हिरासतभित्र महिलामाथि प्रहरीको चरम यातना
सिरहाको इलाका प्रहरी कार्यालय मिर्चैयामा हत्याको अनुसन्धानको क्रममा हिरासतमा लिइएकी एक महिलालाई प्रहरीले चरम यातना दिएको घटना सार्वजनिक भएको छ। मिर्चैया नगरपालिका–१ स्थित रामपुर बिर्ताकी ६२ वर्षीया गुबदीदेवी साह हलुवाईको गत असोज १५ गते भएको हत्याको अनुसन्धानको क्रममा उहाँकी बुहारी जिवछीदेवी साहलाई प्रहरीले केही दिनअगाडि नियन्त्रणमा लिएको थियो।
डुबेर बालकको मृत्यु
महोत्तरी जिल्लाको सदरमुकाम जलेश्वरमा मगंलबार बिहान पोखरीमा डुबेर एक बालकको मृत्यु भएको छ । यसरी मृत्यु हुनेमा जलेश्वर नगरपालिका वडा नं. २ बस्ने सञ्जय ठाकुरको १३ वर्षीय छोरा अंकित ठाकुर रहेको प्रहरीले जनाएको छ ।
मधेस प्रदेशमा चार लाख १२ ले गराए स्वास्थ्य बीमा
सरकारले सञ्चालन गरेको स्वास्थ्य बीमा कार्यक्रमअन्तर्गत मधेस प्रदेशका चार लाखभन्दा बढी व्यक्तिले बीमा गराएका छन् ।
घरदैलो अभियानमा लागे उम्मेदवार
प्रतिनिधि सभा तथा प्रदेश सभा सदस्यको चुनाव नजिकिँदै जाँदा रौतहट जिल्लामा चुनावी प्रचारप्रसारमा तीव्रता आएको छ। चुनावको लागि राजनीतिक दल तथा स्वतन्त्र उम्मेदवारसहित कार्यकर्ताहरूले आआफ्नो पक्षमा मतदातालाई रिझाउन प्रचारप्रसार तीव्र बनाएका छन्। मनोनयन दर्तापछि राजनीतिक दलका नेता, उम्मेदवार, कार्यकर्ता तथा समर्थकहरू गाउँमा गएर मतदातासँग भेटघाट गरिरहेका छन्।
क्याम्पसलाई नगर बस
लहान नगरपालिकाले त्यहाँको जेएस मुरारका बहुमुखी क्याम्पसलाई नगर बस हस्तान्तरण गरेको छ। टाढाबाट आउने विद्यार्थीलाई क्याम्पस आउन जान सहज होस् भन्ने उद्देश्यले बस हस्तारण गरिएको हो। लहान नगरप्रमुख महेशप्रसाद चौधरीले क्याम्पसको शैक्षिक विकासको लागि बस हस्तान्तर गरेको बताउनुभयो। प्रमुख चौधरीले थप्नुभयो, “मधेश प्रदेशकै नमूना क्याम्पसको रूपमा रहेको यस क्याम्पसको शैक्षिक उन्नयन र भौतिक विकासको लागि पहिलो सहयोग हो।
दश बोरा पटका नष्ट
बर्दिया प्रहरीले अवैध पटका नियन्त्रणमा लिएर नष्ट गरेको छ ।
चोरीको मोटरसाइकलसहित दुईजना पक्राउ
फरक फरक स्थानबाट चोरी भएको मोटरसाइकलसहित दुईजना पक्राउ परेका छन् । पक्राउ पर्नेमा धनुषा जिल्लास्थित शहिदनगर नगरपालिका वडा नं. ५ का २० वर्षीय अजित पासवान र सोही जिल्लास्थित जनकपुरधाम उपमहानगरपालिका वडा नं. ९ का २२ वर्षीय चन्दनकुमार झा रहेका छन् ।
सुरक्षा निकायलाई चुनावमा भूमिका निर्वाह गर्न मुख्यमन्त्री राउतको आग्रह
मधेश प्रदेशका मुख्यमन्त्री लालबाबु राउतले प्रतिनिधिसभा र प्रदेशसभा सदस्यको निर्वाचनलाई स्वतन्त्र, निश्पक्ष र धाँधलीरहित बनाउनमा सुरक्षा निकायको भूमिका महत्वपूर्ण रहेकाले इमान्दारितापूर्वक निर्वाह गर्न आग्रह गर्नुभएको हाे।
सप्तरीमा दुई पार्टीका अध्यक्ष प्रतिस्पर्धामा
सप्तरीको प्रतिनिधि सभा क्षेत्र नं. २ मा जनता समाजवादी पार्टी (जसपा) नेपालका केन्द्रीय अध्यक्ष उपेन्द्र यादव र जनमत पार्टीका अध्यक्ष डा. सीके राउतबीच प्रतिस्पर्धा हुँदै छ। यहाँ लोकतान्त्रिक समाजवादी पार्टी (लोसपा) नेपालका केन्द्रीय सदस्य जयप्रकाश ठाकुर पनि प्रतिस्पर्धामा हुनुहुन्छ।
महोत्तरीमा त्रिपक्षीय प्रतिस्पर्धा
प्रतिनिधि र प्रदेश सभा निर्वाचनमा महोत्तरीको सबै निर्वाचन क्षेत्रमा त्रिपक्षीय प्रतिस्पर्धा हुने देखिएको छ। आगामी मङ्सिर ४ गते हुने जिल्लाका चार निर्वाचन क्षेत्रमा सत्ता गठबन्धन, एमाले–जसपाको गठबन्धन र स्वतन्त्रबीच प्रतिस्पर्धा हुने देखिएको छ। चारवटै क्षेत्रमा प्रतिनिधि सभामा यसअघि उठेकाहरू नै दोहोरिएका छन्। जिल्लाको क्षेत्र नं. १ मा नेपाल कम्युनिस्ट पार्टी (माओवादी)बाट विगतमा विजयी पूर्वमन्त्री गिरिराजमणि पोखरेलसँगै नेकपा एमाले गठबन्धनका लक्ष्मी महतो र स्वतन्त्रबीच प्रतिस्पर्धा देखिएको छ। २०७४ को निर्वाचनमा पूर्वमन्त्री पोखरेलले महतोलाई हराउँदै प्रतिनिधि सभामा निर्वाचित हुनुभएको थियो। यातायात कार्यालयको प्रमुखबाट राजीनामा दिएर स्वतन्त्र उम्मेदवारी दिनुभएका पोषण थापा पनि चुनावी मैदानमा हुनुहुन्छ।
आइपुग्यो समानुपातिकको मतपत्र
जिल्ला निर्वाचन कार्यालय सप्तरीले प्रतिनिधि सभा र प्रदेश सभा निर्वाचनका लागि सप्तरीको चारवटै निर्वाचन क्षेत्रमा समानुपातिक मतपत्र पु¥याइएको जानकारी दिनुभयो। शनिबार निर्वाचन आयोगबाट जिल्ला निर्वाचन कार्यालय सप्तरीमा पुगेको मतपत्र कडा सुरक्षाकाबीच शनिबार जिल्लाको कञ्चनरूप, शम्भुनाथ, खडक र राजविराजमा स्थापना गरिएका चारवटै निर्वाचन अधिकृतको कार्यालयलाई हस्तान्तरण गरिसकिएको जिल्ला
काम जिल्ला निर्वाचन कार्यालय
निर्वाचनसम्बन्धी कार्यसम्पादनका लागि जनकपुरधामस्थित प्रादेशिक निर्वाचन कार्यालय स्थापना गरिएको छ। प्रादेशिक नाम जोडिएपछि प्रदेशअन्तर्गतका जिल्ला निर्वाचन यसै कार्यालयको मातहत रहने, निगरानी गर्ने, विवरण अद्यावधिक राखिनेलगायत निर्वाचनसम्बन्धी समन्वय, सहकार्य गरी कार्यसम्पादन हुने भन्ने बुझिन्छ तर यहाँको प्रादेशिक निर्वाचन कार्यालयले जिल्ला निर्वाचन कार्यालयकै रूपमा कार्य गर्दै आएको छ।
एउटै पदमा सत्ता गठबन्धनका दुई उम्मेदवार
आसन्न निर्वाचनमा सत्ता गठबन्धनतर्फबाट महोत्तरी क्षेत्र नं १ को (क) मा प्रदेश सभा सदस्यका लागि एउटै पदमा २ जनाले मनोनयन दर्ता गराएपछि आधिकारिक उम्मेदवारको लागि हानथाप सुरु भएको छ । विवाद समाधान हुन नसकेपछि चुनाव प्रचारप्रसारमा अन्यौलता देखिएको छ ।
मिथ्या समाचार रोक्न जरुरी
महोत्तरी जिल्लाका युवा तथा नागरिक समाजका अगुवाहरूले निर्वाचनको समयमा मिथ्या सूचना रोक्न सरोकारवाला निकायले आवश्यक पहल गर्नुपर्नेमा जोड दिएका छन्। जलेश्वरमा ‘एकाउन्टाविलिटी ल्याब’ले आयोजना गरेको एक कार्यक्रममा नागरिक समाजका प्रतिनिधि तथा सञ्चारकर्मीहरूले मिथ्या तथा भ्रामक सूचना एवं समाचारले मतदाता प्रभावित हुने गरेकोले यस्तो सूचना रोक्न सबैले सामुहिक पहल गर्नुपर्नेमा जोड दिएका हुन्। शान्ति तथा विकासका लागि युवा सञ्जालका अध्यक्ष मो. रेजा अन्सारीले मिथ्या तथा भ्रामक सूचना एवं समाचार रोक्न आफूहरूले पहल गर्ने प्रतिबद्धता व्यक्त गर्दै भन्नुभयो, “निष्पक्ष, खुला र सुरक्षित निर्वाचनका लागि नागरिक समाजका प्रतिनिधिहरूको भूमिकालाई आत्मसात् गर्न आवश्यक पहल गर्छौं।”
ट्रकको ठक्करबाट पैदलयात्रीको मृत्यु
मालवाहक ट्रकको ठक्करबाट पर्सामा एक जना पैदययात्रीको मृत्यु भएको छ । वीरगञ्जको सिर्सियामा रहेको सुक्खा बन्दरगाह छेउको चोकमा सोमबार बिहान मालवाहक ट्रकले सडक पार गरिरहेका पैदलयात्रीलाई ठक्कर दिँदा ६० वर्षीय वृद्धको घटना स्थलमा मृत्यु भएको हो ।
मधेश प्रदेश सरकारबाट कांग्रेसका तीन मन्त्री पदमुक्त
मधेश प्रदेशका सरकारले नेपाली कांग्रेसबाट बनेका तीन जना मन्त्रीलाई शुक्रबार पदमुक्त गरेको छ । प्रदेश सरकारका मुख्यमन्त्री लालबाबु राउतले उनीहरुलाई पदमुक्त गर्नुभएको हो ।
दलका उम्मेदवारसँग भिड्दै बागी तथा स्वतन्त्र उम्मेदवारहरु
प्रतिनिधि तथा प्रदेश सभाको आसन्न निर्वाचनमा महोत्तरीमा बागी तथा स्वतन्त्र उम्मेदवारको बर्चस्व देखिएको छ । अधिकांश बागीहरुले दलको ह्विप अटेर गर्दै नाम फिर्ता लिन नमानेपछि आधिकारिक उम्मेदवारलाई यो निर्वाचन चुनौतीपूर्ण हुने आकंलन गरिएको छ ।
सहज रूपमा स्वास्थ्य सेवा प्रवाह गर्न निर्देशन
मधेश प्रदेशका प्रदेश प्रमुख हरिशङ्कर मिश्रले जनतालाई सर्वसुलभ र सहज तरिकाले स्वास्थ्य सेवा प्रवाह गर्न मातहतका निकायलाई निर्देशन दिनुभएको छ। जनकपुरधाममा बिहीबार प्रदेश स्वास्थ्य निर्देशनालय मधेश प्रदेशले आयोजना गरेको आर्थिक वर्ष २०७८÷७९ मा सम्पादित स्वास्थ्य कार्यक्रमको प्रदेशस्तरीय वार्षिक समीक्षा गोष्ठीलाई सम्बोधन गर्ने क्रममा उहाँले यस्तो निर्देशन दिनुभएको हो।
खाल्टाखुल्टीले पुलमा जोखिम
पूर्व–पश्चिम राजमार्गअन्तर्गत सर्लाहीको लखन्देही खोलाको पुलमा ठूला खाल्टाखुल्टी पर्दा जोखिम बढेको छ। साँघुरो र अत्यन्तै जीर्ण रहेको यस पुलमा सवारी आवागमन नै प्रभावित हुने गरी ठूला खाल्डा परेका छन्। लखन्देही पुलको अवस्था नाजुक बन्दा पनि सडक कार्यालयले मर्मतमा चासो नदिएको बस व्यवसायी दीपक श्रेष्ठले बताउनुभयो। खाल्डामा परेर गाडी लच्किँदा अर्को सवारीसँग ठोक्किएर दुर्घटना हुने गरेको उहाँले बताउनुभयो। तीव्र गतिमा आउने सवारी खाल्डामा परेर अनियन्त्रित भई दुर्घटना हुने जोखिम रहेको चालक बताउँछन्। जिल्ला ट्राफिक प्रहरी कार्यालय नवलपुरका प्रमुख ईश्वर कार्कीले खाल्टाखुल्टीका कारण सवारीसाधन बिस्तारै र पालैपालो पार हुनुपर्दा लखन्देही खोलामा सवारीको जाम बढ्दै गइरहेको बताउनुभयो।
बाध्यकारी कानुन नभएकाले महिला उम्मेदवारी न्यून
निर्वाचन आयोगको बाध्यात्मक कानुनी व्यवस्था भएकै कारण मङ्सिर ४ मा हुन गइरहेको निर्वाचनको प्रत्यक्षतर्फ सप्तरीमा महिलाको मनोनयन सङ्ख्या न्यून देखिएको छ। महिला सहभागिता सुनिश्चिताको लागि संविधानमा व्यवस्था भए पनि निर्वाचन आयोगले त्यस्तो बाध्यकारी गरिने कुनै प्रकारको कार्यविधि तथा कानुन नल्याउँदा पार्टीहरूले आफ्नै विधान कार्यान्वयनमा उदासीनता देखाएकोले प्राथमिकतामा महिला उम्मेदवार नपरेको बताइएको छ।
नदी कटान नियन्त्रण गर्नेलाई मत
सिरहा र सप्तरीको सिमानामा रहेको बलान नदीले सिरहातर्फको पश्चिमी किनारको तीव्र कटानले पीडित भएका स्थानीयले कटान नियन्त्रण गराउन विश्वास दिलाउन सक्ने उम्मेदवारलाई मात्रै मत दिने बताइएका छन्। बलान नदी कटानले लहान नगरपालिकाको ३, ४, १७, १९ र २३, सखुवानन्कारकट्टी गाउँपालिकाको ४ र ५, भगवानपुर गाउँपालिकाको १ र ४ नम्बर वडाको सयौँ बिघा उर्वर जमिन कटान गरेर सम्पन्न किसानलाई विपन्न र मध्यम वर्गीय किसानलाई सुकुम्बासी बनाइदिएको छ। बलान नदी कटान नियन्त्रणको लागि विगतका चुनावमा प्रतिबद्धता गरेर जितेका दलका नेताहरूले काम गर्न नसकेकोले यस विषयलाई यस पटकको चुनावमा प्रमुखताको साथ उठाउने लहान–२३ का बालकृष्ण यादवले बताउनुभयो।
स्वतन्त्र उम्मेदवारले आचारसंहिता उल्लङ्घन गर्दै
सप्तरीमा राजनीतिक दल र स्वतन्त्र उम्मेदवारले निर्वाचन आचारसंहिता उल्लङ्घन गर्नेगरेको पाइएको छ । निर्वाचन आचारसंहिता २०७९ विपरित राजनैतिक दल र स्वतन्त्र उम्मेदवारले चुनाव प्रचारप्रसार गरिरहेको पाइएको हो ।
डेङ्गु नियन्त्रण गर्न औषधि छर्किन थालियो
डेङ्गु नियन्त्रण गर्ने उद्देश्यले सर्लाहीको हरिवनमा मङ्गलबारबाट लामखुट्टे रहन सक्ने स्थानमा औषधि छर्किन थालिएको छ। हरिवन नगरपालिकाले व्यापक रूपमा फैलिँदै गएको डेङ्गु नियन्त्रणका लागि ‘खोज र नष्ट गर’ अभियानअन्तर्गत औषधि ‘स्प्रे’ गर्न सुरु गरेको हो। मङ्गलबार पहिलो दिन हरिवन बजार, नयाँ रोडलगायतका स्थानमा लामखुट्टे मार्न औषधि छिट्ने (छर्किने) काम भएको हरिवन नगरपालिकाको स्वास्थ्य शाखाका सह–संयोजक रामबाबु चौधरीले जानकारी दिनुभयो।
चौँतीस लाख मतदाता चार हजार मतदान केन्द्र
प्रतिनिधि सभा र प्रदेश सभा सदस्य निर्वाचनका लागि मधेश प्रदेशमा दुई हजार १५६ मतदान स्थल निर्माण र चार हजार २३५ मतदान केन्द्र तोकिएको छ। प्रदेशभरि ३२ वटा प्रतिनिधि सभा र ६४ वटा प्रदेश सभा सदस्य निर्वाचन क्षेत्र छन्। प्रदेशका आठवटै जिल्लाका गरी ३३ लाख ८६ हजार ६२८ जना मतदाता रहेको प्रादेशिक निर्वाचन कार्यालय जनकपुरधामले जानकारी गराएको छ। गत स्थानीय निर्वाचनमा ३३ लाख ३१ हजार १७० जना मतदाता रहेका थिए। यस निर्वाचनमा ५५ हजार ४५८ जना मतदाता थप भएको छ। प्रादेशिक निर्वाचन कार्यालयका अधिकारी श्रीधर पन्तका अनुसार यस पटक ३३ लाख ८६ हजार ६२८ जना मतदाताले मतदान गर्न पाउने भएका छन्। प्रदेशमा सप्तरी, सिरहा, धनुषा, महोत्तरी, सर्लाही, रौतहट, बारा र पर्सा गरी आठ जिल्ला छन्।
बारामा एकै परिवारका तीन जनाको शव भेटियो
बारामा एकै परिवारका तीन जनाको हत्या गरेर शव खोलाको किनारमा फलिएको अवस्थामा भेटिएको छ।
