवर्तन चुनावबाट मात्र आउँदैन । यसका लागि ठूलो क्रान्ति नै चाहिन्छ । यथास्थितिलाई बल पुग्ने परिणामले परिवर्तन कसरी सम्भव हुन्छ ? चुनाव भनेको एउटाले जित्ने र अर्कालाई हराउने मात्र हो । स्थानीय तहको अघिल्लो निर्वाचनमा एमालेले बढी सिट जित्यो, यस पटक कांग्रेसले, हामीले चाहेको परिवर्तनसँग यसको तात्त्विक भिन्नता छैन । बालेन यहीबीचबाट निस्केको एउटा विम्ब मात्र हो । स्वतन्त्र रूपमा जिते पनि यहाँ दलीय आवरणले ढाकिदिने परम्परा छ । बालेन विद्यार्थी आन्दोलनमा वामपन्थी हुनुहुन्थ्यो भन्ने चर्चा भए । हो, विद्यार्थीकालमा धेरै जनाको झुकाव वामपन्थीप्रति हुन्छ । सबैथोक नबुझेको व्यक्ति भावनात्मक हुन्छ, ऊ बुझेर वामपन्थीको पछि लागेको हुँदैन । अरूको परिचालनमा हिँडेपछि स्वाभाविक रूपमा वामपन्थी हुने नै भयो, जब उसले बुझ्न थाल्छ अनि वामपन्थी झुकावबाट मुक्त हुन्छ । बालेन पनि त्यसैको प्रतिनिधि पात्र हुनुहुन्छ अहिलेका लागि, कसैबाट परिचालित भएजस्तो गुञ्जायस देखिँदैन । पूर्वतयारी, युवालाई विश्वास दिलाउन सक्ने खुबी, सामयसापेक्ष कमजोर प्रतिद्वन्द्वी, विवेकशील मतदाता तथा देशभित्र र बाहिरका युवाशक्तिको स्वतःस्फूर्त र निःस्वार्थ समर्थनले बालेनको जित भयो । जित नै सबैथोक होइन । सबैको साथ सहयोग भएन भने काम गर्न अप्ठ्यारो हुन्छ । त्यसैले बालेन राजनीतिक दाउपेचको सिकार हुने सम्भावना पनि त्यत्तिकै छ । कामको प्रकृति स्वतन्त्र भए पनि कुनै एउटा ठूलो पार्टीसँग मिल्न नसके काम गर्न अप्ठ्यारो हुन्छ । कुनै पार्टीमा प्रवेश गर्ने वा नयाँ पार्टी गठन गर्ने चुनौती बालेनसामु हुनेछ । बालेनको विभिन्न राजनीतिक दलका शीर्ष नेतृत्वसँगको भेट शुभकामना मात्र लिन नभई यसैको सङ्केत पनि हुन सक्छ । बन्चरेडाँडामा गएर स्थानीय बासिन्दासँग ‘म स्वतन्त्र हुँ, काम गर्न कसैले छेक्न सक्दैन’ भनेर बालेनले ओली शैली देखाउन थाल्नुभयो । यो शैली सबैका लागि पाच्य नहुन सक्छ किनकि आवेशमा मत दिए पनि नागरिक झुकाव कांग्रेस र एमालेप्रति नै छ । आफ्नो जित यथास्थितिलाई तोड्ने सङ्केत हो, पर्याप्त होइन भन्ने बालेनले बुझ्नुपर्छ । जसोतसो पाँचवर्षे कार्यकाल बित्ला । महानगरमा भ्रष्टाचारमा शून्य सहनशीलता कायम पनि होला तर जागिर खाने मात्र काम भयो भने त्यसको अर्थ रहँदैन । पाँचवर्षे कार्यकाल पाठ सिकेरै बिताउने अवस्था उत्पन्न हुनुहुँदैन, केपी ओलीको साढे तीनवर्षे प्रधानमन्त्रीत्वजस्तो । सरकारको नीति तथा कार्यक्रममाथिको छलफलमा ओलीले पोखेको कुण्ठाले उहाँकै शक्ति क्षयीकरण भइरहेको छ । पुष्पकमल दाहालले पनि आफ्नो अस्थिर रूप देखाउन थाल्नुभएको छ । आफूलाई कम्युनिस्ट भन्नेहरूको एकआपसको आरोप÷प्रत्यारोपले राजनीति झन् प्रदूषित हुँदै गएको छ । विगतको गल्ती कमजोरीबाट दुवै नेताले पाठ सिक्ने छाँटकाँट देखिँदैन । त्यसैले यही नीति र नेतृत्वबाट राजनीतिक संरचनामा परिवर्तन आउन सक्दैन । नेतृत्वले आफ्नो अस्तित्व कायम राख्ने, समाजमा राजनीतिक र सामाजिक परिवर्तनको आभास दिलाउने हो भने पार्टीभित्रैबाट बालेनहरूलाई फुल्न र फल्न दिनुपर्छ । के बालेनलाई टक्कर दिने हैसियतका युवा दलभित्र थिएनन् र ? पार्टीभित्र व्यक्तिकेन्द्रित राजनीति हाबी हुँदाको परिणामले स्वतन्त्र बालेनहरू जन्मायो । यो विषय कांग्रेसको हकमा झन् बढी लागू हुनेछ । यही बेला दलीय नेतृत्व विवेकहीन हुनुमा व्यवस्था दोषी कि पात्रको प्रवृत्ति भन्ने प्रश्न उठिरहेका छन् । समस्या व्यवस्थामा हो कि पात्रमा ? यो प्रश्नले उत्तर खोजिरहेको छ । व्यवस्था ठीक थियो तर पात्र गतिला भएनन् भन्ने आवाज पनि मुखरित भइरहेका छन् । व्यवस्था पनि जिम्मेवार छ । व्यवस्थामा सानो परिवर्तन गर्ने हो भने पात्रको प्रवृत्तिमा सुधार आउन सक्छ । सांसद मन्त्री हुन नपाउने भनेर एउटा मात्र नयाँ व्यवस्था थपिदिने हो भने ठूलो परिवर्तन आउँछ । जसको प्रभाव धेरैतिर पर्छ । भ्रष्टाचार कम हुँदै जान्छ । निर्वाचन सस्तो हुन्छ । व्यवस्था सहज रूपमा चल्छ, यसमाथि प्रश्न उठ्दैन अहिलेजसरी । सांसदले कानुन निर्माण मात्रै गर्ने हो भन्ने सन्देश प्रवाह भयो भने खर्च गरेरै भए पनि चुनाव जित्नैपर्छ भन्ने हुँदैन । एउटा सानो त्यान्द्रोले व्यक्तिमा सुधार ल्याउन सक्छ भने किन नगर्ने ? समाजमा सदाचारी, समाजसेवी कोही पनि छैन, सबै लोभीपापी मात्र छन् । व्यक्तिलाई लोभीपापी बनाउने काम व्यवस्थाले गरेको छ । व्यक्तिलाई सदाचारी बनाउन व्यवस्था सदाचारी हुनुप-यो । बदमासी हुन दिनु भएन । मान्छे खराब हुन्छ भनेरै राज्यको परिकल्पना गरिएको हो । मान्छे खराब हुँदैनथ्यो भने राज्य नै चाहिने थिएन । हामीले अपनाउँदै आएको संसदीय व्यवस्था बेलायती नमुना हो । जर्मनीमा पनि यस्तै व्यवस्था छ । बेलायत र जर्मनीमा यो व्यवस्था सफल हुने नेपालमा मात्र किन भएन त भन्ने प्रश्न उठ्ने गर्छ÷उठाउने गरिन्छ । नेपालमा व्यक्तिमै समस्या भएकाले यो व्यवस्था उपयोगी हुन नसकेको तर्क पनि गरिन्छ । त्यो व्यवस्थाले विकास हुन्छ भनियो । कसैको व्यवस्था कपी गरेर मात्र सफल हुने होइन रहेछ, पात्रको प्रवृत्ति पनि मिल्नुपर्छ । बेलायत र जर्मनीको ऐतिहासिक सन्दर्भ, राजनीतिक संस्कार, धार्मिक अवस्था, सामाजिक तथा सांस्कृतिक मूल्यमान्यता र अन्तर्राष्ट्रिय परिवेशले त्यहाँको चरित्र निर्माण भएको छ । हाम्रो चरित्र उनीहरूसँग मेल खाँदैन । हावापानी र माटो हेरेर बिरुवा लगाउने हो तर यहाँ त्यो खालको परिवेश तय गर्नै सकिएन । व्यक्तिमा सुधार ल्याउन नसकिएपछि व्यवस्थामा सुधार खोजिएको हो । राजनीतिक पात्रमा सुधार ल्याउन नसक्नुको परिणाम हो बालेनको उपस्थिति । निर्वाचन लोकतन्त्र परिस्कृत गरी संस्कृति निर्माण गर्ने महत्त्वपूर्ण अवसर भए पनि म र मेरो भन्ने भावनाले प्रश्रय पायो । म र मेरोबाट उठ्ने दलीय चरित्र निर्माण हुनै सकेन । यो कम्युनिस्ट पार्टीभित्र मात्रै होइन लोकतान्त्रिक पार्टी भनिने कांग्रेसभित्र पनि झाँगिदो छ । यसबाट बाहिर निस्कन नसक्ने हो भने अबको निर्वाचनमा थुप्रै बालेनहरू जन्मिनेछन् । त्यसअघि पार्टीहरूले आफूभित्रका बालेनहरू चिन्ने कोसिस गरून् । पार्टीभित्रका नयाँ बालेनले सगरमाथा र बुद्ध जन्मेको देशका रूपमा मात्र नभई संस्कारको राजनीति, कूटनीति र अर्थनीतिले विश्वमा नेपाललाई चिनाउने वातावरण निर्माणको ढोका खुलाउनेछन् । अनि मात्र व्यावहारिक रूपमै स्वाधीनताको परिचय स्थापित भई नक्कली राष्ट्रवाद पराजित हुनेछ ।
अनाथ तथा ज्येष्ठ नागरिकको सहयोगका लागि महायज्ञ
गोरखापत्र अनलाइन काठमाडौं, जेठ २१ गते। नेपाली काँग्रेसका उपसभापति एवम् पूर्वगृहमन्त्री पूर्णबहादुर खड्काले स्वर्णिम श्रीमद्भागवत भक्ति सत्संग महायज्ञको शनिबार शुभारम्भ गर्नुभयो। काठमाडौँको बूढानीलकण्ठ नगरपालिका वडा नम्बर ७ स्थित गल्फुटारमा आयोजित महायज्ञ नौ दिनसम्म सञ्चालन हुनेछ। आयोजक रिमा सेवा समाजका अध्यक्ष रिमा सापकोटाका अनुसार, अनाथ तथा ज्येष्ठ नागरिकको कल्याणका लागि महायज्ञ लगाइएको हो। हाल ज्येष्ठ नागरिक तथा अनाथलाई भाडाको घरमा राखिएको छ। महायज्ञबाट प्राप्त दान तथा उपहार पनि उहाँहरूकै हितमा खर्च गरिने जानकारी अध्यक्ष सापकोटाले दिनुभयो। समाजले सञ्चालन गरेको आश्रममा अहिले ५७ जना आश्रित छन्।
त्रिमूर्ति दिवसमा ६३ जनालाई पुरस्कार र पदक
प्रा.डा. वासुदेव त्रिपाठीले शनिबार राजधानीमा विभिन्न महानुभावलाई त्रिमूर्ति निकेतनका विविध विधाका पुरस्कार प्रदान गर्नुभएको छ।
महेन्द्रको शालिक राख्ने विषयमा झापामा तनाव
विष्णुप्रसाद पोखरेलदमक, जेठ २१ गते। झापाको भद्रपुर नगरपालिकास्थित चन्द्रगढीमा रहेको पुरानो महेन्द्र पार्कलाई सौन्दर्यकरण गरेर राजा महेन्द्र शाहको शालिक पुनस्र्थापना गर्न आएको समूहलाई प्रशासनले बल प्रयोग गरेर फिर्ता पठाएको छ। शनिबार शालिक पुर्नस्थापनाको घोषणा भएपछि बिहानैदेखि यहाँ सुरक्षाकर्मी परिचालन गरेर प्रशासनले यो कार्यलाई रोक लगाउन बल प्रयोग गर्ने तयारी गरेको थियो। सशस्त्र र जनपथ प्रहरीले पार्कलाई घेरा हालेका थिए।स्वतस्फूर्त रुपमा समिति बनाएर पार्कमा पूर्वराजा महेन्द्र शाहको शालिक पुर्नस्थापनाको प्रयास भएको थियो। लोकतान्त्रिक आन्दोलनको क्रममा त्यहाँ रहेको शालिक तत्कालीन अवस्थामा माओवादीका कार्यकर्ताले तोडफोड गरेर ढालेका थिए।शालिक पुर्नस्थापनाको समितिका संयोजक सञ्जीव मैनालीसहितको टोलीलाई प्रहरीले पार्क प्रवेशद्वारमा रोकेपछि पार्कस्थलमा दुई घटनासम्म तनाव भएको हो। जिल्ला प्रहरी कार्यालय झापाका प्रवक्ता एवं प्रहरी नायब उपरीक्षक वसन्त पाठकका अनुसार सामान्य बल प्रयोग गरिएको हो।भद्रपुर नगरपालिकाको स्वामित्वमा रहेको महेन्द्र पार्कमा शालिक पुर्नस्थापनाको तयारी भएपछि यसलाई रोक्नका लागि नगरपालिकाले प्रशासनलाई आग्रह गरेको थियो। बुधबार प्रशासनमा भएको छलफलमा शालिक राख्नका लागि नदिने निर्णय भएपछि शनिबार बिहानैदेखि यसलाई रोक्न प्रहरी परिचालन भएको हो।समितिका संयोजक मैनालीले पार्कभित्र जसरी पनि पूर्वराजाको शालिक राखेरै छाडने बताउदै प्रशासनले यसमा हस्तक्षेप गर्नु नहुने बताउनुभयो। १६ वर्षसम्म पार्कको अवस्था दयनीय रहँदा कसैले नहेरेका कारण आफूहरुले यसको संरक्षणमा स्वतस्फूर्त रुपमा चासो दिएको पनि उहाँको भनाइ छ।नगरपालिकाबाट स्वीकृति नलिई सार्वजनिकस्थल र पार्कमा अनाधिकृत रुपमा संरचना निर्माण, रंगरोकन, शालिक निर्माण, अतिक्रमण जस्ता कार्य हुन नदिने निर्णय भएकाले यो रोक्नका लागि आफूहरुले प्रशासनसँग माग गरेको भद्रपुर नगरपालिकाका एक जनप्रतिनिधिले बताउनुभयो।
अटो चालकको मृत्यु भएपछि पृथ्वी राजमार्ग अवरुद्ध
धादिङको थाक्रे गाउँपालिका-१ सिम्लेमा ट्रकले अटोलाई ठक्कर दिँदा शनिबार अटो चालकको मृत्यु भएको छ।
वार्षिकोत्सवमा विभिन्न व्यक्तित्व पुरस्कृत
कैलाली जनपुस्तकालयले आफ्नो ६५ औं वार्षिकोत्सवको अवसर पारेर विभिन्न व्यक्तित्वलाई पुरस्कृत तथा सम्मानित गरेको छ । जनपुस्तकालयले शनिबार कार्यक्रमगरी उहाँहरुलाई सम्मानित तथा पुरस्कृत गरेको हो ।
राजेन्द्र सुवेदी युग पुरुष हुनुहुन्थ्यो : प्रा.डा. त्रिपाठी
प्रा.डा. वासुदेव त्रिपाठीले प्राध्यापक राजेन्द्र सुवेदी नेपाली साहित्यको युग पुरुष भएको सम्झना गर्नुभएको छ।
विना कर फनपार्क सञ्चालन
झापाको कनकाई नगरपालिका– ३ र २ को सिमानामा सञ्चालित हेप्पी लेण्ड फनपार्कले कनकाई नगरपालिकालाई बर्षौदेखि कर नतिरी सञ्चालनमा आएको पाइएको छ ।
जातीय विभेद हट्न सकेको छैन : दलित अगुवा
छुवाछूत मुक्त राष्ट्र घोषणा गरेको १६ वर्ष पूरा भएपनि समाजमा अझैं जातीय विभेद हट्न सकेको छैन । दलित समुदायले पशुपालनबाट उत्पादन गरेको घिउ चले पनि दूघ चल्न सकेको छैन ।
-original-thumb.jpg)
स्थानीय तहले जनताको सुख, दुःखमा साथ दिनुपर्छ : मुख्यमन्त्री केसी
नारद कोहारतौलिहवा, जेठ २१ गते। लुम्बिनी प्रदेशका मुख्यमन्त्री कुलप्रसाद केसीले जनताको सबैभन्दा तल्लो तहको सरकार स्थानीय तह भएकाले जनताको सुख, दुःखमा साथ दिनु पर्ने बताउनुभएको छ। कपिलवस्तुको चन्द्रौटामा लुम्बिनी प्रदेश सरकारले आयोजना गरेको लुम्बिनी प्रदेशका १०९ स्थानीय तहका जनप्रतिनिधिलाई बधाई तथा शुभकामना एवं शासन सञ्चालन सम्बन्धी अन्तरक्रिया कार्यक्रममा बोल्नुहुँदै उहाँले यस्तो बताउनुभएको हो। ‘समृद्ध प्रदेश, आत्मनिर्भर लुम्बिनी’ बनाउन लुम्बिनी प्रदेश सरकार लागि परेको मुख्यमन्त्री केसीले बताउनुभयो। उहाँले प्रदेशका सबै स्थानीय तहलाई समन्वय गरेर लुम्बिनी प्रदेशका जनताको जीवनस्तरलाई परिवर्तन गर्नका लागि अनुरोध गर्नुभयो। आम जनतालाई सेवा प्रवाह गर्नका लागि जनताको मागका आधारमा काम गर्नुपर्ने उहाँले बताउनुभयो।समृद्ध लुम्बिनी निर्माणका लागि लुम्बिनी प्रदेश भित्रका स्थानीय तहका जनप्रतिनिधिले लाग्नु पर्ने लुम्बिनी प्रदेश प्रमुख अमिक शेरचनले बताउनुभयो। संविधानको पूर्ण पालना गर्दै जनताको सेवा गर्नु सबै स्थानीय तहका जनप्रतिनिधिको दायित्व भएको उहाँले बताउनुभयो। कार्यक्रममा लुम्बिनी प्रदेश सभाका सभामुख पूर्णबहादुर घर्ती, भौतिक पूर्वधार विकासमन्त्री सहसराम यादव, संघीयता विज्ञ खिमलाल देवकोटालगायत स्थानीय तहका प्रमुख र उपप्रमुखको सहभागिता थियो। कार्यक्रममा मुख्यमन्त्री तथा मन्त्रिपरिषद् कार्यालय लुम्बिनी प्रदेशको आयोजनामा भएको हो।
कलाकार शाहलाई थुनामै राख्न आदेश
नाबालिकाको यौन शोषण गरेको अभियोगमा तनहुँ कारागारमा पूर्पपक्षको लागि थुनामा रहनुभएका नायक पूर्णविक्रम शाहलाई उच्च अदालत पोखराले पनि थुनामै राख्न आदेश दिएको छ । शाहलाई पुर्पक्षका लागि थुनामा पठाउने तनहुँ र पुर्वी नवलपरासी जिल्ला अदालतको आदेशलाई उच्च अदालत पोखराले सदर गर्दै थुनामा राख्न आदेश दिएको हो ।
कला र मनोरञ्जन क्षेत्रमा ‘ब्लाइन्ड रक्स’
काठमाडौं जेठ २१ गते। कला मनोरन्जनको साधन मात्र होइन समाजिक रुपान्तरणको सशक्त माध्यम पनि हो भन्ने सन्देशसहित ब्लाइन्ड रक्स नामक संस्थाले आठऔं वार्षिकउत्सव मनाएको छ। माइती नेपालका संस्थापक तथा समाजसेवी अनुराधा कोइरालाको प्रमुख आतिथ्यमा ब्लाइन्ड रक्सले गरेको कार्यक्रममा दृष्टिविहीन संगीतकार रमेश सुवेदीलाई सृष्टि उपमा प्रतिभा पुरस्कार प्रदान गरिएको थियो छ। संस्थामा उत्कृष्ट काम गरेवापत संस्थाका सचिव नारायणी दवाडीलाई पुरस्कृत हुनुभएको छ। कार्यक्रममा दृष्टिविहीन तथा अपांगता भएका व्यक्तिलाई प्रत्यक्ष अप्रत्यक्ष रुपमा सघाउनुहुने पर्यटन व्यवसायी तथा समाजसेवी कालिका न्यौपाने, बैंकर्स टे«निङ्ग एसोसियसनका प्रमुख कार्यकारी अधिकृत कुमार जोशी लगायतका व्यक्तित्वलाई सम्मान गरिएको थियो। वार्षिक उत्सव कार्यक्रमलाई सम्बोधन गर्दै समाजसेवी अनुराधा कोइरालाले नेपाली कला र संस्कृति संरक्षणका लागि ब्लाइन्ड रक्ससँगको सहकार्यमा काम गर्न आफू तत्पर रहेको बताउनुभयो। यसैगरी उहाँले हाम्रो नेपाली मौलिकताको जगेर्ना गर्न आफ्नै भाषा संस्कारको विकास गर्न जरुरी रहेको बताउनुभयो। यसैगरी संस्थाका अध्यक्ष सृष्टि केसीले व्लाइन्डरक्सले कलासँग जोडेर विभिन्न कार्यक्रम गरिरहेको जानकारी दिनुभयो। कार्यक्रममा कला मनोरन्जनको साधनमात्र नभएर परिवर्तनको सशक्त माध्यम हो भन्ने विषयमा नायिक संचिता लुइटेल, कलाकार तथा ललितकला पत्रकार समाजका अध्यक्ष केशवराज खनाल, संगीतकार डाक्टर लोचन रिजालले ब्लाइन्ड रक्सका अध्यक्ष सृष्टि केसीका प्रश्नको जवाफ दिनुभयो।
माछा मार्ने क्रममा डुबेर एक जनाको मृत्यु
गुल्मीमा माछा मार्ने क्रममा डुबेर एक जनाको मृत्यु भएको छ । शनिवार दिउँसो छल्दी खोलमा माछा मार्न गएका इश्मा गाउँपालिका २ का ४१ वर्षीय झबिलाल कुमालको डुवेर मृत्यु भएको जिल्ला प्रहरी कार्यालय गुल्मीका प्रहरी नायव उपरीक्षक माधब खरेलले जानकारी दिनुभयो ।
जिसस अछाममा कांग्रेस उम्मेदवार विजयी
जिल्ला समन्वय समिति अछामको प्रमुखमा नेपाली कांग्रेसका उम्मेदवार ललितबहादुर कुँवर विजयी हुनुभएको छ । शनिबार सम्पन्न मतदानमा कुँवरले १२ मत प्राप्त गरेर विजयी हुनुभएको निर्वाचनमा सहभागी अदालत अछामका नायब सुब्बा कमल ढुंगानाले जानकारी दिनुभयो ।
खुम्बु क्षेत्रमा पर्यटकको चहलपहल न्यून
केही समय अघिसम्म पर्यटकले खचाखच भरिने सोलुखुम्बुको खुम्बुक्षेत्र अहिले सुनसान बनेको छ । पर्यटकीय ‘सिजन’ मा भरिभराउ विमानस्थल, होटल, लज, क्याम्पिङ साइट, चौतारा, बाटोघाटो तथा दृश्यावलोकन गर्ने स्थलहरु ‘सिजन’ सकिएसँगै सुनसान बनेका हुन् ।
