दर्शक बनेको इटाली
यस पटक पनि केही यस्ता टिम छन् जसमा क्षमता, समर्थक, विश्वस्तरीय खेलाडी सबैथोक हुँदाहुँदै पनि मन कुँड्याउन बाध्य छन्। विश्वकप खेल्ने अपेक्षा गरिएका तर छनोट हुन नसकेका टिम यस प्रकार छन् :
लेवान्डोस्की पेनाल्टीमा चुक्दा पोल्यान्ड मेक्सिकोसँग बराबरीमा रोकियो
पोल्यान्डका अनुभवी ट्राईकर रोबर्ट लेवान्डोस्की पेनाल्टीमा चुक्दा पोल्यान्डले विश्वकप फुटबलको पहिलो खेलमा मेक्सिकोसंग अङ्क बाँडेको छ ।
साबिक विजेता फ्रान्सको सानदार जित
साबिक विजेता फ्रान्सले कतारमा जारी फिफा विश्वकप फुटबलमा विजयी सुरुवात गरेको छ । समूह ‘डी’ अन्तर्गत अल जानोब रङ्गशालामा मंगलबार राति भएको खेलमा फ्रान्सले अष्ट्रेलियालाई ४-१ गोलले हरायो ।
स्पेनलाई पहिलो खेलको डर
विश्वकपमा सबभन्दा बढी पहिलो खेलमा हार बेहोर्ने टिम हो स्पेन। स्पेनले विश्वकपमा सात पटक पहिलो खेलमा हारेको इतिहास छ। त्यसैले समूह ईअन्तर्गत कोस्टारिकाविरुद्ध खेल्दा स्पेनलाई सो इतिहासले पक्कै झकझकाउनेछ। सन् २००८ देखि सन् २०१२ को अन्तरालमा दुई पटक युरोपियन र एक पटक विश्व च्याम्पियन बनेको स्पेनले त्यसपछि विश्वकपको फाइनलमा स्थान बनाउन सकेको छैन। तर यस पटक स्पेनको टिम फरक छ। सर्जियो रामोस, जेरार्ड पिक, एन्द्रियज इनिएस्टा, डेभिड सिल्भा होइन पेड्री गोन्जालेज, गाभी पाइज र निको विलियम्सनजस्ता युवा खेलाडीले स्पेनका दाबेदारी कायम राख्नुहुनेछ। सो टिममा १९ वर्षीय खेलाडीद्वय येरेमी पिनो र आन्सु फाटी पनि रहनुभको छ।
क्यानडाले बेल्जियमविरुद्ध विश्वासका साथ खेल्ने
विश्वकप उपाधि दाबेदारमा छुटाउन नहुने अर्को टिम हो बेल्जियम। बेल्जियम पछिल्लो संस्करणमा सेमिफाइनलमा पुगेको थियो भने फिफा वरीयतामा दोस्रो स्थानमा रहेको छ। बेल्जियमको यस टिमलाई सुनौलो पुस्ता पनि भनिन्छ। जसमा केभिन डी ब्रुयन, इडेन हजार्ड र रोमेलु लुकाकुजस्ता खेलाडी हुनुहुन्छ। कागजमा बेल्जियमको टिम निकै सशक्त छ। तर पछिलो संस्करण र युरो २०२२ को प्रदर्शन हेर्दा बेल्जियमका यो सुनौलो पुस्ता प्रमुख प्रतियोगितामा अपेक्षामा खरो उत्रन सकेको छैन। त्यसैले समूह एफमा क्यानडाले बुधबार बेल्जियमविरुद्ध खेल्दा आशा होइन, जितको विश्वाससहित खेल्ने भनाइ मिडफिल्डर जोनाथन ओसोरियोले राख्नुभएको छ।
विश्वकपमा सफल टिम जर्मनी
हाल केही कमजोर प्रदर्शन भए पनि विश्व फुटबलमा सर्वाधिक सफल टिममध्ये एक जर्मनीलाई विश्वकप उपाधि दाबेदारीको सूचीबाट झिकिएको छैन। जर्मनी चार पटक विश्वकप जितेको टिम हो। यद्यपि हालको प्रदर्शन हेर्ने हो भने जर्मनीले छमध्ये एक खेल मात्र जितेको छ ।
डेनमार्क र ट्युनिसियाको बराबरी
डेनमार्क र ट्युनिसियाले कतारमा जारी विश्वकप फुटबलमा बराबरी खेल्दै अंक बाँडेका छन् ।
अर्जेन्टिना साउदी अरबसँग स्तब्ध
उपाधि दावेदार अर्जेन्टिना कतारमा जारी विश्वकप २०२२ अन्तर्गत समूह ‘सी’ को पहिलो खेलमा एसियाली देश साउदी अरबसँग पराजित भएको छ । लुसेल आइकोनिक स्टेडियममा मंगलबार साँझ भएको खेलमा अर्जेन्टिना साउदी अरबसँग २–१ गोलले स्तब्ध भयो ।
पहिलो हाफमा अर्जेन्टिना १–० गोलले अगाडि
कतारमा जारी विश्वकप २०२२ अन्तर्गत समूह ‘सी’ को खेलमा अर्जेन्टिनाले पहिलो हाफमा साउदी अरबविरुद्ध १–० गोलको अग्रता लिएको छ । लुसेल आइकोनिक स्टेडियममा भएको खेलमा अर्जेन्टिनाका लागि कप्तान लियोनल मेस्सीले गोल गर्नुभयो ।
रोकिएका हस्ती
विश्वका उत्कृष्ट फुटबल खेलाडीले आफ्नो प्रतिभा देखाउने सबभन्दा ठूलो मञ्च हो विश्वकप फुटबल तर हरेक संस्करणमा कोही न कोही विश्व चर्चित फुटबलरको अनुपस्थिति रहने गर्दछ। प्रत्येक संस्करणमा चोटले अथवा आफ्नो टिम छनोट नहुँदा विश्वका उत्कृष्ट खेलाडी दर्शक मात्रै बन्न बाध्य हुन्छन्। अल्फ्रेडो डि स्टेफानो, जर्ज बेस्ट, जर्ज वेह, इरिक क्यान्टोनाजस्ता लिजेन्ड फुटबलरले विश्वकपमा खेल्ने अवसर नै पाएका थिएनन्। यसपालि पनि केही ठूला नाम छन्, जो विश्वकपमा देखिने छैनन्।
कतार विश्वकपका रङ्गशाला
कतार विश्वकपका खेलहरू आठवटा रङ्गशालामा खेलिने छ। आठै रङ्गशालाका आ–आफ्ना विशेषता रहेका छन्। यी रङ्गशालाको बनावटले कतारको भौगोलिक, सांस्कृतिक र ऐतिहासिक महत्त्व बोकेको देखिन्छ। पहिलो पटक खाडी क्षेत्रमा हुन लागेको विश्वकपलाई निकै महत्त्वका साथ हेरेको कतारले रङ्गशाला निर्माणमा कुनै कमी बाँकी राखेको छैन। सबै रङ्गशाला वातानुकूलित छन्।
अमेरिका र वेल्सको बराबरी
कतारमा जारी फिफा विश्वकप २०२२ अन्तर्गत समूह ‘बी’ को खेलमा वेल्सले अमेरिकाले बराबरी खेल्दै अङ्क बाँडेका छन् ।
नेदरल्यान्ड्सको सुखद सुरुवात
नेदरल्यान्ड्सले कतार विश्वकप २०२२ मा सुखद सुरुवात गरेको छ । अल थुममा रङ्गशाला सोमबार राति भएको समूह ‘ए’ अन्तर्गत पहिलो खेलमा नेदरल्यान्ड्सले सेनेगललाई २-० गोलले हरायो ।
स्पेनका काराभाल बिरामी
स्पेनका डिफेन्डर डानी काराभाल सोमबार बिरामी परेपछि विश्वकपअन्तर्गत बुधबार कोस्टारिकाविरुद्ध खेलमा सहभागी हुनेमा शङ्का उत्पन्न भएको छ। उहाँले सोमबार अभ्यासमा पनि भाग लिनुभएन। राइट ब्याक काराभालको यो पहिलो विश्वकप हो।
अर्जेन्टिनाका लागि साउदी अरब सहज विपक्षी !
यसपालि ब्राजिलसँगै अर्जेन्टिनालाई पनि प्रमुख उपाधि दाबेदारका रूपमा लिइएको छ। फुटबलर डिएगो म्याराडोनापछि अर्जेन्टिनाले विश्वकप उपाधि जितेको छैन। म्याराडोनाको निधनपछि अर्जेन्टिनाको यो पहिले विश्वकप पनि हो। अर्जेन्टिनाले यसपालि विश्वकप जितेमा म्याराडोनाप्रति हकलाग्दो श्रद्धाञ्जलि हुनेछ। लियोनेल स्कालोनीको प्रशिक्षकत्व र लियोनेल मेसीको कप्तानमा अर्जेन्टिनाको लय पनि गजबको छ। अर्जेन्टिना पछिल्ला ३५ खेलमा अपराजित छ। यसबीच अर्जेन्टिनाले कोपा अमेरिकाको उपाधि पनि जितेको थियो। त्यसैले पनि विश्वकप उपाधि दाबेदारको सूचीमा अर्जेन्टिनाको नाम सबैभन्दा माथि छ।
मानव अधिकार हननको विषय
युरोपका सात देशका कप्तानले मानव अधिकार हनन र समलिङ्गीप्रतिको घृणा विषयमा कतारको विरोध गर्दै विश्वकपमा खेल्दा पाखुरामा ‘आर्मब्यान्ड’ लगाउने घोषणा गरेका थिए ।
गत विजेता फ्रान्सलाई अस्ट्रेलियाको चुनौती
विश्वकप फुटबलको उपाधि रक्षा अभियानमा रहेको टिममा त्यसै पनि सबैको नजर हुन्छ। यस पटक फ्रान्स उपाधि रक्षा अभियानमा रहनेछ तर तितो सत्य के हो भने सन् १९६२ मा ब्राजिलपछि कुनै देशले लगातार विश्वकप जितेको छैन। यसबाट पनि थाहा पाइन्छ विश्वकप च्याम्पियन बन्न कति कठिन छ। अझ प्रेरणादायी स्ट्राइकर करिम बेन्जामा, क्रिस्टोफर कुन्कु तथा मिडफिल्डरहरू पल पोग्बा र एन्गोलो कान्टे चोटका कारण टिममा नहुँदा फ्रान्सको चिन्ता बढेको छ। चार वर्षअघि विश्वकप ट्रफी जितको यात्रामा फ्रान्स निकै प्रभावशाली थियो। पोग्बा र कान्टे दुवै पछिल्लो संस्करणमा उपाधि जित्दा मिडफिल्डमा प्रमुख खेलाडीद्वय थिए। यसैगरी बेन्जामा गत महिना विश्वका सर्वश्रेष्ठ फुटबलर घोषित भएर बालन डि ओर विजेता हुनुहुन्छ। क्रिस्टोफरले सन् २०२२ मा आफ्नो टिम लेप्जिगका लागि ३७ गोल र ११ एसिस्ट गर्नुभएको थियो।
इरानमाथि इङ्ग्ल्यान्डको आधा दर्जन गोल
इङ्ग्ल्यान्डले कतारमा जारी फिफा विश्वकप फुटबलमा विजयी सुरुवात गरेको छ । समूह ‘बी’ अन्तर्गत सोमबार साँझ भएको खेलमा इङ्ग्ल्यान्डले एसियाली देश इरानमाथि ६-२ गोलको सानदार जित निकाल्यो ।
कतार विश्वकपलाई स्वर्णिम बनाउने रोनाल्डोको चाहना
पाँचौं पटक विश्वकप फुटबलमा सहभागिता जनाउन लाग्नुभएको पोर्चुगलका कप्तान क्रिस्टियानो रोनाल्डोले यस विश्वकपलाई स्वर्णिम बनाउन चाहेको बताउनुभएको छ ।
इङ्ग्ल्यान्डलाई एसियाली देश इरानको चुनौती
कतार विश्वकप अन्तर्गत आज (सामेबार) समूह ‘बी’ को दुई खेल हुँदैछ । साँझ ६ः४५ बजे हुने खेलमा युरोपको वलियो टोली इङ्ग्ल्यान्डले एसियाली देश इरानसँग प्रतिस्पर्धा गर्दैछ । विश्वकपको अनुभवी टोली इङ्ग्ल्यान्ड विश्वकपमा दोस्रो पटक एसियाली देशको सामना गर्दैछ ।
कतार विश्वकपका तथ्य
अमेरिका, दक्षिण कोरिया, जापान र अस्ट्रेलियालाई सन् २०१० मा पछाडि पारेर कतारद्वारा आयोजना अधिकार प्राप्त। यस प्रतियोगिताको पहिलो खेल सुरुमा हल्यान्ड र सेनेगलबीच हुने तय थियो तर पछि आयोजकबाटै सुरु गर्ने भएपछि कतार र इक्वेडरबीच उद्घाटन खेल हुने भएको छ। चार वर्ष पहिले विश्वकप आयोजना गरेको रुस युक्रेनमाथि हमला गरिरहेका कारण यसपालि विश्वकपमा प्रतिबन्धित छ। विश्वकपमा पहिलो पटक महिला रेफ्री।
विश्वकप विजेताले कति पाउनेछ ?
फिफाले कतार विश्वकपका लागि पुरस्कार, प्रोत्साहन र अन्य विषयमा खर्च गर्ने रकम सार्वजनिक गरिसकेको छ। यस पटक कुल राशिमा २९ प्रतिशतले वृद्धि गरी फिफाले एक अर्ब अमेरिकी डलर पु-याएको छ। विश्वकपमा सहभागी ३२ टिमले प्राप्त गर्ने स्थानका आधारमा ४४ करोड डलर वितरण गरिने छ भने बाँकी रहेको ६६ करोड डलर फुटबल कम विकसित भएका राष्ट्रिय सङ्घहरू, क्लबहरूको हित तथा क्लबको बीमा र खेलाडी सुरक्षा योजनामा फिफाले खर्च गर्ने छ । यस हिसाबले वास्तविक पुरस्कार रकम ४४ करोड डलर मात्र हो, जुन सन् २०१८ को दाँजोमा चार करोड डलर बढी छ।
विश्वकप २०२२ समूह विश्लेषण
कतारमा आयोजक र इक्वेडरबीचको खेलसँगै विश्वकप सुरु हुनुपहिले नै यसपालिको विजेताको अड्कल गर्न सुरु भइसकेको छ। टिमहरूको समूह विभाजन, विगतका विजेता, हालैका प्रदर्शन तथा समर्थनका दृष्टिबाट सम्भावित विजेताको सूचीमा पुरानै अनुहारको बाहुल्यता देखिन्छ। कतारमा नितान्त नौलो परिस्थिति, फरक मौसम र स्थानले टिमहरूको प्रदर्शनमा कत्तिको फरक पार्ने हो त्यो हेर्न बाँकी छ तर समूह विभाजन र हालसालैका प्रदर्शनका आधारमा केही टिमलाई सम्भावित विजेताका रूपमा विश्लेषण गर्न सकिन्छ। टिमहरूको समूह विभाजन भइसकेको छ र खेल तालिका समेत सार्वजनिक भएको छ। गत अप्रिलमा प्रतियोगिताको ‘ड्र’ निकालिएपछि ब्राजिललाई मुख्य दाबेदार मानेर हेरियो। अर्जेन्टिना लगातार ३५ खेलमा अपराजित रहेपछि उसलाई पनि कमजोर मानिएको छैन। फ्रान्स, इङ्ग्ल्यान्डमाथि दाउ लगाउनेको पनि कमी छैन।
दुई उद्देश्यसहित सेनेगलविरुद्ध खेल्दै नेदरल्यान्ड्स
विश्वकप २०२२ अन्तर्गत आफ्नो पहिलो खेलमा नेदरल्यान्ड्सले सोमबार सेनेगलसँग खेल्दा विश्वलाई दुई कुरा देखाउने प्रयास गर्नेछ। पहिलो सेनेगलविरुद्ध जित हात पारी आफू पनि ब्राजिल, अर्जेन्टिना र गत विजेता फ्रान्ससरह उपाधि दावेदार हो अनि पछिल्लो विश्वकपमा चयन हुन नसके पनि यस पटक युरोपको शीर्ष टिमका रूपमा कतार आएको हो भन्ने। पहिलो खेलअघि नेदरल्यान्ड्सका प्रशिक्षक लुइस भान गाल भन्नुहुन्छ, “हामीसमक्ष विश्व च्याम्पियन बन्ने ठूलो अवसर छ। यस्तो दाबी गर्न प्रशिक्षकहरू डराउँछन् तर म दाबी गर्न सक्छु,” उहाँ भन्नुहुन्छ।
इक्वेडरको सुखद सुरुवात
इक्वेडरले फिफा विश्वकप फटबलमा सुखद सुरुवात गरेको छ । कतारको अल बायट स्टेडियममा आइतबार राति भएको उद्घाटन खेलमा इक्वेडरले आयोजक कतारलाई २-० गोलले हरायो ।
