• गोरखापत्र अनलाइन
• ३० फागुन २०७९, मङ्गलबार

फागुनमै अत्यधिक गर्मी

सर्लाहीसहित तराईका जिल्लामा यस वर्ष फागुन नसकिँदै अत्यधिक गर्मी हुन थालेको छ। गएको भदौदेखि वर्षा नभएपछि तराई क्षेत्रमा उखरमाउलो गर्मी हुन थालेको हो। फागुन महिनामै दिउँसो बाहिर निस्कनै गाह्रो पर्ने गरी चर्को घाम हुने गरेको हुँदा तराईवासी प्रभावित हुन थालेका छन्। चर्को घाम लाग्दा तराई क्षेत्रको तापक्रम दिनहुँ बढ्दो क्रममा छ। सोमबार मध्याह्न सर्लाहीको तापक्रम ३४ डिग्री सेल्सियस मापन गरिएको छ। हरिपुर नगरपालिका–५, असन्माकी प्रमिलादेवी माझीले फागुनमै अत्यधिक गर्मी भएको पहिलो पटक महसुस गरेको बताउनुभयो।