.jpg)
प्रयोगबिहीन बने स्वास्थ्य उपकरण
सप्तरीको खडक नगरपालिका ७ कल्याणपुरको प्राथमिक स्वास्थ्य केन्द्रमा खरिद गरिएको अल्ट्रासाउण्डसहितको उपकरणहरु प्रयोगविहीन बनेका छन् । खडक नगरपालिकाले सर्वसाधारण नागरिकलाई सहज रुपमा सेवा दिन गत आर्थिक वर्षको बजेटले खरिद गरेको अल्ट्रासाउण्ड मेसिन, एक्सरे, इसीजी मेसिन जनशक्ति अभावको कारण सञ्चालनमा आएको छैन ।
तराईमा खडेरी : महँगो डिजेल खर्चेर धानमा सिँचाई
सर्लाहीसहित तराई–मधेशका जिल्लामा पानी नपर्दा किसान चिन्तित बनेका छन् । सिँचाईको अभावमा किसानले लगाएको धानबाली सुक्न थालेको छ । भर्खरै रोपिएको धान खेतमा धाँजा फाटेको छ ।
ऋणको बोझले बँधुवा मजदुर बन्न बाध्य
चर्को घाममा कोदालोले खेत सम्याउँदै गरेको बेला भेटिए ५५ वर्षीय फिरन पासवान। धनुषाको शहीद नगरपालिका–४, ननुपट्टी घर भएका फिरन आफू कृषि बँधुवा मजदुर भएको र सम्याउँदै गरेको खेत साहुको भएको बताउनुभयो। विगत ३५ वर्षदेखि बँधुवा मजदुरका रूपमा काम गर्दै आएको बताउँदै उहाँले बाबुबाजे पनि बँधुवा मजदुर भएर काम गरेको सुनाउनुभयो। बुवा रूपलाल पासवान र हजुरबुवा स्वरूप पासवान बँधुवा मजदुरी गर्दागर्दै जीवन बिताउनुभयो।
पुल बन्ने भएपछि दुई देशका नागरिक खुसी
सप्तरीको मुख्य भारतीय नाका राजविराज भन्सार र सीमापारिको बजार कुनौली जोड्ने दसगजा क्षेत्रमा पक्की पुल बन्ने भएपछि दुई देशका नागरिक खुसी भएका छन्। सीमा क्षेत्रमा हजारौँ नागरिकको विगतका कष्टपूर्ण दिनचर्या सम्झेरै दुःख लाग्ने गरेको तिलाठी कोइलाडी–१ का युवा पङ्कजले बताउनुहुन्छ। सीमा क्षेत्रमा बसोबास गर्दै आएका दुई देशका नागरिकको आवश्यकतालाई बुझेर दुवै सरकारको पहलमा पक्की पुल निर्माणको खबरले नागरिकमा खुसीयाली छाएको उहाँले बताउनुभयो।
पिताको सम्झनामा वडा कार्यालय भवन बनाउन जग्गादान
रौतहट समाचारदातारौतहट, भदौ २ गते । चन्द्रपुर नगरपालिका–६ निवासी यादवराज पुरीले वडा कार्यालय भवन निर्माणार्थ डेढ कठ्ठा जमिन दान गर्नुभएको छ । बिहीबार जनज्योति माध्यमिक विद्यालय चन्द्रनिगाहपुरको सभाकक्षमा भएको वडा भेला कार्यक्रममा मन्तव्य राख्दै उहाँले उहाँका दिवंगत पिता लालबहादुर पुरीको सम्झनामा कित्ता नम्बर १५३१ को डेढ कठ्ठा क्षेत्रफलको जमिन दान गर्नुभएको हो । चन्द्रपुर नगरपालिकाको ‘रिंग रोड’ र मोथियाही रोडले छोएको उक्त जमिन वडा नम्बर ६ को कार्यालय भवन निर्माण गर्न दान गर्नुभएपछि वडावासी हर्षित भएका छन् । सो जग्गाका मूल्य एक करोड रुपियाँ बराबरका हुन आउने बताइएको छ ।वडा अध्यक्ष सहदेव केसीले उक्त जमिनमा यथाशिघ्र कार्यालय भवन निर्माणको प्रक्रिया अगाडि बढाउने बताउनुभयो । उहाँका पिताको गत साउन १४ गते असमायिक निधन भएको थियो । (दाता पुरी गोरखापत्र राष्ट्रिय दैनिक पत्रिकाको रौतहट समाचारदाता हुनुहुन्छ ।)
बसपार्क सञ्चालनमा ल्याउने प्रयास
चन्द्रपुर नगरपालिकाले अलपत्र अवस्थामा रहेको बसपार्क पुनः प्रयोगमा ल्याउन पहल भएको छ। चन्द्रपुर नगरपालिका–४ टेकानमा रहेको बसपार्क पछिल्लो समयमा प्रयोगविहीन भएपछि विभिन्न आलोचना खेप्दै आएको नगरपालिकाले पुनः सञ्चालनमा ल्याउन पहल गरेको हो। सदरमुकाम गौरबाट बाहिरिने र भित्रिने करिब ३०/३५ वटा बसका लागि स्थानीयको सहयोगमा बसपार्क बनाइएको हो। २०६९ सालमा निर्माण सम्पन्न उक्त बसपार्क बाजागाजा, बसको लावालस्कर र तामझामसहित उद्घाटन भएको थियो। “उद्घाटन पश्चात् करिब एक वर्ष त्यहाँ बस पार्क प्रयोगमा आयो। त्यसपछि बसको ब्याट्रीलगायत पार्टपुर्जा चोरी हुने र बसका कर्मचारीलाई दुव्र्यवहार गर्ने जस्ता क्रियाकलापले बस व्यवसायी हैरान हुन थाले,” बस व्यवसायी सङ्घ रौतहटका अध्यक्ष रामाशङ्कर गिरीले भन्नुभयो, “असुरक्षाको कारण सो बस पार्कमा सवारीसाधन राख्ने काम पनि बन्द भयो।”
एम्बुलेन्समा लागूऔषध ढुवानी
ठूलो परिमाणमा लागूऔषध धमाधम पक्राउ पर्न थालेपछि लागूऔषध कारोबारीले ढुवानी गर्न एम्बुलेन्स प्रयोग गर्न थालेका छन्। इलाका प्रहरी कार्यालय लहानले सोमबार बेलुकी लहानस्थित जिल्ला ट्राफिक प्रहरी कार्यालयअगाडि गरेको सवारीसाधन जाँचको क्रममा बिरामी बोक्ने एम्बुलेन्सभित्र लागूऔषध गाँजा फेला पारेको छ।
फेरि आउने भयो ‘भारत गौरव पर्यटक रेल’ जनकपुरधाम
एक वर्षपछि ‘भारत गौरव पर्यटक रेल’ नामक विशेष रेल फेरि जनकपुरधाम आउन लागेको छ । गत वर्ष असार ९ गते उक्त रेल ४९९ भारतीय धार्मिक पर्यटक बोकेर जनकपुरधाम आएको थियो । सो रेलमा १४ वटा डिब्बाहरु थिए ।
निर्वाचन लक्षित सुरक्षाप्रति नेपाल प्रहरी गम्भीर : प्रहरी महानिरीक्षक सिंह
मंसिर ४ मा हुने निर्वाचन लक्षित सुरक्षा अवस्थाप्रति नेपाल प्रहरीले चासो रहेको र त्यसका लागि राम्रो प्रबन्ध मिलाइने नेपाल प्रहरी महानिरीक्षक धिरजप्रताप सिंहले बताउनुभएको छ । चुनाव घोषणा भइसके पश्चात जिल्लाको प्रसिद्ध शक्तिपीठ छिन्नमस्ता मन्दिरमा पूजाअर्चनाका लागि बुधवार सप्तरी आउनुभएका महानिरीक्षक सिंहले जिल्लाका सञ्चारकर्मीहरुसँग औपचारिक भेटघाटको क्रममा सो कुरा बताउनुभएको हो । चुनावलक्षित सुरक्षा व्यवस्थाप्रति नेपाल प्रहरी गम्भीर रहेको उहाँको भनाइ छ ।
सिरहामा गठबन्धनबाट उम्मेदवार हुने पूर्व मन्त्रीको व्यवस्थापनमै सकस
मंसिर ४ गते हुने संघीय र प्रदेशसभाको निर्वाचनका लागि अहिले कुन दलबाट को उम्मेदबार बन्ने भन्ने चर्चा चुलिएको छ । पूर्व मन्त्रीहरुले उम्मेदवार बन्न रुचि देखाएपछि सिरहामा गठबन्धन दललाई उम्मेदवार चयनमा सकस हुने देखिएको छ ।
राजविराजमा यातायात व्यवस्था सेवा कार्यालय स्थापना
सप्तरीस्थित राजविराजमा यातायात व्यवस्था सेवा कार्यालय सञ्चालनमा आएको छ । राजविराज–रूपनी सडकखण्डअन्तर्गत राजविराज नगरपालिका–९ मा स्थापित सो कार्यालयको मधेस प्रदेश सरकारका भौतिक पूर्वाधार विकासमन्त्री रामसरोज यादव र अर्थमन्त्री शैलेन्द्रप्रसाद साहले मङ्गलबार संयुक्त रुपमा शुभारम्भ गर्नुभयो ।
सिंचाइका लागि नहर जीर्णोद्धार गर्दै किसान
आकाशे पानीको भरमा खेती गर्दै आएका महोत्तरी जलेश्वर नगरपालिका किसानहरुले पर्याप्त पानी नपाएपछि नहर जीर्णोद्धार गर्न थालेका छन् ।
नेपाल प्रहरी प्रविधिमैत्री बन्नु पर्छ : मन्त्री साह
मधेश प्रदेशका गृह तथा सञ्चारमन्त्री भरतप्रसाद साहले आधुनिक युगमा परम्परागत अनुसन्धानले काम नचल्ने भन्दै प्रदेशको नेपाल प्रहरी प्रविधिमैत्री बन्नुपर्ने बताउनु भएको छ । नेपाल प्रहरी प्रधान कार्यालय, अपराध अनुसन्धान विभाग र मधेश प्रदेश प्रहरी कार्यालयले संयुक्त रुपमा मंगलबार जनकपुरधाममा आयोजना गरेको प्रदेश स्तरीय अपराध अनुसन्धान समीक्षा गोष्ठी २०७९ को उद्घाटनशत्रमा उहाँले सो कुरा बताउनुभयो ।
प्रदेश सरकारको धर्ना स्थगित
धीरेन्द्र प्रसाद साहजनकपुर, साउन ३१ गते । मधेश प्रदेश सरकारले जारी राखेको धर्ना कार्यक्रम स्थगन गरिएको छ । प्रहरी समायोजनको माग गर्दै दुई दिनदेखि जारी धर्ना आज मङ्गलबारबाट स्थगन भएको मधेश प्रदेशका मुख्यमन्त्री लालबाबु राउतले धर्नास्थलमै बताउनुभएकाे हाे ।मधेश प्रदेशका प्रदेश प्रमुख हरिशङ्कर मिश्रको उपस्थितिमा मुख्यमन्त्री राउतले धर्ना स्थगन गर्नुभयाे। सो बेला प्रदेशका गृह तथा सञ्चारमन्त्री भरतप्रसाद साहलगायत प्रदेश सभा सदस्यहरूको सहभागिता थियो । अब बन्ने सरकारले प्राथमिकतामा राखेर प्रहरी समायोजन गर्ने आश्वासन दिलाएकाले धर्ना स्थगन गरिएको मुख्यमन्त्री राउतले बताउनुभयो ।
प्रदेशस्तरीय अपराध अनुसन्धान समीक्षा गोष्ठी सुरु
धीरेन्द्रप्रसाद साहजनकपुर, साउन ३१ गते । मधेश प्रदेशमा मंगलबार प्रदेशस्तरीय अपराध अनुसन्धान समीक्षा गोष्ठी सुरु भएको छ। प्रदेशका गृह तथा सञ्चारमन्त्री भरतप्रसाद साहले कार्यक्रमको उदघाटन गर्नुभएको हाे।कार्यक्रममा प्रहरी महानिरीक्षक धीरजप्रताप सिंह, केन्द्रीय अपराध अनुसन्धानका प्रहरी अतिरिक्त महानिरीक्षक उत्तमराज सुवेदीलगायत प्रदेशका आठ वटा जिल्लाका प्रहरी उपरीक्षक, अनुसन्धान अपराध फाँटका अधिकारीको सहभागी रहेको छ।
घरमै पुगेर ज्येष्ठ नागरिकको कार्ड नवीकरण
ज्येष्ठ नागरिकको सहजता र सम्मान स्वरूप सामाजिक सुरक्षा भत्ता कार्ड घरघरमा पुगेर नवीकरण गर्ने कामको थालनी भएको महागढीमाई नगरपालिका–७ का वडाध्यक्ष शिवेन्द्रप्रताप सिंहले बताउनुभएको छ। उहाँले आफूले चुनावमा गरेको बाचा पूरा गर्दै घरघरमा पुगेर सेवा सुविधा प्रदानको थालनी गरेको जानकारी दिनुभयो।
बेचनको सालिक बेवारिसे
लहान नगरपालिका–३, अस्पताल चोकमा रहेको युवा नेता बेचन यादवको सालिक चिन्नै नसकिने गरी कुरूप देखिन थालेको छ। सालिकको संरक्षण हुनुपर्ने माग स्थानीयले गर्दै आइरहेका छन्। २०६४ सालमा अस्पताल चोकस्थित आफ्नै ‘सन्तोष लज’ बाट अपहरणको शैलीमा चोकदेखि दक्षिण रहेको झाडीमा लगेर अज्ञात समूहले यादवको हत्या गरेको थियो। हत्यारालाई कारबाहीको माग गर्दै लहानमा प्रदर्शन भएको थियो। उहाँको तेह्रौं दिनको पुण्यतिथिमा लहान भगवानपुर जाने सडकमा रहेको पार्कमा नेपाली कांग्रेसकी नेत्री चित्रलेखा यादव, पूर्वमन्त्री राजलाल यादव र गोपाल सेवा समितिको संरक्षक हरिनारायण यादवको उपस्थितिमा शोक सभा आयोजना गरी यादवको सालिक स्थापित गरिएको थियो।
-original-thumb.jpg)
श्रीमानद्वारा जलाइएकी प्रमिलाको मृत्यु
श्रीमानले आगो लगाएर जलाइएकी प्रमिला सदाको मृत्यु भएको छ । आगोबाट शरीरको ७० प्रतिशतभन्दा बढी भाग जलेर गम्भीर घाइते हुनुभएको सदाको आइतबार राति मृत्यु भएको हो ।
नागरिकता विधेयक फिर्ता पठाइएको विरोधमा चक्काजाम
राष्ट्रपति विद्यादेवी भण्डारीले नागरिकता विधेयक फिर्ता पठाएको विरोधमा पूर्वपश्चिम राजमार्गअन्तर्गत धनुषाको ढल्केवरमा चक्काजाम गरेको छ । नेपाली कांगे्रेसका कार्यकर्ताले राजमार्गमा करिब आधा घण्टा चक्काजाम गरेको हो ।
आईसीयू र भेन्टिलेटर सञ्चालन गरिएन
सर्लाहीको नवलपुरस्थित सर्पदंश उपचार केन्द्रमा आईसीयू र भेन्टिलेटर लामो समयदेखि थन्किँदा सर्पदंशका गम्भीर खाले बिरामीको उपचार गर्न समस्या परेको छ। प्रदेश सरकारले उपलब्ध गराएको आईसीयू र भेन्टिलेटर दुई वर्षदेखि सञ्चालनमा आउन सकेको छैन। दुई वर्षअघि सर्पले टोकेर उपचारका लागि ल्याइएको हरिवनकी एक बालिकाको उपचारकै क्रममा मृत्यु भएपछि उनका आफन्तले आईसीयू र भेन्टिलेटरमा तोडफोड गरी क्षति पु-याएका थिए। त्यसपछि केही समय आईसीयू र भेन्टिलेटर थन्काएर राखियो। पछि मर्मत गरेर प्रयोगमा ल्याए पनि अक्सिजन लिक हुने समस्या आएपछि पुनः थन्काएर राखिएको सर्पदंश उपचार केन्द्रले जनाएको छ।
दागबत्ती प्रकरण : पीडित पक्षलाई पुनः धम्की
छोरा नभएका मृतक परिवारसँग दागबत्तीका लागि पाँच लाख रुपियाँ माग्नेले पीडित पक्षलाई पुनः धम्क्याएको छ । घटना सार्वजनिक गरेको भन्दै काजकिरियाको भोजभातमा आफूहरू सहभागी नहुने जानकारी गराएको पीडितले आरोप लगाएका छन् ।
दाताको मृत्युपछि विद्यालय लथालिङ्ग
लक्ष्मीपुरपतारी वडा नम्बर–६ सीतापुर चोकमा रहेको रामामहन्थी माध्यमिक विद्यालयको दाता महन्थी यादवको मृत्यु भएपछि विद्यालयको शैक्षिक र भौतिक प्रगति लथालिङ्ग भएको छ ।
‘भ्रष्टाचारले सबै क्षेत्र प्रभावित पार्दै छ’
मधेश प्रदेशका गृह तथा सञ्चारमन्त्री भरतप्रसाद साहले भ्रष्टाचारले सबै क्षेत्रलाई प्रभावित पार्दै गएको बताउनुभएको छ। शनिबार जनकपुरधामस्थित बार एसोसिएसनको सभा कक्षमा राखिएको ‘भ्रष्टाचारविरुद्ध कार्टुन चित्र प्रदर्शनी’ को उद्घाटन गर्दै उहाँले स्थानीय तह, सरकारी निकाय र न्यायालयमा समेत भ्रष्टाचारले जरो गाड्दै गएको बताउनुभयो।
दागबत्ती दिन पाँच लाख माग
बिहेको बेला दाइजोका लागि हुने सौदाबाजीको घटना सामान्यजस्तै लाग्छ। तर यहाँ मृत्युको शोकमा पनि त्यस्तै सौदाबाजी भएको छ। त्यस्तो सौदाबाजी पनि अरूले नभएर छोरा नभएका मृतकका ज्वाईंले गरेका हुन्। मृतकको परिवारले मागेजति रकम दिन नसकेपछि मृतकको अन्त्येष्टि पनि हुन सकेन। दोस्रो दिनमात्र अविवाहित छोरीले दागबत्ती दिएर आफैँ किरिया बस्नुभएको छ।
यूनिक अस्पतालबाट बिरामी ठगिदै
सप्तरीको एक निजी अस्पतालले बिरामीको उपचार तथा जाँच नगरी शुल्क लिनेगरेको पाइएको छ । रुपनी राजविराज सडकखण्डको चारकिलो रुपनी गाउँपालिका २ मा पर्ने युनिक अस्पताल प्रालि. अस्पतालमा उपचाका लागि आएको विरामीहरुको जाँच र इलाजविना नै मोटो रकमको विल तिराउँदैआएको सेवाग्राहीको गुनासो छ ।
