माग पूरा नहुन्जेलसम्म धर्ना जारी राख्छौँ : मिटरब्याज पीडित
तराईका विभिन्न जिल्लाबाट आइ आन्दोलनमा उत्रिएका मिटरब्याज पीडितले आफ्नो धर्ना कार्यक्रम जारी राखेका छन् ।
सप्तरी कारागारको अतिक्रमित जग्गा खाली गराउने निर्णय
सरकारी कार्यालयको नाममा रहेको जग्गा षड्यन्त्र पूर्वक अतिक्रमण हुनु खतरनाक भएको प्रमुख जिल्ला अधिकारी भुपेन्द्र थापाले बताउनुभयो।
मेलामा मनपरी मूल्य, उपभोक्ता निराश
सप्तरीको प्रसिद्ध मन्दिर शम्भुनाथमा लाग्ने एक महिने मेलामा पार्किङ्गदेखि मेलाका पसलमा बिक्री गरिने सामग्रीमा चर्को मूल्य लिने गरिएको स्थानीय उपभोक्ताको भनाइ छ । अफिसरदेखि सर्वसाधारण र युवा युवतीदेखि वृद्धसम्मको घुइँचो लाग्ने शम्भुनाथ मेलामा शनिवार अत्यधिक भीड लाग्नेगर्छ ।
अध्यक्ष र निर्देशक नहुँदा कामकाज ठप्प
राजविराजस्थित रामराजाप्रसाद सिंह स्वास्थ्य विज्ञान प्रतिष्ठान पूर्वाधार तयारी विकास समितिमा अध्यक्ष र निर्देशक नहुँदा साढे छ महिनादेखि पूर्वाधार निर्माणसम्बन्धी सम्पूर्ण कामकाज प्रभावित भएको छ। समितिका अध्यक्ष र निर्देशक नहुँदा पूर्वाधार निर्माणका लागि डीपीआर सम्झौता गर्न र प्राविधिक प्रतिवेदन प्राप्त भइसक्दा अगाडि बढाउन नसकेको प्रतिष्ठान पूर्वाधार तयारी विकास समिति कार्यालयका लेखापाल उमेशकुमार यादवले बताउनुभयो। उहाँका अनुसार समितिका अध्यक्ष र निर्देशक नहुँदा ठेक्कासम्बन्धी प्रक्रिया र ऐन, कानुनको विधेयक स्वास्थ्य मन्त्रालयबाट कानुन, न्याय तथा संसदीय मन्त्रालयमा थन्किएका कारण एमबीबीएस, नर्सिङ (स्टाफ नर्स)लगायतका पढाइको बाटोसमेत अवरुद्ध छ।
राजदेवीमा भक्तजनको भीड
लहान नगरपालिका–१५, ढोडनास्थित पञ्चावती राजदेवी मन्दिरमा यस वर्ष बढी भक्तजन आउने अनुमान गरिएको छ। राजदेवी मन्दिर चण्डीपूर्णिमाको दिन गढीमाईपछि बलि प्रदान हुने दोस्रो धार्मिक पर्यटकीय स्थलका रूपमा रहेको छ। धार्मिक पर्यटकीय क्षेत्रका रूपमा सूचीकृत सलहेश क्षेत्रअन्तर्गतको राजदेवी मन्दिरमा चण्डीपूर्णिमाको दिन वर्षमा एक पटक ठूलो मेला लाग्ने गर्दछ। यस वर्ष वैशाख २२ गते शुक्रबार मन्दिरको परिसरमा बलि प्रदान र दर्शनका लागि आउने भक्तजनको सङ्ख्या उल्लेखनीय रूपमा बढ्ने अनुमान रहेको मन्दिर संरक्षण समितिका सचिव वीरेन्द्रकुमार चौधरीले जानकारी दिनुभयो। उहाँले भन्नुभयो, “यस वर्ष १० लाख भक्तजन आउने अनुमान गरेर नौवटा उपसमिति गठन गरी व्यवस्थापनमा जुटेका छौँ।”
अपहरित नाबालकको सकुशल उद्धार
सुनसरी भोक्राहा नरसिंह गाउँपालिका ७ का एक बालकको अपहरण भएको तीन दिनपछि उद्धार गरिएको छ ।
माग घटेपछि भन्सारमै थन्किए एक हजार बढी सवारी साधन
आयातकर्ताले जाँचपास गराएर नलगेपछि एक हजारभन्दा बढी सवारी साधन वीरगञ्जस्थित एकीकृत सुरक्षा जाँच चौकीमा थन्किएका छन् ।
पत्रकारिता यथार्थपरक हुनुपर्छ : मुख्यमन्त्री
मधेश प्रदेशका मुख्यमन्त्री सरोजकुमार यादवले पत्रकारिता निष्पक्ष, विश्वसनीय र यथार्थपरक हुनुपर्ने बताउनुभएको छ । विश्व प्रेस स्वतन्त्रता दिवसको अवसर पारेर बुधबार नेपाल पत्रकार महासङ्घ मधेश प्रदेश समितिको आयोजनामा रौतहटको चन्द्रपुर नगरपालिकामा सञ्चालित मधेश प्रदेश सञ्चार सम्मेलनमा उहाँले यस्तो बताउनुभएको हो ।
-original-thumb.jpg)
मिटरब्याजविरुद्धको उजुरी लिइने
अनुचित लेनदेन (मिटरब्याज) सम्बन्धी जाँचबुझ आयोगले बुधबार सर्लाहीमा यहाँका मिटरब्याज साहु र पीडितको अवस्थाबारे प्रारम्भिक जानकारी लिएको छ । मधेश प्रदेशको राजधानी जनकपुरधाममा आइतबार कार्यालय स्थापना भएपश्चात् आयोगका अध्यक्ष गौरीबहादुर कार्की र सदस्य उत्तमराज सुवेदी बुधबार सर्लाही आएर मिटरब्याजपीडित, नागरिक समाज, जनप्रतिनिधि, सुरक्षा अधिकारी, दलका प्रतिनिधि, मिटरब्याजविरुद्धका अभियन्तालगायत अन्य सरोकारवालासँग छलफल गरी फर्किनुभएको हो ।
दलित बस्तीमा खानेपानी अभाव
बढ्दो खडेरीसँगै भूमिगत पानीको स्रोत सुक्न थालेपछि रौतहटको एक दलित बस्तीमा खानेपानी अभाव भएको छ। गुजरा नगरपालिका–५, लक्ष्मीपुरको मुसहर बस्तीमा रहेको खानेपानीको एक मात्र धारा सुक्दै गएपछि खानेपानी अभाव भएको हो। कुल २८ घरधुरी रहेको उक्त बस्तीमा खानेपानीको एउटा मात्र धारा छ। २०७२ सालमा ‘डिप बोरिङ’ गरी निर्माण गरिएको उक्त धारामा अन्य उपकरणको सहायताबिना नै स्वतः पानी आउँछ। सो वडामा त्यस्ता धारा छवटा थिए। तीमध्ये पाँचवटा सुकिसकेका छन्।
मिटरब्याजी पीडित सहायता कक्ष सञ्चालनमा
जिल्ला प्रशासन कार्यालय सप्तरीले मिटरब्याजी पीडितको समस्या सुन्न र आवेदन लिन छुट्टै सहायता कक्ष सञ्चालनमा ल्याएको छ ।
सर्लाही सीडीओ कार्यालयमा आगलागी, सेवा अवरुद्ध
जिल्ला प्रशासन कार्यालय सर्लाहीमा आगलागी भएको छ । आगलागी भएपछि कार्यालयले प्रदान गर्ने सेवा पनि अवरुद्ध भएको छ ।
अन्धकार हटाउन अझै टुकीको प्रयोग
धनुषाको गोदार चोक र त्यस वरपरका बस्ती साँझ पर्नासाथ घरघरमा बल्ने विद्युतीय बल्बले झिलिमिली देखिन्छ। विद्युतीय पोलमा झुन्डिएको बल्बले बाटो पनि रातभर उज्यालो रहन्छ। २०४५ सालदेखि यहाँका बासिन्दा विद्युतीय बल्बको प्रकाशमा जीवननिर्वाह गर्दै आएका जानकारहरू बताउँछन् तर त्यही गोदारमा रहेको १३५ घरधुरी मुसहर बस्तीका मुसहर समुदाय भने अझै टुकी र लालटेन बालेर जीवनयापन गर्न बाध्य छन्।
डोजर चलेपछि सडक फराकिलो
सिरहा नगरपालिकाले पदमपुरदेखि माडरसम्म छ किलोमिटर सार्वजनिक जग्गामा बनेको घरटहरा र ठूला भवन खाली गराएको छ। तीन दशकदेखि खाली गराउने प्रयास भए पनि सम्भव हुन सकेको थिएन।
नगरपालिकामा महिनादेखि तालाबन्दी, तीन अधिकृत फेरिए
सर्लाहीको दक्षिण–पूर्वी भेगस्थित हरिपूर्वा नगरपालिकामा तालाबन्दी गरिएपछि कामकाज एक महिनादेखि ठप्प भएको छ । नगरपालिका कार्यालयमा गएको चैत १५ गते जनप्रतिनिधि र विभिन्न दलका नेताहरुको नेतृत्वमा सर्वदलीय सङ्घर्ष समितिको नामबाट तालाबन्दी गरिएको थियो । एक महिना बितिसक्दा पनि तालाबन्दी खुलेको छैन ।
गजेन्द्र नारायणसिंह अस्पतालमा भिडियो एक्सरे र अल्ट्रासाउण्ड सेवा डेढ महिनादेखि ठप्प
सप्तरीको राजविराजस्थित गजेन्द्रनारायण सिंह अस्पतालको भिडियो एक्सरे, सिटिस्क्यान, अल्ट्रासाउण्डलगायतका सेवा डेढ महिनादेखि ठप्प हुँदा सेवाग्राही मर्कामा परेका छन् ।
‘मधेशको पहिचान झल्किनुपर्छ’
मधेश प्रदेशका अर्थमन्त्री सञ्जयकुमार यादवले मधेश सरकारले कामकाजमा मैथिली, भोजपुरी र हिन्दी भाषालाई मान्यता दिने तयारी गरिरहेको बताउनुभएको छ। मधेश प्रज्ञा–प्रतिष्ठान मधेश प्रदेशले आइतबार आयोजना गरेको प्रदेशस्तरीय अन्तरसंवाद कार्यक्रममा बोल्दै उहाँले यस्तो बताउनुभएको हो। “अहिले प्रदेश सरकारको कामकाजको भाषा नेपाली रहेको छ,” उहाँले भन्नुभयो, “अब मैथिली, भोजपुरी, हिन्दीसहित मधेशमा बोलिने भाषालाई कामकाज भाषाको मान्यता दिने निर्णय गरिन्छ। मधेशमा बोलिने भाषाको संरक्षण, संवद्र्धन र प्रवद्र्धनमा प्रतिष्ठान अगाडि बढ्नुपर्छ।”
संस्थागत विद्यालयमा पाठ्यपुस्तक अभाव
सामुदायिक विद्यालयका विद्यार्थीले यो वर्ष समयमै पाठ्यपुस्तक पाए पनि निजी (संस्थागत) विद्यालयका विद्यार्थीलाई पाठ्यपुस्तक पाउनेमा अझै अन्योल छ। सप्तरीका सबैजसो सामुदायिक विद्यालयका विद्यार्थीले पाठ्यपुस्तक पाइसकेका छन् तर वर्षैपिच्छे विभिन्न बहानामा किताब बदलिरहने, थरीथरीका पब्लिकेसन फेरिरहने निजी विद्यालयमा पढ्ने अधिकांश विद्यार्थीले अहिलेसम्म पाठ्यपुस्तक नपाएको राजविराज नगरपालिका–८ का अभिभावक लालकुमार यादवले बताउनुभयो।
सुशासनका लागि सरकार प्रतिबद्ध छ : उपप्रधानमन्त्री श्रेष्ठ
उपप्रधानमन्त्री तथा गृहमन्त्री नारायणकाजी श्रेष्ठले भ्रष्टाचारीलाई नियन्त्रण गरी जनतालाई सुशासनको अनुभूति दिलाउन सरकार गम्भीर भएर लागेको बताउनुभएको छ ।
धसिएको कमला पुलकाे पुनः निर्माण सुरु
हुलाकी सडकमा पर्ने कमला नदीको धसिएको पुलको पाया पुनः निर्माण कार्य सुरु भएको छ । चैत १५ गते भौतिक निर्माण तथा यातायात मन्त्री रहेको बेला वर्तमान उपप्रधान तथा गृहमन्त्री नारायणकाजी श्रेष्ठले प्राविधिक टोलीसहित स्थलगत निरीक्षणपछि एक सातामा पुनः निर्माण कार्य सुरु हुने गरेको प्रतिबद्धता अनुसार कार्य सुरु भएको हो ।
फरार सहकारी सञ्चालक अझै पक्राउ परेनन्
बचतकर्ताको करोडौँ रकम लिई फरार भएका वीरगञ्जस्थित यादगार बचत तथा ऋण सहकारी संस्थाका सञ्चालक अझै पक्राउ पर्न सकेका छैनन् ।
गृहमन्त्री श्रेष्ठद्वारा मिटरब्याजसम्बन्धी जाँचबुझ आयोगको कार्यालय उद्घाटन
उपप्रधान तथा गृहमन्त्री नारायणकाजी श्रेष्ठले जनकपुरधामस्थित अनुचित लेनदेन (मिटरब्याज) सम्बन्धी जाँचबुझ आयोगको कार्यालय उद्घाटन गर्नुभएको छ ।
जानकी नवमी मनाइयो
विविध कार्यक्रमको आयोजना गरी शनिबार जानकी नवमी उत्सव भव्यताका साथ मनाइएको छ। जानकीको जन्मोत्सवका अवसरमा जानकी मन्दिरको आयोजनामा विभिन्न कार्यक्रम गरी जानकी नवमी उत्सव मनाइएको जानकी मन्दिरका छोटे महन्त रामरोशन दास वैष्णवले बताउनुभयो। वैशाखको शुक्ल नवमीको मध्याह्नमा धर्तीबाट प्रकट भएको धर्मग्रन्थमा गरिएको वर्णन र जानकी मन्दिरको चलनलाई निरन्तरता दिँदै जानकी नवमी मनाइएको उहाँले जानकारी दिनुभयो। शाही स्नान, जन्मोत्सव, साँझ डोला शोभा यात्रा, बेलुका दीप प्रज्वलन गरी दिपोत्सव र राति बधाई गानसहित जानकी नवमी उत्सव मनाइएको बताउँदै उहाँले सो अवसरमा भारतका विभिन्न स्थानका साधुसन्त पनि जनकपुरधाममा आउनुभएको जानकारी दिनुभयो।
सेनाको अगुवाइमा निःशुल्क स्वास्थ्य शिविर
नेपाली सेनाको वीरदल गण रौतहटको अगुवाईमा शनिबार आयोजित स्वास्थ्य शिविरमा आठ सयभन्दा बढी बिरामीले उपचार गराएका छन् । रौतहटको चन्द्रपुर नगरपालिका –८ मा रहेको शिवशक्ति आधारभूत आवासीय विद्यालय मोतिपुरमा सञ्चालित स्वास्थ्य शिविरमा विरामीले निःशुल्क उपचार पाएका हुन् ।
जति नै पहुँच भए पनि मिटरब्याजीलाई छाडिन्न: गृहमन्त्री श्रेष्ठ
उपप्रधान तथा गृहमन्त्री नारायणकाजी श्रेष्ठले मिटरब्याज पीडक जति नै पहुँचवाला र स्थापित भए पनि सरकारले नछाड्ने बताउनुभएको छ ।
